გ ა ნ კ ა რ გ უ ლ ე ბ ა    

თვითმმართველ ქ. ბათუმის საკრებულოს მიერ მეწარმე სუბიექტებად

დაფუძნებული იურიდიული პირების - სადამფუძნებლო და სარეგისტრაციო დოკუმენტაციაში ცვლილებების შეტანის შესახებ

ადრე მოქმედი „ადგილობრივი თვითმმართველობის შესახებ“ საქართველოს ორ­გა­ნუ­ლი კანონის (ძალადაკარგულია: 2014 წლის 05 თებერვლის N1958-IIს საქარ­თველოს ორგანული კანონით - „ადგილობრივი თვითმმართველობის კოდექსით“) 22-ე მუხლის პირველი პუნქტის „ჩ” ქვეპუნქტის შესაბამისად, თვითმმართველი ერთე­ულე­ბის საკრებულოების განსაკუთრებულ გამგებლობას მიეკუთვნებოდა საქარ­თვე­ლოს კანონმდებლობით დადგენილი წესით კერძო სამართლის იური­დი­ული პირების დაფუძნება, შესაბამისად თვითმმართველი ქ. ბათუმის საკრე­ბულო ახორციელებდა თვით­­მმართველ ქ. ბათუმის საკრებუ­ლოს მიერ მეწა­რმე სუბიექტებად დაფუძნე­ბუ­ლი იურიდიული პირების დამფუძნებელი/პარტ­ნი­ორის უფლე­ბამო­სილებას. დღე­ისათ­­­ვის მოქმედი საქართველოს ორგანული კანო­ნის ,,ადგილობრივი თვითმმართვე­ლობის კოდექსის“ 54-ე მუხლის პირველი უნქტის „დ.ბ“ ქვეპუნქტის შესაბამისად როგორც სამეწარმეო, ისე არასამეწარმეო იური­­­­დიული პირების და­ფუძ­ნება, რეორ­გა­ნიზაცია, ლიკვიდაცია, ქონების სა­წეს­­დებო კაპიტალში შეტანა და პარტნიორის სხვა უფლებამოსილების განხორ­ციელება ნაცვლად ქ. ბათუმის საკრებულოსა მიეკუთ­ვნა თვით­მმარ­თველობის აღმასრულებელ ორგანოს ქ. ბათუმის მუნიციპალიტეტის მერის უფლება­მოსილებას. ამასთან საქართველოს ორგანული კანო­ნის ,,ადგილობრივი თვითმმართველობის კოდექსის“ 127-ე მუხლის მე-2 პუნქტის შესაბამისად პირდაპირაა განსაზღვრული, რომ მუნიციპალიტეტის წილობრივი მონაწილეობით მოქმედი საწარ­მოების პარტნიორის/აქციონერის უფლებამოსილებას ახორციელებს მუნიციპალიტეტის აღმასრულებელი ორგანო. შესაბამისად ცალსახაა, რომ საქართველოს ორგანული კანო­ნის „ადგი­ლობრივი თვითმმართველობის კოდექსის“ შესაბამისად მხოლოდ და მხო­ლოდ ქ. ბათუმის აღმასრულებელი ორგანო ქ. ბათუმის მუნიციპალიტეტის მერი უფლე­ბამოსილია განახორციელოს აღნიშნული ორგანიზაციების დამფუძნებელი/პარტნი­ორის უფლებამოსილება და ორგანიზაციის მართვა. ასევე ამავე კანონით ცალსახად განსაზ­ღვრუ­ლია, რომ საკრებულო წარმოადგენს მუნიციპალიტეტის საკანონმდებლო ორგა­ნოს და მის ფუნქციებში არანაირად არ შედის და არც შეიძლება შედიოდეს ისეთი აღმას­რუ­ლებელი ფუნქციით სარგებლობა, როგორიცაა მეწა­რმე სუბიექტების დაფუძნე­ბული იურიდიული პირების დამფუძ­ნებე­ლი/პარტ­ნი­ორის უფლე­ბა­მოსი­ლების გან­ხორ­ციელება. ამასთან უნდა აღინიშნოს, რომ კანონომდებლობის მიხედ­ვით ვინაიდან საკრებულოს აღარ გააჩნია მეწარმე სუბიექტების დამფუძ­ნებელი/პარტნიორის უფლე­ბა­მოსი­ლება მანვე არის ვალდებული, ფორმალურად (ტექნიკურად) აღასრულოს საკა­ნონ­მდებლო მოთხოვნა და მიიღოს გადაწყვეტილება თავის მიერ დაფუძ­ნებული მეწარ­მე სუბიექტების დამფუძ­ნებელი/პარტნიორის უფლება­მოსილების ქ. ბათუმის მუნიცი­პა­ლიტეტის აღმას­რულებელი ორგანოს ქ. ბათუმის მერისათვის გადაცემის შესახებ.

აღნიშნულის გათვალისწინებით, საქართველოს ორგანული კანონის „ადგი­ლობ­რივი თვითმმართველობის კოდექსის“ მე-19 მუხლის „ზ“ პუნქტის, 54-ე მუხლის პირველი პუნქტის „დ.ბ“ ქვეპუნქტის და 127-ე მუხლის მე-2 პუნქტის შესაბამისად, კანონ­მდებლობით დადგენილი მოთხოვნების შესრულების უზრუნველსაყოფად, ქ.ბა­თუმის მუნიციპალიტეტის საკრებულომ გ ა დ ა წ ყ ვ ი ტ ა :

           1. შეტანილი იქნას ცვლილებები თვითმმართველ ქ. ბათუმის საკრებულოს მიერ  მეწარმე სუბიექტებად დაფუძნებული იურიდიული პირების სადამ­ფუძნებლო და ასევე სუბიექტის რეგისტრტირებულ მონაცემებში და ქვემოთ მოცემული მეწარმე სუბიექტების:

ა) შპს „ბათუმის ავტოტრანსპორტი“ (ს/კ №245445200);

ბ) შპს „ბათუმის წყალი“ (ს/კ №245556679);

გ) შპს „სანდასუფთავება“ (ს/კ №245548153);

დ) შპს „ქ. ბათუმის ტურისტული ობიექტების მართვის სააგენტო“ (ს/კ№445428323);

ე) შპს საკალათბურთო კლუბი „ბათუმი - 2010“ (ს/კ №445384691);

ვ) შპს „წყალბურთის კლუბი „ბათუმი“ (ს/კ №445393930);

ზ) შპს სარაგბო კლუბი „ბათუმი“ (ს/კ №445393495);

თ) შპს ხელბურთის კლუბი „ბათუმი“ (ს/კ №445384628);

ი) შპს „ფრენბურთის კლუბი „ბათუმი“ (ს/კ №445386314);

კ) შპს „დინამო ბათუმი“ (ს/კ №245622205);

ლ) შპს „ბათუმის სასწრაფო სამედიცინო დახმარების ცენტრი“ (ს/კ№245426490)

დამფუძნებელი/პარტნიორის უფლებამოსილება საქართველოს ორგა­ნული კანონის „ადგი­ლობ­­რივი თვითმმართველობის კოდექსით“ დადგე­ნილი საკანონმდებლო მოთ­ხოვ­ნათა შესრულების მიზნით გადაეცეს ქ. ბათუმის მუნიცი­პალიტეტის აღმასრუ­ლე­ბელ ორგანოს ქ. ბათუმის მუნიციპალიტეტის მერს, შესა­ბამისად აღნიშნული ორგანი­ზა­ციების დამფუძნებელ/პარტნიორად განისაზღვროს ქ. ბათუმის მუნიციპალიტეტის აღმას­რულებელი ორგანო - ქ. ბათუმის მუნიცი­პალიტეტის მერი.

2. ამ განკარგულების პირველი პუნქტით გათვალისწინებული ორგა­ნიზა­ციების დამ­ფუძნებელი/პარტნიორის ყველა უფლებამოსილებას ახორციელებს ქ.ბათუმის მუ­ნი­­ცი­­პა­ლიტეტის აღმასრულებელი ორგანო ქ. ბათუმის მუნიცი­პალიტეტის მერი კანონ­მდებ­ლობით დადგენილი წესით.

3. ეთხოვოს საჯარო რეესტრის ეროვნულ სააგენტოს ბათუმის სარეგისტრაციო სამსახურს განახორციელოს ამ განკარ­გულების პირველი პუნქტით გათვალისწი­ნებუ­ლი მეწარმე სუბიექტებად რეგისტრირებული ორგანიზაციების სადამფუძნებლო დოკუ­მენტაციასა და სუბიექტების რეგისტრირებულ მონაცემებში შესაბამისი ცვლილე­ბების  განხორ­ციელება.

4. მიენიჭოს უფლებამოსილება ქ. ბათუმის მუნიცი­პალი­ტეტის მერიის ად­მი­ნისტრა­ციის იურიდიული განყოფილების უფროსს რამაზ მამულაძეს (პირადი N61001014869) საჯარო რეესტრის ეროვნული სააგენტოს ბათუმის სარეგის­ტრაციო სამსახურში წარადგინოს წინამდებარე განკარგულება და მოითხოვოს ამ განკარგუ­ლების პირველი პუნქტით გათვალისწინებული ორგანიზაციების სადამფუძნებლო დო­კუმენტაციასა  და  სამეწარმეო და არასამეწარ­მეო იურიდიულ პირთა რეესტში რე­გის­ტრირებულ მონაცემებში შესაბამისი ცვლილებების შეტანა.

 5. განკარგულება ძალაშია ხელმოწერისთანავე.

საკრებულოს თავმჯდომარე                                                             ირაკლი ჭეიშვილი