შეხვედრა სოციალური სერვისების სააგენტოში
ბათუმის საკრებულოს თავმჯდომარე ივანე მაისურაძე და საკრებულოს წევრები მუნიციპალიტეტის სოციალური სერვისების სააგენტოს სივრცეებში არსებულ მდგომარეობასა და სააგენტოს საქმიანობის ძირითად მიმართულებებს ადგილზე გაეცნენ.
სააგენტოს ხელმძღვანელთან, თამარ გაბაიძესთან გამართულ შეხვედრაზე საკრებულოს წევრებმა დეტალურად განიხილეს სოციალურ სერვისებში არსებული საჭიროებები, ამომწურავი ინფორმაცია მიიღეს სოციალური სასადილოების მომსახურების მოდელისა და ბენეფიციართა უზრუნველყოფის პროცესის, დროებითი თავშესაფრის სერვისის ფუნქციონირებისა და ბენეფიციართა მხარდაჭერის მექანიზმების შესახებ. ასევე, განსაკუთრებული ყურადღება დაეთმო ბავშვთა უფლებების დაცვის მიმართულებით განხორციელებულ ღონისძიებებსა და შესაბამისი რეაგირების პრაქტიკას.
შეხვედრაზე აღინიშნა, რომ სააგენტო ეტაპობრივად მუშაობს სოციალური სერვისების ხარისხისა და ხელმისაწვდომობის გაუმჯობესებაზე, რაც მოიცავს როგორც ინფრასტრუქტურის განვითარებას, ისე მომსახურების სტანდარტების დახვეწას.
სააგენტოში გამართული შეხვედრის შემდეგ, საკრებულოს წევრებმა ქალაქში არსებული სოციალური სასადილოები დაათვალიერეს, ადგილზე გაეცნენ მომსახურების პროცესს და არსებულ მდგომარეობას.
22 აპრილს, 11 საათზე, გაიმართება ქალაქ ბათუმის მუნიციპალიტეტის საკრებულოს რიგგარეშე სხდომა
(მის: ქალაქი ბათუმი, ლუკა ასათიანის ქ.№37, აჭარის ავტონომიური რესპუბლიკის უმაღლესი საბჭოს ადმინისტრაციული შენობა)
