საფინანსო და ეკონომიკური განვითარების კომისიის სხდომა

საკრებულოში საფინანსო და ეკონომიკური განვითარების კომისიის სხდომა გაიმართა. 
სხდომაზე განიხილეს ქალაქ ბათუმის მუნიციპალიტეტის საკუთრებაში არსებული საპრივატიზებო ობიექტების ნუსხასა და პრივატიზაციის გეგმაში შესატანი ცვლილებები. პროექტის მიხედვით, ცვლილების შემთხვევაში მუნიციპალიტეტის საკუთრებაში არსებული საპრივატიზებო უძრავი ობიექტების ნუსხასა და უძრავი ქონების პრივატიზაციის გეგმას სამი ახალი ობიექტი დაემატება.
კომისიამ იმსჯელა ქ. ბათუმში, შერიფ ხიმშიაშვილის ქუჩა №29-ის მიმდებარედ, მუნიციპალიტეტის საკუთრებაში რეგისტრირებული 57 კვ.მ. არასასოფლო-სამეურნეო დანიშნულების მიწის ნაკვეთის აჭარის ავტონომიური რესპუბლიკისათვის გადაცემის თაობაზე. პროექტის მიხედვით, აღნიშნული მიწის ნაკვეთის საკუთრებაში გადაცემა განხორციელდება, შემდგომში მისი პირდაპირი განკარგვის წესით, პირობების შესრულების სანაცვლოდ, შპს „გრანდ მოლისთვის“ საკუთრებაში გადაცემის მიზნით. 
სხდომაზე განიხილეს  Bloomberg Philanthropies-ის გლობალური პროგრამის - Youth Climate Action Fund - ფარგლებში გამოცხადებულ საგრანტო კონკურსში მოპოვებული 50 000 აშშ დოლარის ოდენობის გრანტის მიღებასა და შესაბამისი შეთანხმებების გაფორმებასთან დაკავშირებით, ქალაქ ბათუმის მუნიციპალიტეტის მერისთვის თანხმობის მიცემის საკითხი. აღნიშნული გრანტის ფარგლებში მუნიციპალიტეტი, მცირე გრანტების პროგრამის პირობებისა და მოთხოვნების შესაბამისად, მხარს დაუჭერს და განახორციელებს ახალგაზრდების მიერ კლიმატის ცვლილების შერბილებისა და ადაპტაციის მიმართულებით შემუშავებულ ინიციატივებს.
სხდომას საფინანსო და ეკონომიკური განვითარების კომისიის თავმჯდომარე გოჩა მგელაძე უძღვებოდა