ბათუმის საკრებულოს თავმჯდომარე რამაზ ჯინჭარაძე, თავმჯდომარის პირველი მოადგილე ირაკლი თავდგირიძე და საკრებულოს იურიდიულ და საპროცედურო საკითხთა კომისიის თავმჯდომარე დავით მახარაძე დღეს აეროპორტის ადმინისტრაციულ ერთეულში მცხოვრებ გუჩმანიძეების  მრავალშვილიან ოჯახს ეწვივნენ და  საჩუქრები გადასცეს. საკრებულოს წევრებთან ერთად 9–შვილიან ოჯახს დახმარება გაუწიეს საქველმოქმედო ორგანიზაცია ,,სიკეთის მარცვალის" დამფუძნებელმა დავით დავითაძემ და ადმინისტრაციული ერთეულის სერვისცენტრის მენეჯერმა გურამ თურმანიძემ.