ქალაქ ბათუმის მუნიციპალიტეტის საკრებულოს სხდომა (საკრებულოს სხდომა (შეკრება) ჩატარდება 2022 წლის 12 აპრილს, დღის 11:00 საათზე შემდეგ მისამართზე: ქალაქი ბათუმი, რუსთაველის/ნინოშვილის ქ. 32/35 ბათუმის შოთა რუსთაველის სახელობის სახელმწიფო უნივერსიტეტის საკონფერენციო დარბაზი)
ბათუმის მუნიციპალიტეტის საკრებულოში „ერთიანი ნაციონალური მოძრაობის“ მიერ მოწვეული საკრებულოს სხდომა კვორუმის უქონლობის გამო დღესაც ვერ გაიხსნა. სხდომას ამჯერადაც არ დაესწრნენ „ქართული ოცნება - დემოკრატიული საქართველოს“ წევრები, ხოლო „ერთიანი ნაციონალური მოძრაობის“ , „ლელოსა“ და „გახარია - საქართველოსთვის“ წარმომადგენელთა შეკრება სხდომის გასახსნელად არასაკმარისი აღმოჩნდა. შესაბამისად, ბათუმის საკრებულო უკვე მეორედ ვერ შეიკრიბა.
„ერთიანი ნაციონალური მოძრაობის“ წევრებმა სხდომის მოწვევის თაობაზე საკრებულოს აპარატს 23 დეკემბერს მიმართეს. სხდომის დღის წესრიგი საკრებულოს თავმჯდომარის არჩევასა და წინა მოწვევის საკრებულოს მიერ მიღებული ბათუმის 2022 წლის ბიუჯეტის შესახებ დადგენილების ბათილად ცნობას ითვალისწინებდა.
ბათუმის საკრებულოს სრული შემადგენლობა 35 წევრისგან შედგება, მათ შორის 34 წევრის უფლებამოსილება ცნობილია. რეგლამენტის თანახმად, საკრებულოს სხდომა უფლებამოსილია შეიკრიბოს და განიხილოს საკითხები, თუ სხდომას ესწრება საკრებულოს სრული შემადგენლობის ნახევარზე მეტი, შესაბამისად, სხდომის გასახსნელად მინიმუმ 18 წევრის შეკრებაა საჭირო.