ბათუმის საკრებულოს თავმჯდომარე რამაზ ჯინჭარაძე და ქალაქის მერი არჩილ ჩიქოვანი, ბათუმის მაჟორიტარ დეპუტატთან საქართველოს პარლამენტში რესან კონცელიძესთან ერთად, ბათუმის მუნიციპალური დროებითი ღამის თავშესაფრის რეკონსტრუქცია_რეაბილიტაციის სამუშაოების მიმდინარეობას გაეცნენ.
ღამის თავშესაფრის რეკონსტრუქცია-რეაბილიტაციის სამუშაოებს ბათუმის მერიის საქალაქო ინფრასტრუქტურისა და კეთილმოწყობის სამმართველო ახორციელებს.
პროექტის განხორციელებისთვის ბიუჯეტიდან 2 მლნ 500 ათასი ლარია გამოყოფილი.
დროებით ღამის თავშესაფარში კომფორტულ გარემოში ღამისთევას 70 ბენეფიციარი შეძლებს, საჭიროების შემთხვევაში გაეწევათ პირველადი სამედიცინო დახმარებაც, შეძლებენ ორჯერადი კვების მიღებასა და სხვა საჭირო სერვისებით სარგებლობასაც.
პროექტი ითვალისწინებს ოთხსართულიანი შენობის შიდა და გარე სივრცეების კეთილმოწყობას.
სამუშაოები მიმდინარე წლის ბოლომდე დასრულდება.