გ ა ნ კ ა რ გ უ ლ ე ბ ა    

თვითმმართველ ქ. ბათუმის საკრებულოს მიერ დაფუძნებული

„არასამეწარმეო (არაკომერციული) იურიდიული პირების -

სადამფუძნებლო და სარეგისტრაციო დოკუმენტაციაში

ცვლილებების შეტანის შესახებ

ადრე მოქმედი „ადგილობრივი თვითმმართველობის შესახებ“ საქართვე­ლოს ორგანული კანონის (ძალადაკარგულია: 2014 წლის 05 თებერვლის N1958-IIს საქარ­თველოს ორგანული კანონით - „ადგილობრივი თვითმმართველობის კოდექ­სით“) 22-ე მუხლის პირველი პუნქტის „ჩ” ქვეპუნქტის შესაბამისად, თვითმმარ­თვე­ლი ერთეულების საკრებულოების განსაკუთრებულ გამგებლობას მიეკუთ­ვნე­ბოდა სა­ქარ­თველოს კანონმდებლობით დადგენილი წესით კერძო სამარ­თლის იური­­დიული პირების დაფუძნება, შესაბამისად თვითმმართველი ქ. ბათუმის საკრე­ბულო ახორ­ციელებდა თვითმმარ­თველ ქ. ბათუმის საკრე­ბულოს მიერ და­ფუძ­ნებული არასამე­წარმეო (არა­კო­მერციული) იურიდიული პირების დამფუძნებელის/წევრის (პარტნი­ორი) უფლე­ბა­მოსი­ლებას. დღეისათვის მოქმედი საქართველოს ორგანული კანო­ნის „ადგი­ლობრივი თვით­მმარ­თველობის კოდექსის“ 54-ე მუხლის პირველი პუნქტის „დ.ბ“ ქვეპუნქტის შესაბამისად, როგორც სამეწარმეო, ისე არასამეწარმეო იური­­­დი­ული პირების დაფუძნება, რეორგანიზაცია, ლიკვიდაცია, ქონების სა­წეს­დებო კაპი­ტალში შეტანა და დამფუძნებლის/წევრის (პარტნიორის) სხვა უფლებამო­სი­ლე­ბის განხორ­ცი­ელება ნაცვლად ქ. ბათუმის საკრებულოსა მიეკუთვნა თვითმმარ­თვე­ლობის აღმასრულებელ ორგანოს - ქ. ბათუ­მის მუნიციპალიტეტის მერის უფლება­მო­­სილებას. შესაბამისად ცალსახაა, რომ საქართველოს ორგანული კანო­ნის „ადგი­ლობრივი თვითმმართველობის კოდექსის“ შესაბამისად მხოლოდ და მხოლოდ ქ. ბა­თუმის არმასრულებელი ორგანო ქ. ბათუმის მუნიციპალიტეტის მერი უფლება­მოსილია განახორციელოს აღნიშნული ორგანიზაციების დამფუძნებელი/წევრის უფლე­ბამოსილება და ორგანიზაციის მართვა. ასევე ამავე კანონით ცალსახად განსაზ­ღვრულია, რომ საკრებულო წარმოადგენს მუნიციპალიტეტის საკანონმდებლო ორგა­ნოს და მის ფუნქციებში არანაირად არ შედის და არც შეიძლება შედიოდეს ისეთი აღმასრუ­ლებელი ფუნქციით სარგებლობა, როგორიცაა არასამეწარმეო (არა­კო­მერ­ციული) იურიდიული პირების დამფუძნებლის/წევრის (პარტნიორი) უფლე­ბა­მოსი­ლების განხორციელება. ამასთან უნდა აღინიშნოს, რომ კანონომდებლობის მიხედ­ვით, ვინაიდან საკრებულოს აღარ გააჩნია არასამეწარმეო (არა­კო­მერციული) იური­დიული პირების დამფუძ­ნებელის/წევრის (პარტნიორის) უფლე­ბა­მოსი­ლება, მანვე არის ვალდებული ფორმალურად (ტექნიკურად) აღასრულოს საკანონმდებლო მოთ­ხოვ­ნა, მიიღოს გადაწყვეტილება თავის მიერ დაფუძ­ნებული არასამეწარმეო (არა­კო­მერციული) იურიდიული პირების დამფუძ­ნებელი/წევრის (პარტნიორის) უფლება­მოსილების  ქ. ბათუმის მუნიციპალიტეტის აღმას­რულებელი ორგანოს ქ. ბათუმის მერისათვის გადაცემის შესახებ.

აღნიშნულის გათვალისწინებით, საქართველოს ორგანული კანონის „ადგი­ლობ­­­რივი თვითმმართველობის კოდექსის“ მე-19 მუხლის „ზ“ პუნქტისა და 54-ე მუხლის პირველი პუნქტის „დ.ბ“ ქვეპუნქტის შესაბამისად კანონმდებლობით დადგენილი მოთხოვნების შესრულების უზრუნველსაყოფად ქ.ბა­თუმის მუნიციპა­ლიტეტის საკრებულომ გ ა დ ა წ ყ ვ ი ტ ა :

1. შეტანილ იქნას ცვლილებები თვითმმართველ ქ. ბათუმის საკრებულოს მიერ  დაფუძნებული არასა­მე­წარმეო (არაკომერციული) იურიდიული პირების სადამ­ფუძ­ნებლო და ასევე სუბიექტის რეგისტრტირებულ მონაცემებში და ქვემოთ მოცე­მული არასა­მე­წარმეო (არაკომერციული) იურიდიული პირების:

ა) ა(ა)იპ - „ბათუმის საბავშვო ბაღების გაერთიანება“ (ს/კ №445393510);

ბ) ა(ა)იპ - „ქ. ბათუმის კულტურის ცენტრი“ (ს/კ №245612109);

გ) ა(ა)იპ - „აკაკი წერეთლის სახელობის ქალაქ ბათუმის საჯარო ბიბლიოთე­კა“ (ს/კ №245608597);

დ) ა(ა)იპ - „ბათუმის ბოტანიკური ბაღი“ (ს/კ №245615963);

ე) ა(ა)იპ - „ბათუმის გამწვანებისა და ლანდშაფტური დაგეგმარების სამსა­ხუ­რი“ (ს/კ №445391941);

ვ) ა(ა)იპ - „ბათუმის სპორტულ-ახალგაზრდული ცენტრი“ (ს/კ №245602110);

ზ) ა(ა)იპ - „ბათუმის განვითარების ფონდი“ (ს/კ №245603529);

თ) ა(ა)იპ - „სატრანსპორტო ინფრასტრუქტურის მართვის სააგენტო“ (ს/კ №445405348);

ი) ა(ა)იპ - „ბათუმის კორპუსი“ (ს/კ №445413525);

კ) ა(ა)იპ - „ბათუმის სასაფლაოები“ (ს/კ №445413516);

ლ) ა(ა)იპ - „ბათუმის საცხენოსნო კლუბი“ (ს/კ №445419137);

მ) ა(ა)იპ - „ბათუმის ავტოდრომი“ (ს/კ №445424078);

ნ) ა(ა)იპ - „საჭადრაკო კლუბი ნონა“ (ს/კ №445426138);

ო) ა(ა)იპ - „ქ. ბათუმის სოციალური სერვისების სააგენტო“ (ს/კ №445437705)

 დამფუძნებელი/წევრის  (პარტნიორის) უფლებამოსილება საქართველოს ორგა­ნული კანონის „ადგი­ლობ­­რივი თვითმმართველობის კოდექსით“ დადგე­ნილი საკა­ნონ­მდებლო მოთხოვნათა შესრულების მიზნით გადეცეს ქ. ბათუმის მუნიციპა­ლიტე­ტის აღმასრულებელ ორგანოს - ქ. ბათუმის მუნიციპალიტეტის მერს. შესაბამისად აღნიშნული ორგანიზაციების დამფუძნებელ/წევრად განისაზღვროს ქ. ბათუმის მუ­ნი­ციპალიტეტის აღმასრულებელ ორგანო - ქ. ბათუმის მუნიციპალიტეტის მერი.

2. ამ განკარგულების პირველი პუნქტით გათვალისწინებული ორგა­ნიზაციების დამფუძნებელი/წევრის (პარტნიორის) ყველა უფლებამოსილებას ახორციელებს ქ. ბა­თუმის მუნიცი­პალიტეტის აღმასრულებელი ორგანო ქ. ბათუმის მუნიციპალიტეტის მერი, კანონმდებლობით დადგენილი წესით.

 3. ეთხოვოს საჯარო რეესტრის ეროვნული სააგენტოს ბათუმის სარეგისტრაციო სამსახურს განახორციელოს ამ განკარგულების პირველი პუნქტით გათვალის­წინე­ბული ორგანიზაციების სადამფუძნებლო დოკუმენტაციასა და არასამეწარმეო იური­დიულ პირ­თა რეეს­ტში სუბიექტების რეგისტრირებულ მონაცემებში შესაბამისი ცვლილე­ბების  განხორციელება.

4. მიენიჭოს უფლებამოსილება ქ. ბათუმის მუნიცი­პალი­ტეტის მერიის ად­მი­ნისტრაციის იურიდიული განყოფილების უფროსს რამაზ მამულაძეს (პირადი N61001014869) საჯარო რეესტრის ეროვნული სააგენტოს ბათუმის სარეგის­ტრაციო სამსახურში წარადგინოს წინამდებარე განკარგულება და მოითხოვოს ამ განკარ­გუ­ლების პირველი პუნქტით გათვალისწინებული ორგანიზაციების სადამფუძნებლო დოკუმენტაციასა  და  სამეწარმეო და არასამეწარ­მეო იურიდიულ პირთა რეესტში რეგისტრირებულ მონაცემებში წინამდებარე განკარგულებით განსაზ­ღვრული შესა­ბამისი ცვლი­ლებე­ბის შეტანა

5. განკარგულება ძალაშია ხელმოწერისთანავე.

საკრებულოს თავმჯდომარე                                                             ირაკლი ჭეიშვილი