გ ა ნ კ ა რ გ უ ლ ე ბ ა

ქალაქ ბათუმის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობის აჭარის ავტონომიური რესპუბლიკისათვის უსასყიდლოდ, საკუთრების უფლებით გადაცემის შესახებ

საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე-2 პუნქტის „ბ“ ქვეპუნქტისა და 108-ე მუხლის პირველი პუნქტის შესაბამისად, ქალაქ ბათუმის მუნიციპალიტეტის საკრებულომ გ ა დ ა წ ყ ვ ი ტ ა :
1. აჭარის ავტონომიურ რესპუბლიკას უსასყიდლოდ, საკუთრების უფლებით გადაეცეს ქალაქ ბათუმის მუნიციპალიტეტის საკუთრებაში არსებული, ქალაქ ბათუმში, ლადო ასათიანის ქ.№27-ში მდებარე 17410,00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული 7832,9 კვ.მ. საერთო ფართის შენობა-ნაგებობები (ს/კ 05.26.12.003);
2. ეცნობოს აჭარის ავტონომიური რესპუბლიკის მთავრობას, რომ ქალაქ ბათუმში, ლადო ასათიანის ქ.№27-ში მდებარე 7832,9 კვ.მ. საერთო ფართის შენობა-ნაგებობებიდან, ნაგებობა №3 (მცირე ზომის სპორტული დარბაზი) წინამდებარე განკარგულების მიღების მომენტისათვის არის გამოთავისუფლებულ მდგომარეობაში. კერძოდ, მოხსნილია აეროპნევმატური მემბრანა, დარბაზიდან გატანილია და ქ. ბათუმის მუნიციპალიტეტის მერიის საწყობში დასაწყობებულია ინვენტარი. დარჩენილია მიწასთან მყარად დაკავშირებული ბეტონის არმირებული ფილა, რომელიც წარმოადგენდა ნაგებობა №3-ის საძირკველს.
3. ეთხოვოს აჭარის ავტონომიური რესპუბლიკის მთავრობას უზრუნველყოს წინამდებარე განკარგულების პირველი პუნქტით უსასყიდლოდ საკუთრების უფლებით გადაცემული ქონების საჯარო რეესტრში რეგისტრაცია და გადაცემული უძრავი ქონების მიღებისათვის საჭირო კანონმდებლობით გათვალისწინებული სხვა ღონისძიებების გატარება.
4. წინამდებარე განკარგულება შეიძლება გასაჩივრდეს ბათუმის საქალაქო სასამართლოში (მის: ქალაქი ბათუმი, ზუბალაშვილის ქუჩა №30) მისი კანონმდებლობით დადგენილი წესით გაცნობიდან ერთი თვის ვადაში, რა დროსაც მხარეს წარმოადგენს ქალაქ ბათუმის მუნიციპალიტეტის მერია.
5. განკარგულება ძალაშია ხელმოწერისთანავე.

ქალაქ ბათუმის მუნიციპალიტეტის
საკრებულოს თავმჯდომარე                                            სულიკო თებიძე