,,საერთაშორისო პლენერი მშვიდობისთვის 2026"

აჭარის ხელოვნების მუზეუმში „საერთაშორისო პლენერი მშვიდობისთვის 2026“-ის ფარგლებში შექმნილი ნამუშევრების გამოფენა გაიმართა, რომელსაც ბათუმის მუნიციპალიტეტის საკრებულოს წევრები დაესწრნენ.
მუზეუმის საგამოფენო სივრცეში პლენერში მონაწილე 25 მხატვრის 70-მდე ნამუშევარი იყო წარმოდგენილი. 
„საერთაშორისო არტ-პლენერი მშვიდობისთვის“ სხვადასხვა ქვეყნის ხელოვანებს აერთიანებს და ხელოვნების საშუალებით მშვიდობისა და მეგობრობის იდეის გავრცელებას ემსახურება.
პროექტის ძირითადი ხელშემწყობი, პარტნიორები და დამფინანსებლები არიან: - აჭარის ავტონომიური რესპუბლიკის კულტურის სამინისტრო და აფხაზეთის ავტონომიური რესპუბლიკის იძულებით გადაადგილებულ პირთა სამინისტრო, ასევე  საქართველოს და აფხაზეთის მხატვართა კავშირები.