ქალაქ ბათუმის მუნიციპალიტეტის საკრებულო
|
 
ანონსი
 
 
შეხვედრა თურქეთის გენერალურ კონსულთან
10 მაისი 2018
 

ბათუმის საკრებულოს თავმჯდომარემ სულიკო თებიძემ დღეს თურქეთის გენერალურ კონსულს ბათუმში მაქბულე ქოჩაკს უმასპინძლა. საკრებულოს თავმჯდომარემ კონსულს დანიშვნა მიულოცა და წარმატებები უსურვა შემდგომ საქმიანობაში.

გაცნობითი ხასიათის შეხვედრაზე საუბარი ორ ქვეყანას შორის მჭიდრო ურთიერთანამშრომლობას შეეხო. მხარეებმა ისაუბრეს სავაჭრო-ეკონომიკური ურთიერთობების მნიშვნელობაზე, საინვესტიციო გარემოს გაუმჯობესებასა და ტურიზმის სფეროში თანამშრომლობაზე. კონსულმა საუბრისას აღნიშნა, რომ სარფის სასაზღვრო გამშვებ პუნქტზე, რომლითაც ყოველდღიურად ასობით მოქალაქე სარგებლობს, სარეკონსტრუქციო სამუშაოების დასრულების შემდეგ მგზავრებისა და ავტოტრანსპორტის გატარება უფრო გაიოლდება.
საკრებულოს თავმჯდომარემ გენერალურ კონსულს მადლობა გადაუხადა სტუმრობისთვის და სიმბოლური საჩუქრები გადასცა.

 
 
 
მნახველთა რაოდენობა: 143
 
 
 
 
სიახლეები
ინფრასტრუქტურული სამუშაოები ჯავახიშვილის უბანში
სრულად

 

ვიდეო
 

 

 

ამინდი
 
ბმულები