საკრებულოში დღეს გამართულ ინფრასტრუქტურის განვითარების კომისიის სხდომაზე „ქალაქ ბათუმში, კახაბრის ქ. N36-ში მდებარე მიწის ნაკვეთებზე: 05.31.07.646; N05.31.07.728; N05.31.07.740; N05.31.07.647 განაშენიანების დეტალური გეგმის დამტკიცების შესახებ’’ საკრებულოს 2024 წლის 30 აპრილის N23 დადგენილებაში შესატანი ცვლილებები განიხილეს. პროექტის მიხედვით, შპს ,,ბათუმის სამედიცინო ცენტრის’’ მიერ მოთხოვნილია დამტკიცებულ განაშენიანების დეტალურ გეგმაში ცვლილების შეტანა. დაგეგმვის ობიექტს წარმოადგენს გეგმარებით ერთეულზე საპროექტო შენობის დასმის კონტურების ცვლილება. აღნიშნული ცვლილება წარმოადგენს არაარსებით ცვლილებას, რადგან არ ითვალისწინებს საქართველოს მთავრობის 2019 წლის 3 ივნისის №260 დადგენილებით დამტკიცებული „სივრცის დაგეგმარებისა და ქალაქთმშენებლობითი გეგმების შემუშავების წესში“ მითითებულ არც ერთ ცვლილებას.
ასევე ცვლილების შეტანა იგეგმება „ქალაქ ბათუმში, თამარ მეფის გამზირი N1-ში, თამარ მეფის გამზირი N5გ-ში მდებარე მიწის ნაკვეთებზე (ს/კN05.30.39.004; 05.30.39.016) განაშენიანების დეტალური გეგმის დამტკიცების შესახებ“ საკრებულოს 2024 წლის 31 მაისის N27 დადგენილებაში. კერძოდ, გასწორდება დადგენილების I მუხლში დაშვებული ტექნიკური ხასიათის შეცდომა და ნაცვლად, ,,მრავალბინიანი საცხოვრებელი სახლის მშენებლობისა’’, მიეთითება ,,მრავალფუნქციური სასტუმრო კომპლექსის მშენებლობა’’.
სხდომაზე განიხილეს „განაშენიანების ინტენსივობის მაქსიმალური კოეფიციენტის გაზრდის შესახებ“ საკრებულოს განკარგულების პროექტი. პროექტის მიხედვით, შპს ,,გორილა ჯგუფი” ქალაქ ბათუმში, მარუხის ქ.N18-ში მდებარე ავარიული (დადასტურებული შესაბამისი ექსპერტიზის დასკვნით) საცხოვრებელი სახლის ათვისების სანაცვლოდ, დააკმაყოფილებს ავარიული სახლის მესაკუთრეებს და ამ მიზნით ითხოვს შესაბამისი ხელშემწყობი ღონისძიების გამოყენებას სხვა ტერიტორიაზე, კერძოდ, ქ. ბათუმში, მესხეთის ქ.N15-ში და მესხეთის ქ.N15ა-ში მდებარე მიწის ნაკვეთებზე მრავალბინიანი საცხოვრებელი სახლის მშენებლობისათვის დროებითი ხელშემწყობი ღონისძიების სახით - განაშენიანების ინტენსივობის კ2 კოეფიციენტის დადგენილი 2,5-დან 3,8-მდე გაზრდას. აღნიშნულის სანაცვლოდ ქალაქ ბათუმის მუნიციპალიტეტის მერიას საკუთრებაში გადაეცემა გაზრდილი ფართობის არანაკლებ 10 % საცხოვრებელი ბინების სახით.
კომისიამ ასევე განიხილა ,,განაშენიანების ინტენსივობის მაქსიმალური კოეფიციენტის გაზრდის შესახებ” განკარგულების პროექტი, რომლის მიხედვითაც, შპს „დომუს სისაიდი“ ქალაქ ბათუმში, მ. ვარშანიძის ქ. N66ი-ში მდებარე ავარიული საცხოვრებელი სახლის ათვისების სანაცვლოდ დააკმაყოფილებს ავარიული სახლის მესაკუთრეებს და ამ მიზნით ითხოვს შესაბამისი ხელშემწყობი ღონისძიების გამოყენებას სხვა ტერიტორიაზე, კერძოდ ქ. ბათუმში, დასახლება გონიოში (ს/კ 05.36.24.425) მდებარე მიწის ნაკვეთზე მრავალბინიანი საცხოვრებელი სახლის მშენებლობისათვის დროებითი ხელშემწყობი ღონისძიების სახით - განაშენიანების ინტენსივობის კ2 კოეფიციენტის 9,5-მდე გაზრდას. განაშენიანების ინტენსივობის კ2 კოეფიციენტის გადამეტების საკომპენსაციოდ გაზრდილი ინტენსივობის 10 % გადაეცემა ქალაქ ბათუმის მუნიციპალიტეტის მერიას საცხოვრებელი ბინების სახით, რომელიც გამოყენებული იქნება სოციალური მიზნით.
სხდომაზე განიხილეს ,,ქალაქ ბათუმის მუნიციპალიტეტის გარკვეულ ტერიტორიაზე განაშენიანების დეტალური გეგმის დამტკიცების შესახებ“ საკრებულოს 2023 წლის 25 აგვისტოს N20 დადგენილებაში ცვლილების შეტანის საკითხი. პროექტის მიხედვით, წარმოდგენილი ცვლილებები ითვალისწინებს გეგმარებითი ერთეულის არეალში მდებარე რომან გაბაიძის საკუთრებაში არსებული მიწის ნაკვეთისათვის N05.24.22.776 განაშენიანების ინტენსივობის კ2 კოეფიციენტის გაზრდას დადგენილი 2,5-დან 7,0-მდე.
კომისიის წევრებმა იმსჯელეს განაშენიანების დეტალური გეგმის დამტკიცების თაობაზე საკრებულოს დადგენილების პროექტზე, რომლის მიხედვითაც შპს ,,სეიფ ინვესტის’’ მიერ მოთხოვნილია ქალაქ ბათუმში, აფსაროსის გზატკეცილის მე-2 შესახვევის N16-ისა და აფსაროსის გზატკეცილის მე-2 შესახვევის N16-ის მიმდებარედ არსებულ მიწის ნაკვეთებზე (ს/ კN05.36.22.130; ს/კN05.36.22.618) განაშენიანების დეტალური გეგმის დამტკიცება და განაშენიანების ინტენსივობის გაზრდა 2,5-მდე. განაშენიანების ინტენსივობის კ2 კოეფიციენტის გადამეტებისათვის მაკომპენსირებელი ღონისძიების სახით გადამეტებული ინტენსივობის 10 % გადაეცემა ქალაქ ბათუმის მუნიციპალიტეტის მერიას.
სხდომას ინფრასტრუქტურის განვითარების კომისიის თავმჯდომარე მინდია გოგუაძე / Mindia Goguadze უძღვებოდა.