ბათუმის საკრებულოს განათლების, კულტურის, ტურიზმისა და სპორტის საკითხთა კომისიამ დღეს გამართულ სხდომაზე დღის წესრიგით გათვალისწინებული ხუთი საკითხი განიხილა.
სხდომაზე წარმოდგენილი პროექტის მიხედვით, ცვლილებები იგეგმება მუნიციპალიტეტის 2025 წლის ბიუჯეტში, რის შედეგადაც ბათუმის ბიუჯეტის 2025 წლის გადასახდელები 10.300.0 ათასი ლარით იზრდება. ცვლილება განხორციელდება ბიუჯეტის როგორც შემოსულობებში, ასევე გადასახდელების ცალკეულ პროგრამებსა და ქვეპროგრამებში. როგორც სხდომაზე აღინიშნა, განათლების მიმართულებით იზრდება სპორტული კლუბების დაფინანსება, ასევე იგეგმება სპორტული ცენტრის მატერიალურ-ტექნიკური ბაზის განახლება.
კომისიამ სხდომაზე ასევე განიხილა: ქ. ბათუმში, ზუბალაშვილის ქ. N20–ში მდებარე საცხოვრებელ სახლზე დაუთ ასამბაძის მემორიალური დაფის განთავსების სკითხი; ქ. ბათუმში, წმინდა სევერიანე აჭარელის ქუჩიდან იოსებ ნონეშვილის ქუჩის კვეთამდე მონაკვეთისთვის (ნიკოლოს გოგოლის ქუჩა) სახელის გადარქმევის და ქართველი კომპოზიტორის, სახალხო არტისტის გიორგი(გოგი) ცაბაძის სახელის მინიჭების საკითხი; ქალაქ ბათუმში ზედა ღელის ქუჩისა და ზედა ღელის შესახვევებისათვის კახი კავსაძის ქუჩისა და კახი კავსაძის შესახვევების მინიჭების თაობაზე“ ქალაქ ბათუმის მუნიციპალიტეტის საკრებულოს 2023 წლის 31 მაისის განკარგულებაში ტექნიკური შეცდომის გასწორების საკითხი; „ქალაქ ბათუმში აეროპორტის უბანში მუხრან მაჭავარიანის ქუჩიდან ხახულის ქუჩამდე გზის მონაკვეთისათვის მიხეილ შარაშიძის ქუჩისა და მიხეილ შარაშიძის I, II, III, IV და V ჩიხის სახელის მინიჭების შესახებ“ განკარგულებაში ცვლილების შეტანის საკითხი.
სხდომას მუნიციპალიტეტის საკრებულოს განათლების, კულტურის,ტურიზმისა და სპორტის საკითხთა კომისიის თავმჯდომარე ნატალია ძიძიგური უძღვებოდა.