ბათუმის საკრებულოს თავმჯდომარემ რამაზ ჯინჭარაძე და საკრებულოს წევრებმა, აჭარის მთავრობის, თვითმმართველობის და საზოგადოების წარმომადგენლებთან ერთად, აგვისტოს ომში სოფელ შინდისთან დაღუპული გმირების ხსოვნას პატივი მიაგეს და მემორიალი ყვავილებით შეამკეს.
2008 წლის 11 აგვისტოს, სოფელ შინდისის სარკინიგზო სადგურთან საქართველოს შეიარაღებული ძალების II ქვეითი ბრიგადის საინჟინრო ოცეული რუსულ მოტომსროლელ ასეულთან უთანასწორო ბრძოლაში ჩაება. ქართველი ჯარისკაცების მიმართულებით მტერი თითქმის ყველა სახის იარაღიდან ისროდა, მათ შორის ტანკებიდან და რეაქტიული ცეცხლმტყორცნებიდან. მიუხედავად იმისა, რომ მოწინააღმდეგემ ორჯერ გამოიძახა დახმარება, ჩვიდმეტმა ქართველმა მებრძოლმა მედგარი წინააღმდეგობა ბოლომდე გაწია და გმირულად დაიღუპა.
შინდისის გმირების სახელობის სკვერი, სადაც დღეს, ტრადიციულად, 17 გმირის სახელზე 17 ნერგი დაირგო, 2016 წლის აპრილში გაიხსნა.