ექიმების დაჯილდოების ცერემონია
ბათუმის საკრებულოს თავმჯდომარე ივანე მაისურაძე აჭარის ჯანმრთელობისა და სოციალური დაცვის სამინისტროს მიერ ორგანიზებულ ექიმების დაჯილდოების ცერემონიას დაესწრო.
ღონისძიების ფარგლებში დაჯილდოვდა რეგიონის 15 წამყვანი ექიმი, რომლებიც წარმოადგენენ სხვადასხვა თაობისა და გამოცდილების პროფესიონალებს, გამოირჩევიან მკურნალობის თანამედროვე და ინოვაციური მეთოდების დანერგვით, კრიტიკულ სიტუაციებში მაღალი პროფესიონალიზმით, სწრაფი და ეფექტიანი გადაწყვეტილებების მიღებით, ასევე პაციენტების მხრიდან გამოხატული განსაკუთრებული ნდობითა და მადლიერებით.
დაჯილდოების ცერემონიაში, ბათუმის საკრებულოს თავმჯდომარესთან ერთად, მონაწილეობნენ აჭარის უმაღლესი საბჭოს თავმჯდომარე დავით გაბაიძე, აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე ილია ვერძაძე, საქართველოს პარლამენტის წევრი ზაალ მიქელაძე.
19 დეკემბერს, 11 საათზე, გაიმართება ქალაქ ბათუმის მუნიციპალიტეტის საკრებულოს მორიგი სხდომა
(მის: ქალაქი ბათუმი, ლუკა ასათიანის ქ.№25, ქალაქ ბათუმის მუნიციპალიტეტის ადმინისტრაციული შენობა, მეორე სართული, ლუკა ასათიანის სახელობის სხდომათა დარბაზი)
