ბათუმს კიდევ ერთი ახალი სკვერი შეემატა. მელიქიშვილის ქუჩაზე, უკვე დასრულდა სკვერის მშენებლობა, სადაც განთავსდა საპარკო ინფრასტრუქტურა, დამონტაჟდა ახალი ატრაქციონები და სპორტული ტრენაჟორები.
ახალი რეკრეაციული სივრცის მოწყობისთვის ბიუჯეტიდან 249 ათასი ლარი დაიხარჯა.
მელიქიშვილის მე-3 შესახვევში, სკვერის გახსნას საკრებულოს თავმჯდომარის მოადგილე ზურაბ ნაკაიძე და საკრებულოს საფინანსო და ეკონომიკური განვითრების კომისიის თავმჯდომარე გოჩა მგელაძე, ქალაქის მერთან, არჩილ ჩიქოვანთან ერთად დაესწრნენ.