მიმდინარე წლის 16 თებერვალს სოციალურ ქსელ facebook-ში გავრცელდა ბათუმის საკრებულოს 15 თებერვლის მორიგი სხდომის ჩანაწერის დამონტაჟებული ვიდეო-მასალა, თითქოსდა ე.წ. „6 მაისის პარკს“ ეწოდა ჩვენი რეგიონის ერთ-ერთი ყოფილი ხელმძღვანელის სახელი. აღნიშნული მასალა მიზნად ისახავს მოქალაქეების შეცდომაში შეყვანას და არის სრული დეზინფორმაცია. 

ამასთან დაკავშირებით, განვმარტავთ, რომ 15 თებერვალს საკრებულოს სხდომაზე მიღებული გადაწყვეტილებით, საკრებულოს წევრთა 19 ხმის მხარდაჭერით, ე.წ. „6 მაისის პარკს“ ეწოდა „ბათუმის ცენტრალური პარკის“ სახელი. გვსურს მოსახლეობას კიდევ ერთხელ მივაწოდოთ სწორი ინფორმაცია, რისთვისაც ვაქვეყნებთ ბათუმის მუნიციპალიტეტის საკრებულოს 2018 წლის 15 თებერვლის N17 განკარგულებას - „ეგრეთ წოდებული „6 მაისის პარკისთვის“ „ბათუმის ცენტრალური პარკის“ სახელის მინიჭების შესახებ“, ასევე, გთავაზობთ იხილოთ ამონარიდი ვიდეო-მასალა აღნიშნული სხდომის სრული ვიდეო-ჩანაწერიდან https://www.youtube.com/watch?v=9E23XZOBVPw&feature=youtu.be , ხოლო ბათუმის მუნიციპალიტეტის საკრებულოს 2018 წლის 15 თებერვლის მორიგი სხდომის სრული ვიდეო-ჩანაწერი შეგიძლიათ იხილოთ ბმულზე http://batumicc.ge/index.php?l=1&menu=6&obj=73