სასტუმრო „ლეოგრანდში" მომხდარი ტრაგედიიდან ორი წელი გავიდა. ტრაგედია ბათუმში 2017 წლის 24 ნოემბერს ღამით მოხდა. სასტუმრო ,,ლეოგრანდში“ გაჩენილი ხანძრის შედეგად 11 ადამიანი დაიღუპა. მათ შორის, 10 საქართველოს, ხოლო ერთი ირანის მოქალაქე. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია შეძლეს.

დღეს საკრებულოს თავმჯდომარე, აჭარის მთავრობის თავმჯდომარესთან და მინისტრთა კაბინეტის წარმომადგენლებთან ერთად ტრაგედიის ადგილზე მივიდა და დაღუპულთა ხსოვნას პატივი მიაგო.