ბათუმში 2000 მოსწავლეზე გათვლილი ახლად აშენებული მე-16 საჯარო სკოლა გაიხსნა.
მასწავლებლებსა და მოსწავლეებს ახალ, თანამედროვე სტანდარტების შესაბამის სასწავლო გარემოში სწავლის დაწყება მიულოცეს აჭარის მთავრობის თავმჯდომარემ თორნიკე რიჟვაძემ, საქართველოს განათლების, მეცნიერებისა და ახალგაზრდობის მინისტრმა ალექსანდრე წულაძემ, აჭარის განათლების, კულტურისა და სპორტის მინისტრმა მაია ხაჯიშვილმა, ბათუმის მერმა არჩილ ჩიქოვანმა, ბათუმის საკრებულოს თავმჯდომარის მოვალეობის შემსრულებელმა ირაკლი თავდგირიძემ და საკრებულოს წევრმა რამაზ ჯინჭარაძემ.
ინფრასტრუქტურული პროექტის მიხედვით, აშენდა 3-სართულიანი შენობა. საკლასო ოთახების გარდა, შენობაში განთავსდა ლაბორატორიები, ბიბლიოთეკა, კომპიუტერული ოთახი, 300 მაყურებელზე გათვლილი სააქტო დარბაზი, ღია და დახურული სპორტული მოედნები, ტრიბუნები. შენობა ადაპტირდა სპეციალური საჭიროების მქონე მოსწავლეებისთვის. სრულად კეთილმოეწყო ტერიტორია.