ქალაქ ბათუმის მუნიციპალიტეტის საკრებულო
|
 
ანონსი
 
 
შეხვედრა სტუდენტთა ინიციატივით
11 მაისი 2023
 

ბათუმის საკრებულოს წევრებმა დღეს შოთა რუსთაველის სახელმწიფო უნივერსიტეტის იურიდიულ და სოციალურ მეცნიერებათა, ჰუმანიტარულ მეცნიერებათა, ეკონომიკისა და ბიზნესის ფაკულტეტების სტუდენტებს უმასპინძლეს.
სტუდენტები დაინტერესდნენ ბათუმის საკრებულოს დარგობრივი კომისიების საქმიანობით, სამართლებრივი აქტების მომზადებისა და გადაწყვეტილების მიღების პროცედურებით. ახალგაზრდებმა შეკითხვებით მიმართეს საკრებულოს წევრებს მუნიციპალიტეტის კომპეტენციას მიკუთვნებულ საკითხებზე. ისაუბრეს მუნიციპალური ბიუჯეტის ზრდის ტენდენციებთან დაკავშირებით, ბიუჯეტის ფორმირების პროცესში მოქალაქეთა ჩართულობის მექანიზმებზე, ასევე, სოციალურად დაუცველი მოქალაქეებისთვის გათვალისწინებულ მუნიციპალურ პროგრამებსა და ქალაქის სატრანსპორტო პოლიტიკაზე. საკრებულოს წევრებმა ახალგაზრდების შეკითხვებს ამომწურავად უპასუხეს და ინფორმაცია მიაწოდეს იმ პროგრამებზე, რომლებსაც მუნიციპალიტეტი ახალგაზრდებს სთავაზობს.
შეხვედრა სტუდენტთა ინიციატივით, ბათუმის სახელმწიფო უნივერსიტეტის სტუდენტური პროექტის ,,დებატების კლუბის“ ფარგლებში გაიმართა.

 
 
 
მნახველთა რაოდენობა: 537
 
 
 
 
ვიდეო
 

 

 

ამინდი
 
ბმულები