დღეს ბათუმის საკრებულოს წევრები - საკრებულოს თავმჯდომარის მოადგილე ირაკლი ჩავლეიშვილი, ნატალია ზოიძე და თემურ ყურაშვილი, აჭარის მთავრობის წარმომადგენლებთან ერთად, ბათუმის ბოტანიკურ ბაღში ტრადიციულ ხილის გამოფენას დაესწრნენ. ღია ცის ქვეშ, წარმოდგენილი იყო ბათუმის ბოტანიკური ბაღის ეგზოტური და ადგილობრივი ფლორის საკვებად ვარგისი, ციტრუსისა და კენკროვნების სხვადასხვა სახეობის ხილი. გამოფენის ფარგლებში, როგორც ნედლეულის, ასევე მისგან დამზადებული პროდუქციის დეგუსტაციაც მოეწყო.