ბათუმის მუნიციპალიტეტის საკრებულოში ქალაქის 2021 წლის ბიუჯეტის პროექტის განხილვა დაიწყო. დღეს გამართულ იურიდიულ და საპროცედურო საკითხთა კომისიის სხდომაზე კომისიის წევრებმა დადგენილების პროექტის კანონთან შესაბამისობაზე იმსჯელეს და პროექტის განხილვა მიზანშეწონილად მიიჩნიეს.

ბათუმის მუნიციპალიტეტის 2021 წლის ბიუჯეტის პროექტი საკრებულოში, მოქმედი კანონმდებლობით დადგენილი წესის შესაბამისად, 15 ნოემბერს შემოვიდა. პროექტი საკრებულოს მუდმივმოქმედი კომისიების სხდომებზე განიხილება და კომისიების მიერ შენიშვნების არსებობის შემთხვევაში, არა უგვიანეს 25 ნოემბრისა უკან დაუბრუნება ბათუმის მერს. ბათუმის მერი ვალდებულია ბიუჯეტის პროექტის იმავე ან შესწორებულ ვარიანტი მუნიციპალიტეტის საკრებულოს დასამტკიცებლად წარუდგინოს არა
უგვიანეს 10 დეკემბრისა.