ბრიტანეთის საელჩოსთან ბათუმის საკრებულოს თანამშრომლობა უკვე ხუთი წელია გრძელდება საქართველოში დაღუპული ბრიტანელი ჯარისკაცების საფლავების აღმოჩენის, მათი საფლავების მოწესრიგებისა და მემორიალის გაკეთებასთან დაკავშირებით.
დიდი ბრიტანეთი მსოფლიოს 153 ქვეყანაში მეთვალყურეობს პირველ და მეორე მსოფლიო ომებში დაღუპული მილიონ შვიდასი ათასი ჯარისკაცის საფლავს და მათ ხსოვნას პატივს ყოველწლიურად ნოემბერში მიაგებს. ფერიის სასაფლაოზე 69 ბრიტანელი ჯარისკაცის იდენტიფიცირება 2013 წელს მოხდა, რის შემდეგაც ბათუმში მათი ხსოვნისადმი მიძღვნილი ღონისძიება ყოველწლიურად, ასევე, ნოემბერში იმართება. ბრიტანელი ჯარისკაცები ბათუმში 1918-1920 წლებში იმყოფებოდნენ.