ბათუმის საკრებულოს თავმჯდომარე რამაზ ჯინჭარაძე, პირველი მოადგილე ირაკლი თავდგირიძე და განათლების, კულტურის, ტურიზმისა და სპორტის საკითხთა კომისიის თავმჯდომარე ლევან ცხოიძე, აჭარის უმაღლესი საბჭოს თავმჯდომარესთან დავით გაბაიძესთან ერთად, დღეს ბათუმის სპორტულ ცენტრში გამართულ ბავშვთა დაცვის საერთაშორისო დღისადმი მიძღვნილ საზეიმო ღონისძიებას დაესწრნენ.

ღონისძიებაზე ცენტრის მოციგურავეებმა, უკრაინელ სპორტსმენებთან ერთად, საგანგებოდ ამ დღისთვის მომზადებული გასართობი შოუპროგრამა წარმოადგინეს.
ყინულის მოედანზე შესრულებული საცეკვაო ნომრებისა და კომპოზიციების პარალელურად, ბავშვებს შესაძლებლობა ჰქონდათ შეხვედროდნენ მათთვის საყვარელ ზღაპრის გმირებსა და ანიმატორებს.