ქალთა და ბავშვთა საკითხებზე მომუშავე მუნიციპალური საბჭოს სხდომა
ბათუმის მუნიციპალიტეტში ქალთა და ბავშვთა საკითხებზე მომუშავე მუნიციპალური საბჭოს სხდომა გაიმართა.
საბჭოს წევრებმა განიხილეს „ვარდისფერი ოქტომბრის“ კამპანიის ფარგლებში დაგეგმილი ღონისძიებების გეგმა და შესაბამის აქტივობებზე იმსჯელეს.
კამპანია ,,ვარდისფერი ოქტომბერი“ მთელ მსოფლიოში ყოველი წლის ოქტომბერში აღინიშნება და მისი მთავარი მიზანია ქალთა ცნობიერების ამაღლება ძუძუს კიბოს პრევენციისა და ადრეული გამოვლენის მნიშვნელობის შესახებ, მათ შორის, საქართველოში მოქმედი უფასო სკრინინგის პროგრამების, რეგულარული თვითშემოწმებისა და მამოგრაფიული კვლევის აუცილებლობის შესახებ ინფორმაციის გავრცელება.
სხდომას მუნიციპალური საბჭოს თავმჯდომარე ნატალია ზოიძე ხელმძღვანელობდა.
30 სექტემბერს, 11 საათზე, გაიმართება ქალაქ ბათუმის მუნიციპალიტეტის საკრებულოს მორიგი სხდომა
(მის: ქალაქი ბათუმი, ლუკა ასათიანის ქ.№37, აჭარის ავტონომიური რესპუბლიკის უმაღლესი საბჭოს ადმინისტრაციული შენობა)
