საინფორმაციო ხასიათის შეხვედრა

სამხედრო გაწვევისა და რეკრუტირების ეროვნული სააგენტოს აჭარის რეგიონული ცენტრის ინიციატივით, ბათუმის საკრებულოს თავმჯდომარესთან ივანე მაისურაძესთან და  საკრებულოს წევრებთან საინფორმაციო ხასიათის შეხვედრა გაიმართა. 
შეხვედრა მიზნად ისახავდა საკრებულოს წევრებისთვის კანონმდებლობითა და თავდაცვის კოდექსით გათვალისწინებული, წვევამდელთა ეროვნულ სამხედრო სამსახურთან დაკავშირებული ინფორმაციისა და  სარეზერვო პროგრამების გაცნობას. შეხვედრაზე აღინიშნა, რომ ამ მიმართულებით საკრებულოს წევრების ინფორმირება მნიშვნელოვანია, რადგან მოსახლეობის მხრიდან საკითხისადმი დაინტერესება დიდია. 
შეხვედრას ესწრებოდნენ: საქართველოს თავდაცვის სამინისტროს სსიპ სამხედრო გაწვევისა და რეკრუტირების ეროვნული სააგენტოს სამხედრო გაწვევისა და რეკრუტირების აჭარის რეგიონული ცენტრის უფროსი ვიცე-პოლკოვნიკი ზაზა არველაძე; ცენტრის მასტერ სერჟანტი ზვიად პაქსაძე; ცენტრის ოფისის და მოქალაქეთა მიღების მთავარი სპეციალისტი ელდარ თავდგირიძე; სამხედრო აღრიცხვის, გაწვევისა და რეკრუტირების ბათუმის განყოფილების უფროსი ვიცე-პოლკოვნიკი აბესალომ ქარცივაძე; სამხედრო აღრიცხვის, გაწვევისა და რეკრუტირების განყოფილების სერჟანტი იური შავაძე