ბათუმის საკრებულოს თავმჯდომარე და საკრებულოს წევრები დღეს ვაჟა-ფშაველასა და ბესიკის ქუჩების კვეთაში მუნიციპალური სერვისების სააგენტოს ახალი სერვისცენტრის გახსნას დაესწრნენ. 

ახალი ცენტრი მოქალაქეებს „ერთი ფანჯრის“ პრინციპით მოემსახურება, რაც იმას ნიშნავს, რომ დღეიდან მუნიციპალიტეტთან დაკავშირებული მომსახურებების მიღება ერთ სივრცეში იქნება შესაძლებელი.
სერვისცენტრების მიზანია მოსახლეობის მომსახურების პროცესში ბიუროკრატიული ბარიერების შემცირება და სწრაფი და ხელმისაწვდომი მომსახურების მიწოდება.
ხელშეკრულების ფარგლებში იგეგმება კიდევ ერთი სერვისცენტრის შენობის მშენებლობა ჭავჭავაძის, ზუბალაშვილისა და ლუკა ასათიანის ქუჩებს შორის მონაკვეთში.
სამომავლოდ ახალი სერვისცენტრების მშენებლობა ყველა ადმინისტრაციულ ერთეულში იგეგმება.