განათლების, კულტურის, ტურიზმისა და სპორტის საკითხთა კომისია

საკრებულოს განათლების, კულტურის, ტურიზმისა და სპორტის საკითხთა კომისიამ ბათუმის 2025 წლის ბიუჯეტის კორექტირების საკითხი განიხილა. 
წარმოდგენილი პროექტით ხორციელდება ქალაქ ბათუმის მუნიციპალიტეტის შემოსულობების და გასაწევი გადასახდელების ნუსხის დამტკიცება საბიუჯეტო კლასიფიკაციის შესაბამისად, კერძოდ ცვლილება შედის ბიუჯეტის როგორც შემოსულობებში, ასევე გადასახდელების ცალკეულ პროგრამებში/ქვეპროგრამებში.
განათლების, კულტურისა და სპორტის მიმართულებით  ცვლილებები იგეგმება (ა)იპ ბათუმის საბავშვო ბაღების გაერთიანების, პროფესიული განვითარების ხელშეწყობის, ახალგაზრდების საერთაშორისო პროექტებში მონაწილეობის ხელშეწყობის, ა(ა)იპ ბათუმის საცხენოსნო კლუბის, სასპორტო ინფრასტრუქტურის მშენებლობისა და რეაბილიტაციის,  კულტურული მემკვიდრეობის ძეგლების და კულტურის ობიექტების რეაბილიტაციის დაფინანსების ღონისძიებებში. 
ბათუმის 2025 წლის კორექტირებული ბიუჯეტის დამტკიცების საკითხს საკრებულო პირველ დეკემბერს, მორიგ სხდომაზე განიხილავს.
კომისიამ ასევე განიხილა, აჭარის მამულიშვილთა საგვარეულო კავშირის კორესპოდენცია არქიტექტორ დუგლას ზამთარაძის ბიუსტის დელფინარიუმის წინ დადგმისა და ხელოვანთა სკვერის მოწყობის თაობაზე.
საკრებულოს წევრებმა განიხილეს ქართული ქორეოგრაფიის ეროვნული ცენტრის კორესპონდენცია ქ. ბათუმში, მიხეილ ლერმონტოვის ქ.N-96-ში არსებულ საცხოვრებელ სახლზე ცნობილი ქართველი მუსიკოსისა და ქორეოგრაფის ბადრი სირაბიძის მემორიალური დაფის განთავსების თაობაზე, ასევე - საქართველოს სპორტის მინისტრის წერილი „სპორტის სფეროში საპატიო წოდებების დამტკიცების შესახებ“, რომელიც საპატიო წოდების მფლობელი პირებისთვის, წახალისების ფორმის ან/და სოციალური შეღავათების, გაუმჯობესებას ითვალისიწინებს.
სხდომას განათლების, კულტურის, ტურიზმისა და სპორტის საკითხთა კომისიის თავმჯდომარე ჯაბა ჭანტურია უძღვებოდა.