საფინანსო და ეკონომიკური განვითარების კომისიის სხდომა

ბათუმის საკრებულოს საფინანსო და ეკონომიკური განვითარების კომისიამ  დღეს გამართულ სხდომაზე მიმდინარე წლის ბიუჯეტში ცვლილებების შეტანის საკითხი განიხილა. 
წარმოდგენილი პროექტით, ხორციელდება ქალაქ ბათუმის მუნიციპალიტეტის 2025 წლის ბიუჯეტის შემოსულობების და გასაწევი გადასახდელების ნუსხის დამტკიცება საბიუჯეტო კლასიფიკაციის შესაბამისად. კერძოდ, ცვლილება შედის  ბიუჯეტის როგორც შემოსულობებში, ასევე გადასახდელების ნაწილში ცალკეულ პროგრამებსა და ქვეპროგრამებში როგორც ინფრასტრუქურული, ასევე განათლებისა და ჯანმრთელობის დაცვის მიმართულებით.  წარმოდგენილი ცვლილებები ითვალისწინებს რესურსების ოპტიმალურ გადანაწილებას სხვადასხვა სფეროებზე, რაც საბოლოო ჯამში გააუმჯობესებს ქ. ბათუმის მოსახლეობის სოციალურ-ეკონომიკურ მდგომარეობას.

სხდომაზე განიხილეს ქალაქ ბათუმის მუნიციპალიტეტის საკუთრებაში, ცენტრალური პარკის ტერიტორიაზე არსებული 59 722.00 კვ.მ. არასასოფლო-სამეურნეო დანიშნულების მიწის ნაკვეთზე მდებარე 54.96 კვ.მ საერთო ფართის შენობა-ნაგებობის  სარგებლობის უფლებით, აუქციონის წესით განსაკარგი ქონების ქირის საწყისი წლიური საფასურის განსაზღვრის საკითხი. 

ცვლილების  შეტანა იგეგმება „ქალაქ ბათუმის მუნიციპალიტეტის საკუთრებაში არსებული საპრივატიზებო ობიექტების ნუსხასა და პრივატიზაციის გეგმაშიც. პროექტის მიხედვით, ქალაქ ბათუმის მუნიციპალიტეტის საკუთრებაში არსებულ საპრივატიზებო უძრავ ობიექტთა ნუსხას ემატება სამი ობიექტი, ხოლო მუნიციპალიტეტის საკუთრებაში არსებულ უძრავი ქონების პრივატიზების გეგმას - ასევე, სამი ობიექტი. 

კომისიამ განიხილა ქ. ბათუმში, 26 მაისის ქუჩა N13-ში მდებარე შენობის პირველ სართულზე არსებული 256,0 კვ.მ. არასაცხოვრებელი ფართი სახელმწიფოს საკუთრებაში უსასყიდლოდ გადაცემის საკითხი. პროექტის მიხედვით, აღნიშნული ფართი შემდგომში  საქართველოს შინაგან საქმეთა სამინისტროს სარგებლობის უფლებით გადაეცემა.

კომისიამ იმსჯელა  მუნიციპალიტეტის საკუთრებაში არსებული ზღვისპირა ზოლში განთავსებული სტაციონალური საგუშაგოების (10 სამაშველო კოშკურა) საქართველოს შინაგან საქმეთა სამინისტროს სახელმწიფო საქვეუწყებო დაწესებულების - საგანგებო სიტუაციების მართვის სამსახურისათვის უსასყიდლოდ მუდმივ სარგებლობაში გადაცემასთან დაკავშირებით, ქალაქ ბათუმის მუნიციპალიტეტის მერისთვის თანხმობის მიცემის თაობაზე;

 კომისიამ განიხილა „ქალაქ ბათუმში, ფარნავაზ მეფის ქუჩის ფიროსმანის ქუჩამდე გაგრძელებისათვის განსახორციელებელი ღონისძიებების დამტკიცების შესახებ“ საკრებულოს 2023 წლის 24 ოქტომბრის განკარგულებაში ცვლილების შეტანის საკითხზე. აღნიშნული ცვლილებით იგეგმება ფარნავაზ მეფის ქუჩის ფიროსმანის ქუჩამდე გაგრძელებისათვის საჭირო მშენებლობის პროექტის ახალი რედაქციის დამტკიცება.

სხდომაზე წარმოდგენილ საკითხებს ბათუმის საკრებულო პირველ დეკემბერს, მორიგ სხდომაზე განიხილავს.
სხდომას საფინანსო და ეკონომიკური განვითარების კომისიის თავმჯდომარე გოჩა მგელაძე უძღვებოდა.