„ვარდისფერი ოქტომბერი"

ბათუმის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს წევრები, „ვარდისფერი ოქტომბრის“ კამპანიის ფარგლებში, ბათუმის შოთა რუსთაველის სახელმწიფო უნივერსიტეტის სამედიცინო ფაკულტეტის სტუდენტებსა და ახალგაზრდული რეგიონული ცენტრის წარმომადგენლებს შეხვდნენ.
შეხვედრის მთავარი თემა ძუძუს კიბოს პრევენცია, დაავადების ადრეული გამოვლენა და სკრინინგის მნიშვნელობა იყო.
 განსაკუთრებული ყურადღება დაეთმო მომავალი ექიმებისა და ახალგაზრდების ინფორმირებულობის ამაღლებას და მათ როლს საზოგადოებაში ჯანმრთელობის საკითხებზე სანდო ინფორმაციის გავრცელებაში.
შეხვედრაზე აღინიშნა, რომ ძუძუს კიბოსთან ბრძოლის პროცესში გადამწყვეტია დაავადების დროული გამოვლენა, ადრეული დიაგნოსტიკა და სკრინინგის პროგრამებში მონაწილეობა. ახალგაზრდების ინფორმირებულობა და მათი ჩართულობა კი ხელს უწყობს საზოგადოებაში ცნობიერების ამაღლებასა და პრევენციული ღონისძიებების მნიშვნელობის უკეთ გააზრებას.
ღონისძიებები  აჭარის ჯანმრთელობისა და სოციალური დაცვის, აჭარის საზოგადოებრივი ჯანდაცვის ცენტრის,  დაავადებათა კონტროლისა და საზოგადოებრივი ჯანმრთელობის ეროვნული ცენტრისა და ბათუმის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს წარმომადგენელთა  თანაორგანიზებით გაიმართა.