სამუშაო ჯგუფის სხდომა
დღეს საკრებულოში ქალაქ ბათუმის მუნიციპალიტეტის ადმინისტრაციული საზღვრების შეცვლის შესახებ შუამდგომლობის მომზადების ორგანიზების მიზნით შექმნილი დროებითი სამუშაო ჯგუფის სხდომა გაიმართა.
სხდომას საკრებულოს თავმჯდომარე ივანე მაისურაძე ხელმძღვანელობდა.
კომისიის წევრებმა შეხვედრაზე, სამუშაო ჯგუფის მიერ დღემდე განხორციელებული საქმიანობის შესახებ ინფორმაცია მოისმინეს, ადმინისტრაციული საზღვრების ცვლილებასთან დაკავშირებული სამართლებრივი და ფაქტობრივი გარემოებები განიხილეს და სამუშაო ჯგუფის შემდგომი საქმიანობის ძირითადი მიმართულებები განსაზღვრეს.
დღესვე სხდომაზე სამუშაო მიმართულებები გადანაწილდა. ასევე, განიხილეს მოსახლეობასთან საინფორმაციო და საკონსულტაციო შეხვედრების ორგანიზების საკითხი.
დროებითი სამუშაო ჯგუფი ადმინისტრაციული საზღვრების ცვლილების საკითხზე მუშაობას და შესაბამისი შუამდგომლობის მომზადების პროცესს განაგრძობს.
30 სექტემბერს, 11 საათზე, გაიმართება ქალაქ ბათუმის მუნიციპალიტეტის საკრებულოს მორიგი სხდომა
(მის: ქალაქი ბათუმი, ლუკა ასათიანის ქ.№37, აჭარის ავტონომიური რესპუბლიკის უმაღლესი საბჭოს ადმინისტრაციული შენობა)
