ქ. ბათუმი
17 - იანვარი, 2012 წელი

გ ა ნ კ ა რ გ უ ლ ე ბ ა №2

ზოგიერთი არასამეწარმეო (არაკომერციული) იურიდიული პირის  ლიკვიდაციის პროცესის (წარმოების) დაწყების შესახებ

„ადგილობრივი თვითმმართველობის  შესახებ“ საქართველოს ორგანული კანონის მე-16 მუხლის მე-2 პუნქტის „ზ“ ქვეპუნქტის, საქართველოს სამოქალაქო კოდექსის 38-ე მუხლისა და აჭარის ავტონომიური რესპუბლიკის მთავრობის 2011 წლის 13 დეკემბრის №129 განკარგულების შესაბამისად, თვითმმართველი ქალაქის - ბათუმის საკრებულომ  გ ა დ ა წ ყ ვ ი ტ ა :

1. დაწყებულ იქნეს თვითმმართველი ქალაქის - ბათუმის მიერ დაფუძნებული (თვითმმართვე-ლი ქალაქის - ბათუმის დაქვემდებარებაში არსებული) შემდეგი არასამეწარმეო (არაკომერციული) იურიდიული პირების ლიკვიდაციის პროცესი (წარმოება):

ა) არასამეწარმეო (არაკომერციული) იურიდიული პირი - მელიტონ ბალანჩივაძის სახელობის  ხელოვნების სკოლა; 

ბ) არასამეწარმეო (არაკომერციული) იურიდიული პირი - ქ. ბათუმის ზაქარია ფალია-შვილის სახელობის სამუსიკო სკოლა-თერთმეტწლედი;

გ) არასამეწარმეო (არაკომერციული) იურიდიული პირი - ქ. ბათუმის რევაზ ლაღიძის სახელობის სამუსიკო სკოლა-ცხრაწლედი;

დ) არასამეწარმეო (არაკომერციული) იურიდიული პირი - ქ. ბათუმის კომპლექსური სასპორტო სკოლა;

ე) არასამეწარმეო (არაკომერციული) იურიდიული პირი - ქ. ბათუმის შოთა ზამთარაძის სახელობის სამხატვრო სკოლა;

ვ) არასამეწარმეო (არაკომერციული) იურიდიული პირი - ქ. ბათუმის ვახტანგ ჭაბუკიანის სახელობის კლასიკური ბალეტის სკოლა - რვაწლედი;

 ზ) არასამეწარმეო (არაკომერციული) იურიდიული პირი - სკოლისგარეშე სააღმზრდელო დაწესებულება, ქ. ბათუმის მოსწავლე-ახალგაზრდობის სასახლე.

2. ამ განკარგულების 1-ლი პუნქტით გათვალისწინებული არასამეწარმეო (არაკომერციული) იურიდიული პირების დირექტორებმა უზრუნველყონ:

ა) მეწარმეთა და არასამეწარმეო (არაკომერციული) იურიდიული პირების რეესტრში წინამდებარე განკარგულების რეგისტრაცია;

ბ) არასამეწარმეო (არაკომერციული) იურიდიული პირების ლიკვიდაციასთან დაკავშირებული, კანონმდებლობით გათვალისწინებული ღონისძიებების განხორციელება.

3. არასამეწარმეო (არაკომერციული) რიგი იურიდიული პირების ლიკვიდაციის შედეგად დარჩენილი ქონების განკარგვა განხორციელდეს საქართველოს სამოქალაქო კოდექსის 38-ე მუხლის მე-5 პუნქტის შესაბამისად.

4. ქ. ბათუმის მერიას (რ. ჩხაიძე) დაევალოს:

ა) არასამეწარმეო (არაკომერციული) იურიდიული პირების დირექტორებისათვის ხელშეწყობა ამ განკარგულებით გათვალისწინებული სალიკვიდაციო ღონისძიებების განხორციელებაში;

ბ) არასამეწარმეო (არაკომერციული) იურიდიული პირების ლიკვიდაციის შედეგად დარჩენილი ქონების განკარგვის შესახებ შესაბამისი წინადადებების წარმოდგენა წინამდებარე განკარგულების მე-3 პუნქტის მოთხოვნათა გათვალისწინებით.

5. განკარგულება ძალაშია ხელმოწერისთანავე.

 საკრებულოს თავმჯდომარე                                                                                      გიორგი კირთაძე