ქალაქ ბათუმის მუნიციპალიტეტის საკრებულო
|
 
ანონსი
 
 
საფინანსო და ეკონომიკური განვითარების კომისიის სხდომა
29 იანვარი 2024
 

ბათუმის საკრებულოში დღეს გამართულ საფინანსო და ეკონომიკური განვითარების კომისიის სხდომაზე კომისიის წევრებმა მუნიციპალიტეტის საკუთრებაში არსებული საპრივატიზაციო ობიექტების ნუსხასა და პრივატიზაციის გეგმაში შესატან ცვლილებებზე იმსჯელეს.
ასევე განიხილეს განკარგულების პროექტი, რომელიც მუნიციპალიტეტის საკუთრებაში არსებული, სარგებლობის უფლებით, აუქციონის წესით განსაკარგი უძრავი ქონების საწყისი წლიური სარგებლობის საფასურის განსაზღვრას ითვალისწინებს.
კომისიის წევრებმა ასევე იმსჯელეს ქალაქ ბათუმში, მუნიციპალიტეტის საკუთრებაში რეგისტრირებული, პეტრე მელიქიშვილის ქ. N102-ის მიმდებარედ არსებული მიწის ნაკვეთის სახელმწიფოსათვის უსასყიდლოდ საკუთრებაში გადაცემის საკითხზე.
კომისიის წევრთა გადაწყვეტილებით, სხდომაზე წარმოდგენილ საკითხებს ბათუმის საკრებულო 31 იანვარს, მორიგ სხდომაზე განიხილავს.
სხდომას საფინანსო და ეკონომიკური განვითარების კომისიის თავმჯდომარე გოჩა მგელაძე უძღვებოდა.

 
 
 
მნახველთა რაოდენობა: 110
 
 
 
 
ვიდეო
 

 

 

ამინდი
 
ბმულები