საერთაშორისო სამეცნიერო კონფერენცია

ბათუმის საკრებულოს თავმჯდომარე ივანე მაისურაძე და თავმჯდომარის პირველი მოადგილე ნატალია ზოიძე ,,ბათუმის ბულვარის” მიერ ორგანიზებულ საერთაშორისო სამეცნიერო კონფერენციას დაესწრნენ.
„რეკრეაციული პარკების მართვისა და განვითარების შესაძლებლობების“ თემაზე გამართულ მესამე საერთაშორისო სამეცნიერო კონფერენციაზე ქართველმა და უცხოელმა სპეციალისტებმა, საქართველოსა და ევროპის ქალაქების მაგალითზე, დამსწრე საზოგადოებას წარუდგინეს საპრეზენტაციო მასალა, ისაუბრეს ისეთ მნიშვნელოვან საკითხებზე, როგორიცაა: „ლანდშაფტის თავისებურებები და თანამედროვე ტენდენციები“, „მწვანე ინფრასტრუქტურის ინტეგრაცია ურბანულ არქიტექტურაში“, „დეკორატიული მცენარეების როლი რეკრეაციული პარკების მდგრად განვითარებაში“, „პარკები და პოპ კულტურა“, „გამწვანების თანამედროვე ტენდენციები“ და სხვა. 
ბულვარის მესამე საერთაშორისო კონფერენციის მიზანია, თანამედროვე მიდგომების, ინიციატივების და გამოცდილების გაზიარება ურბანული პარკებისა და რეკრეაციული სივრცეების მართვის სფეროში, ასევე, საერთაშორისო და რეგიონალურ სპეციალისტებს შორის თანამშრომლობის გაღრმავება.