ბათუმის საკრებულოში დღეს ინფრასტრუქტურის განვითარების კომისიის სხდომაზე, რომელსაც კომისიის თავმჯდომარე გოჩა მგელაძე უძღვებოდა, კომისიის წევრებმა ბათუმის 2018 წლის ბიუჯეტის პროექტზე იმსჯელეს. პროექტის მიხედვით მომავალ წელს მუნიციპალური და კომუნალური სერვისების განვითარებაზე 78,688,600 ლარია გათვალისწინებული. სხდომაზე კომისიის წევრებმა გარკვეულ ქვეპროგრამებთან დაკავშირებით გამოთქვეს შენიშვნები და რეკომენდაციები, რაც მათივე გადაწყვეტილებით, კომისიის დასკვნაში აისახება.