ბათუმის მუნიციპალური გენდერული თანასწორობის საბჭოს წევრებმა დღეს ცენტრალურ პარკში ქალებს ყვავილები და საინფორმაციო ბუკლეტები დაურიგეს.
აქცია „ქალთა კვირეულის“ ფარგლებში გაიმართა, რომლის მიზანიც მუნიციპალური გენდერული საბჭოს შესახებ ინფორმაციის გაცნობა და გენდერული თანასწორობის იდეის პოპულარიზაცია იყო.
„ქალთა კვირეული“ საქართველოში გაზაფხულზე, ორიდან ცხრა მარტის ჩათვლით ყოველწლიურად იმართება, რომელიც სხვადასხვა საინფორმაციო და საგანმანათლებლო აქტივობებს მოიცავს.