N: 19

თარიღი: 2014-08-29

ტიპი: დადგენილება

სფერო: სამართლებრივი აქტები

ქალაქ ბათუმის მუნიციპალიტეტის საკრებულო

დ ა დ გ ე ნ ი ლ ე ბ ა №19

2014 წლის 29 აგვისტო

ქალაქი ბათუმი

 

 

ქალაქ ბათუმის მუნიციპალიტეტის მერიის

 დებულების დამტკიცების შესახებ

 

საქართველოს ორგანული კანონის „ადგილობრივი თვითმმართველობის კოდექსი“-ს 24-ე მუხლის პირველი პუნქტის „გ.ბ“ ქვეპუნქტის, 54-ე მუხლის პირველი პუნქტის „ა.ბ“ ქვეპუნქტის და „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად, ქალაქ ბა­თუ­მის მუნიცი­პა­ლიტეტის საკრებულო    ა დ გ ე ნ ს :

 

1. დამტკიცდეს ქალაქ ბათუმის მუნიციპალიტეტის მერიის დებულება, თანახმად დანართისა.

2. ძალადაკარგულად გამოცხადდეს:

ა) „თვითმმართველი ქალაქის - ბათუმის მერიის დებულების დამტკიცების შესახებ“ თვითმმართველი ქალაქის - ბათუმის საკრებულოს 2010 წლის 24 ივნისის №6 დადგენი­ლება (გაზეთი „ბათუმური ქრონიკები“ №111, 29.06.2010 წ.).

ბ) „თვითმმართველი ქალაქის - ბათუმის მერიის ტერიტორიული ორგანოების შექ­მნისა და მათი ტიპიური დებულების დამტკიცების შესახებ“ თვითმმართველი ქალაქის - ბათუმის საკრებულოს 2008 წლის 31 მარტის №3-2 დადგენილება (გაზეთი „აჭარა“ №40, 12.04.2008 წ. გვ. 11,12).

3. დადგენილება ამოქმედდეს 2014 წლის 5 სექტემბრიდან.

 

 

 

 

 

          საკრებულოს  თავმჯდომარე                                                                        ირაკლი ჭეიშვილი

 

 

 

 

 

 

 

 

დანართი

 

„ დ ა მ ტ კ ი ც ე ბ უ ლ ი ა ”

ქალაქ ბათუმის მუნიციპალიტეტის

საკრებულოს დადგენილება

2014 წლის 29  აგვისტო  №19

 

 

ქალაქ ბათუმის მუნიციპალიტეტის მერიის

დ ე ბ უ ლ ე ბ ა

 

თავი I. ზოგადი დებულებანი

 

მუხლი 1.  ზოგადი დებულებანი

 

1. ქალაქ ბათუმის მუნიციპალიტეტის მერია (შემდეგში - „მერია“) არის ქალაქ ბათუმის მუნიციპალიტეტის აღმასრულებელი ორგანოს, მუნიციპალიტეტის უმაღლესი თანამ­დე­ბობის პირის, ქალაქ ბათუმის მუნიციპალიტეტის მერის (შემდეგში -  „მერი”) დაქვემ­დე­ბარებაში არსებული დაწესებულება, რომელიც უზრუნველყოფს მერის უფლე­ბამოსილების განხორციელებას, წინამდებარე დებულებით და სხვა სამარ­თლებრივი აქტებით განსაზ­ღვრული წესით.

2. „მერია“ შექმნილია საქართველოს ორგანული კანონის „ადგილობრივი თვით­მმარ­თ­ვე­ლობის კოდექსი“-ს შესაბამისად.

3. მერიის სრული დასახელებაა: ქალაქ ბათუმის მუნიციპალიტეტის მერია.

4. მერია, როგორც დაწესებულება (ადმინისტრაციული ორგანო) შედგება სტრუქ­ტუ­რუ­ლი ერთეულებისაგან, რომლებიც ქმნიან მერიის ერთიან სისტემას. წინამდებარე დე­ბუ­ლე­ბით მერიის ერთიან სისტემაში შეიძლება გათვალისწინებულ იქნას სხვა თანამ­დებობა, რომელიც არ შედის მერიის რომელიმე სტრუქტურული ერთეულის შემადგენ­ლობაში.

5. მერიის საქმიანობა ეფუძნება საქართველოს კონსტიტუციას, საქართველოს ორგა­ნულ კანონს „ადგილობრივი თვითმმართველობის კოდექსს“, სხვა საკანონმდებლო და კანონქვემდებარე აქტებს, ასევე წინამდებარე დებულებას.

6. მერია არ წარმოადგენს კოლეგიურ ორგანოს და იგი თავის უფლება-მოვალეობის განხორციელებას უზრუნველყოფს მერიის სტრუქტურული ერთეულების  მეშვეობით.

7. მერია არის საბიუჯეტო დაწესებულება და მისი დაფინანსების წყაროა ქალაქ ბა­თუ­მის მუნიციპალიტეტის ბიუჯეტი.

8. მერიას აქვს დასრულებული ბალანსი და ანგარიში, ხარჯთა ნუსხა, ბეჭედი და ტი­ტუ­ლიანი ბლანკი თვითმმართველი ერთეულის სიმბოლოს გამოსახულებით და საკუ­თარი სახელწოდების აღნიშვნით.

9. მერიის ოფიციალური ვებ-გვერდის მისამართია: www.batumi.ge.

10. მერიის სამართალწარმოების ენაა საქართველოს სახელმწიფო ენა.

11. მერიის იურიდიული მისამართია: ქ. ბათუმი, ლუკა ასათიანის ქ. №25.

12. დაუშვებელია მერიის სისტემაში არსებობდეს სტრუქტურული ერთეული, რომე­ლიც გათვალისწინებული არ არის წინამდებარე დებულებით.

  

მუხლი 2. მერიის საქმიანობის პრინციპები

 

1. მერიის საქმიანობის პრინციპებია:

ა) მოქალაქეთა კონსტიტუციური უფლებებისა და თავისუფლებების დაცვა;

ბ) კანონის წინაშე თანასწორობა;

გ) საქმიანობა კანონმდებლობის საფუძველზე;

დ) დისკრეციული უფლების განხორციელება კანონმდებლობის შესაბამისად;

ე) საქმიანობის განხორციელება საჯარო და კერძო ინტერესთა ურთიერთ­გაწონასწო­რებით;

ვ) მიუკერძოებლობა;

ზ) საქვეყნოობა და საჯაროობა;

თ) სამართლებრივი სახელწიფოს საქმიანობის სხვა პრინციპები.

 

თავი II. ქალაქ ბათუმის მუნიციპალიტეტის აღმასრულებელი

ორგანო -  ქალაქ ბათუმის მუნიციპალიტეტის მერი

 

მუხლი 3. ქალაქ ბათუმის მუნიციპალიტეტის  აღმასრულებელი ორგანოს  -  ქალაქ ბათუმის მუნიციპალიტეტის მერის უფლებამოსილებები

 

 

1. ქალაქ ბათუმის მუნიციპალიტეტის აღმასრულებელ ორგანოს და ქალაქ ბათუმის მუნიციპალიტეტის უმაღლეს თანამდებობის პირს წარმოადგენს - ქალაქ ბათუმის მუნი­ცი­პა­ლიტეტის მერი.

2. მერი ქალაქ ბათუმის მუნიციპალიტეტის აღმასრულებელი ორგა­ნო­სადმი მიკუ­თვ­ნე­ბულ საკითხებზე გადაწყვეტილებას ღებულობს საქართველოს ორგანული კანონის „ად­გი­ლობ­რივი თვითმმართველობის კოდექსი“-ს, წინამდებარე დებუ­ლების, საქართველოს სხვა საკანონმდებლო და კანონქვემდებარე ნორმატიული აქტებისა და საკრებულოს ად­მი­ნის­ტრაციულ-სამართლებრივი აქტების შესაბამისად.

3.  მერი:

ა) მერიის ორგანიზაციული საქმიანობის სფეროში:

ა.ა) საერთო ხელმძღვანელობასა და კოორდინაციას უწევს მერიის სტრუქტურული ერთეულების საქმიანობას;

ა.ბ) საკრებულოს დასამტკიცებლად წარუდგენს მერიის, სტრუქტურული ერთე­უ­ლების დებულებებს, საშტატო ნუსხას, მერიის თანამშრომელ­თათ­ვის დაწესებულ დამა­ტე­ბით საკვალიფიკაციო მოთხოვნებს, მერიის საჯარო მოხელეთა საკონკურსო/საატესტაციო კო­მისიის თავმჯდომარის კანდიდატურას;

ა.გ) თანამდებობაზე ნიშნავს და თანამდებობიდან ათავისუფლებს მერიის თანამ­დებობის პირებს;

ა.დ) თანამდებობაზე ნიშნავს და თანამდებობიდან ათავისუფლებს მერიის მოსამსა­ხურეებს;

ა.ე) უნაწილებს ფუნქციებს მერიის მოსამსახურეებს, დავალებებს აძლევს მერიის თანამდებობის პირებს და ისმენს მათ ანგარიშებს გაწეული მუშაობის შესახებ;

ა.ვ) წინამდებარე დებულებით დადგენილი წესით ახორციელებს მერიის თანამ­დე­ბობის პირებისთვის უფლებამოსილებების დელეგირებას, გარდა ამ პუნქტის „ა.ა“−„ა.გ“, „ბ.ა“−„ბ.გ“, „დ.კ“, „ე.ვ“ და „ე.ზ“ ქვეპუნქტებით გათვალისწინებული უფლებამოსილებებისა, აგრეთვე იმ უფლებამოსილებებისა, რომლებიც საქართველოს ორგანული კანონის „ადგი­ლობ­რივი თვითმმართველობის კოდექსის“ შესაბამისად საკრებულოს მიერ დამტკი­ცებას ან თანხმობის მიცემას საჭიროებს. უფლებამოსილების დე­ლეგირება შეიძ­ლე­ბა გა­ნხორ­ციელ­დეს შესაბამისი სტრუ­­ქტურული ერთეულის დე­ბ­უ­ლ­ების დამტკიცებით (მა­სში ცვლი­ლებების შე­ტ­ა­ნ­ით) ან/და თანამდებობის პირისათვის უფლებამოსილების დელეგი­რებისათვის ცალკე სამა­რ­თლებრივი აქტის გა­მ­ოცემით. მერის მიერ წი­ნა­მ­დე­ბა­რე დე­ბუ­ლებით გათვალისწინებული, მერისათვის მი­კუ­თ­ვნებული უფლება­მო­სი­­ლე­ბ­ის მერიის სტრუ­ქტურული ერთეულის ან/ და ცალკეული თანამდებობის პირი­სადმი დელეგი­რე­ბა, არ კრძალავს ამავე უფ­ლე­­ბა­მო­სი­ლების უშუალოდ მერის მიერ განხორ­ცი­ელებას;

ა.ზ) იღებს გადაწყვეტილებებს მერიის მოსამსახურეთა წახალისებისა და მათთვის დისციპლინური პასუხისმგებლობის დაკისრების შესახებ;

ა.თ) ამტკიცებს მერიის შინაგანაწესს და თანამდებობრივ ინსტრუქციებს;

ბ) მუნიციპალიტეტის საკრებულოსთან ურთიერთობის სფეროში:

ბ.ა) საკრებულოს წელიწადში ერთხელ მაინც, მუნიციპალიტეტის საკრებულოს რეგ­ლამენტით დადგენილი წესით წარუდგენს ანგარიშს გაწეული მუშაობის შესახებ, აგრეთვე საკრებულოს წევრთა არანაკლებ ერთი მეოთხედის მოთხოვნით საკრებულოს წარუდგენს რიგგარეშე ანგარიშს;

ბ.ბ) მოქმედი კანონმდებლობის შესაბამისად შეიმუშავებს და საკრებულოს მისა­ღებად წარუდგენს ადმინისტრაციულ-სამართლებრივი აქტების პროექტებს;

ბ.გ) საკრებულოს თავმჯდომარეს მიმართავს საკრებულოს რიგგარეშე სხდომის მოწ­ვე­ვის შესახებ წინადადებით, საკრებულოს მორიგ სხდომაზე შეაქვს დამატებით განსა­ხილ­ვე­ლი საკითხი, უფლებამოსილია დაესწროს საკრებულოს და საკრებულოს კომისიების ღია და დახურულ სხდომებს;

ბ.დ) უზრუნველყოფს საკრებულოს მიერ მიღებული ადმინისტრაციულ-სამარ­თლებ­რი­ვი აქტების აღსრულებას;

გ) საფინანსო-საბიუჯეტო სფეროში:

გ.ა) შეიმუშავებს და საკრებულოს დასამტკიცებლად წარუდგენს მუნიციპალიტეტის ბიუჯეტისა და ბიუჯეტში შესატანი ცვლილების პროექტებს; უზრუნველყოფს დამტკიცე­ბული ბიუჯეტის შესრულებას თავისი უფლებამოსილების ფარგლებში;

გ.ბ) საკრებულოს დასამტკიცებლად წარუდგენს საანგარიშო წლის ბიუჯეტის შეს­რუ­ლე­ბის ანგარიშს;

გ.გ) საქართველოს საბიუჯეტო კოდექსის შესაბამისად, საკრებულოს მიერ დად­გე­ნი­ლი წესით, მუნიციპალიტეტის დამტკიცებულ ბიუჯეტში ცვლილების შეუტანლად იღებს გადაწყვეტილებას მხარჯავი დაწესებულების საბიუჯეტო კლასიფიკაციის მუხ­ლებსა და კოდებს შორის თანხების გადანაწილების შესახებ;

გ.დ) საკრებულოს დასამტკიცებლად წარუდგენს კანონით განსაზღვრული ადგი­ლობ­რივი გადასახადებისა და მოსაკრებლების შემოღების, ცვლილებისა და გაუქმების შესახებ დადგენილებების პროექტებს;

გ.ე) მუნიციპალიტეტის სახელითა და საკრებულოს თანხმობით იღებს სესხს მოქმედი კანონმდებლობით დადგენილი წესით;

გ.ვ) საკრებულოს დასამტკიცებლად წარუდგენს მერიის მიერ წლის გან­მავ­ლობაში გან­­სახორციელებელი შესყიდვების გეგმას, ახორციელებს შესყიდვებს საქართ­ვე­ლოს კა­ნონ­მ­­დებლობით დადგენილი წესით;

გ.ზ) ქალაქ ბათუმის მუნიციპალიტეტის ბიუჯეტით მერიისათვის მიკუთვნებული გადასახდელების ფარგლებში ხელს აწერს შესაბამის საფინანსო დოკუმენტაციას; 

გ.თ) ქალაქ ბათუმის მუნიციპალიტეტის ბიუჯეტით გათვალისწინებული პროგ­რა­მე­ბი­სა და ღონისძიებების ფარგლებში სამართლებრივი აქტის სახით იღებს გადაწყვე­ტი­ლე­ბას კონკრეტული ღონისძიებების დაფინანსების თაობაზე;

დ) მუნიციპალიტეტის ქონების მართვისა და განკარგვის სფეროში:

დ.ა) მოქმედი კანონმდებლობით დადგენილი წესით იღებს გადაწყვეტილებას მუნი­ციპალიტეტის ქონების მართვისა და განკარგვის შესახებ;

დ.ბ) საკრებულოს თანხმობით იღებს გადაწყვეტილებებს: კერძო სამართლის სამე­წარ­მეო და არასამეწარმეო (არაკომერციული) იურიდიული პირების დაფუძნების, რეორგანი­ზა­ციისა და ლიკვიდაციის შესახებ; სამეწარმეო და არასამეწარმეო (არაკომერ­ციული) იუ­რი­დიული პირების დაფუძნებაში მონაწილეობისა და მათში გაწევრების შესახებ; მუნი­ცი­პა­ლიტეტის წილობრივი მონაწილეობით შექმნილი საწარმოს კაპიტალში ცვლილების შე­სა­ხებ; სამეწარმეო იურიდიული პირის წილის/აქციების შეძენის შესახებ;

დ.გ) საკრებულოს თანხმობით იღებს გადაწყვეტილებას მუნიციპალიტეტის მოძ­რავი ქო­ნების პირდაპირი განკარგვის წესით სასყიდლით ან უსასყიდლოდ სარგებლობის უფ­ლე­ბით, პირობით ან უპირობოდ გაცემის შესახებ;

 დ.დ) საკრებულოს თანხმობით წყვეტს უძრავი ქონების პირდაპირი განკარგვის წე­სით სასყიდლით ან უსასყიდლოდ სარგებლობის უფლებით, პირობით ან უპირობოდ გა­ცე­მის საკითხს;

დ.ე) საკრებულოს თანხმობით უფლებამოსილია გადაწყვიტოს მუნიციპალიტეტის ქო­ნების შემძენის/სარგებლობის უფლებით მიმღების/მართვის უფლებით მიმღების ხელ­შეკ­რულებით ნაკისრი ვალდებულებების დარღვევისთვის დაკისრებუ­ლი/დასა­კის­რებელი პირგასამტეხლოსგან განთავისუფლების საკითხი;

დ.ვ) საკრებულოს თანხმობით უფლებამოსილია გადაწყვიტოს პრივატიზებული ან/და სარგებლობის უფლებით გაცემული ქონების მიმღების ამ ქონებასთან დაკავშირე­ბუ­ლი პირობის (პირობების) შესრულების ვალდებულებისგან განთავისუფ­ლების საკითხი, გარ­და ფინანსური და საინვესტიციო ვალდებულებების შესრულებასთან დაკავშირებული პირობებისა;

დ.ზ) მოქმედი კანონმდელობის შესაბამისად, საკრებულოს თანხმობით იღებს გა­დაწ­­ყვეტილებას მუნიციპალიტეტის ძირითადი (განუსხვისებელი) ქონების გასხვისების შესახებ;

დ.თ) უზრუნველყოფს მუნიციპალიტეტის ქონების მოვლა-პატრონობას, მშენებ­ლო­ბას, რეკონსტრუქციასა და აღდგენას. ახორციელებს ქალაქ ბათუმის მუნიციპალიტეტის სა­კუთრებაში არსებული ქონების ხელშეშლის აღკვეთას, ამ მიზნით მიმართავს შესაბამის ორგანოებს და ახორციელებს სხვა ღონისძიებებს;

დ.ი) საკრებულოს დასამტკიცებლად წარუდგენს მუნიციპალიტეტის ქონების საპ­რი­ვა­ტიზაციო ობიექტების ნუსხასა და პრივატიზაციის გეგმას;

დ.კ) ახორციელებს მონიტორინგს ფიზიკური და იურიდიული პირების მიერ მათთ­ვის სარგებლობის უფლებით გადაცემული მუნიციპალიტეტის ქონების გამოყენებისა და ქონებით სარგებლობის წესების დაცვაზე;

დ.ლ) მუნიციპალიტეტის ქონების პირობებიანი აუქციონის ფორმით განკარგვის შემ­თ­ხვევაში ახორციელებს მონიტორინგს ფიზიკური და იურიდიული პირების მიერ შე­სა­ბა­მისი პირობების შესრულებაზე. ამ მიზ­ნით ხელშეკრულების მხარეს უგზავნის ხელშეკ­რუ­ლე­ბიდან (ოქმიდან) გამომდინარე გაფრ­თ­ხილებებს და სხვა შეტყობინებებს, ნაკისრი ვალ­დე­ბულებების სრულად შესრულების მიზნით ხელშეკრულების მხარეს უწესებს და­მა­ტე­ბით ვადებს, იღებს გადა­წყვეტილებებს ხელშეკრულების მხარის მიერ სააუქციონო და სა­ხელ­შეკრულებო პირობების დარღვევისას პირგასამტეხლოს დაკისრების თაობაზე;

დ.მ) იღებს გადაწყვეტილებას მუნიციპალიტეტის ქონების კანონმდებლობით დად­გენილი წესით პრივატიზების შესახებ, ასევე მუნიციპალიტეტის საკუთრებაში არსებული წილებისა და აქციების პრივატიზებისა და მართვის უფლებით გადაცემის შესახებ;

დ.ნ) ახორციელებს ქალაქ ბათუმის მუნიციპალიტეტისათვის მიკუთვნებული მიწის ნაკ­­ვეთების ქალაქ ბათუმის მუნიციპალიტეტის სახელზე საკუთრების უფლებით რეგისტ­რა­ციის მიზნით კანონ­მდებლობით გათვალისწინებულ პროცედურებს და გამოსცემს შე­სა­ბა­მის სამართლებრივ აქტებს. იღებს გადაწყვეტილებას ერთის მხრივ თვი­თ­­მმარ­თველი ერ­თე­ულის და მეორეს მხრივ კერძო საკუთრებაში არსებულ მიწის ნაკვეთებს შორის საზ­ღ­ვ­რე­ბის კონფიგურაციის ცვლილების თაობაზე;

  

ე) აღმასრულებელი საქმიანობის სხვა სფეროებში:

ე.ა) ხელს აწერს მუნიციპალიტეტის სახელით დადებულ ხელშეკრულებებსა და შე­თან­­ხმებებს;

ე.ბ) წარმოადგენს მუნიციპალიტეტს და მოქმედებს მისი სახელით ოფიციალური ურ­თიერთობებისას, მუნიციპალიტეტის სახელით ანიჭებს წარმომადგენლობით უფლება­მო­სი­ლებებს, მათ შორის, რწმუნებებს (მინდობილობებს), გარდა მოქმედი კანონმდებ­ლო­ბით გათვალისწინებული შემთხვევებისა;

ე.გ) მუნიციპალიტეტის უფლებამოსილების ფარგლებში უზრუნველყოფს შესაბამისი სოციალურ-ეკონომიკური განვითარებისა და სხვა პროგრამების, სტრატეგიებისა და გეგ­მე­ბის მომზადებას, საკრებულოსთვის დასამტკიცებლად წარდგენას და განხორ­ციელებას;

ე.დ) შეიმუშავებს და საკრებულოს დასამტკიცებლად წარუდგენს მუნიციპალიტეტის სივრცით-ტერიტორიული დაგეგმვის დოკუმენტებს; 

ე.ე) თავისი უფლებამოსილების ფარგლებში გამოსცემს ინდივიდუალურ ადმინის­ტ­რა­­ციულ-სამართლებრივ აქტებს;

ე.ვ) მისი უფლებამოსილებისთვის მიკუთვნებული ცალკეული საკითხების შესას­წავ­ლად, შესაბამისი დასკვნებისა და რეკომენდაციების მოსამზადებლად ქმნის სათათბირო ორ­განოებს − საბჭოებს და სამუშაო ჯგუფებს;

ე.ზ) ანიჭებს მუნიციპალიტეტის საპატიო წოდებებსა და ჯილდოებს;

ე.თ) მშენებლობის ნებართვის სფეროში ადგილობრივი თვით­მმართველი ერთეუ­ლ­ის აღმასრულებელი ორგანოსადმი მიკუთვნებული კომპეტენციის ფარგლებში მშე­ნ­ე­ბ­ლობის ნებართვის გაცემის, I კლასის ობიექტის შემთხვევაში - დაგეგმილი მშე­ნებ­ლობის ქალაქთმ­შე­­ნე­ბ­­ლობით დოკუმენტებთან შესა­ბა­მისობის და მშენებლობის განხორ­ციელების შესაძ­ლებ­ლობის დადასტურების ადმინისტრაციული წარ­მოე­ბის პროცესში გამოსცემს კა­ნო­ნმ­დე­ბ­ლო­ბით გათვალისწინებულ ადმინისტრაციულ-სა­მარ­თლებრივ აქტებს, ღებულობს გა­დაწყ­ვეტილებას სპეციალური (ზონალური) შეთანხმების შესახებ, ასევე ღებულოს გა­დაწ­ყვე­ტილებებს მშენებლობის ნებართვის გა­ცე­მას­თან დაკავ­ში­რე­ბულ სხვა საკითხებზე;

ე.ი) მშენებლობის ნებართვის სფეროში ადგილობრივი თვით­მმართველი ერთეუ­ლ­ის აღმასრულებელი ორგანოსადმი მიკუთვნებული კომპეტენციის ფარგლებში გა­მო­ს­ცემს ად­მი­ნისტრაციულ-სამართლებრივ აქტს შენობა-ნაგებობის ექსპლუატა­ცი­ა­­ში მიღების შესახებ ან მიღებაზე უარის თქმის შესახებ;

ე.კ) კანონმდებლობით დადგენილი წესით გამოსცემს ადმინისტრაციულ-სამართ­ლ­ე­ბ­რივ აქ­ტს უნებართვოდ ან/და პროექტის დარღვევით აშენებული ობიექტის ლე­გ­ა­ლიზების ან ლეგალიზებაზე უარის თქმის შესახებ;

ე.ლ) ახორციელებს მრავალბინიანი საცხოვრებელი სახლ(ებ)ისათვის მიწის ნაკ­ვე­თე­ბის საზღვრების დადგენის თაობაზე საპროექტო დოკუმენტაციის შეთანხმებას;

ე.მ) ითანხმებს ქალაქ ბათუმის მუნიციპალიტეტის მიერ დაფუძნებული კერძო სა­მარ­თ­ლის იურიდიული პირების ხარჯთაღრიცხვას, ამტკი­ცებს მათ საშტატო განრიგს, სას­წავ­ლო (საგანმანათლებლო) პროგრამებს და მისაღები კონ­ტი­გენტის ოდენობას, ახორციელებს მათ საქმიანობაზე კონტროლს და შემოწმებას, ასევე ახორციელებს კერძო სამართლის იუ­რი­დიული პირების პარტნიორ(ებ)ის (დამფუძნებლის) უფლებამოსილებას; როგორც დამფუძნებელი პარტნიორი ღებულობს გადაწყვეტილებას ქ. ბათუმის მერიას დაქვემდე­ბარებული კერძო სამართლის იურიდიული პირების დირექტორების დანიშ­ვნის/გა­თავისუფლების შესახებ, ამტკიცებს კერძო სამართლის იურიდიული პირის წეს­დებას და ახორციელებს კერძო სამართლის იურიდიული პირების მართვის სფეროში მოქმედი კანონმდებლობით გათვალისწინებულ სხვა ღონისძიებებს;

ე.ნ) ღებულობს გადაწყვეტილებას გარე ვაჭრობებისა და გარე რეკლამის განთავსების ნე­ბართვის გაცემასთან დაკავშირებით.

ე.ო) ღებულობს გადაწყვეტილებას პარკირების ადგილების განკარგვასთან დაკავში­რებით;

ე.პ) ღებულობს გადაწყვეტილებას მუნიციპალიტეტის ფარგლებში რეგულარული სამ­­გზავრო გადაყვანების ნებართვის გაცემასთან დაკავშირებით.

ე.ჟ) იხილავს და სამართლებრივი აქტის (ბრძანების) სახით იღებს გადაწყვეტილებას მერიის სტრუქტურული ერთეულების მიერ გამო­ცე­მულ აქტებზე და განხორციელებულ ქმედებებზე წარმოდგენილ ადმინისტრაციულ საჩივ­რებ­თან დაკავშირებით;

ე.რ) იწვევს და ხელმძღვანელობს მერის თათბირებს;

ე.ს) ხელწერით ადასტურებს ოფიციალური დოკუმენტებისა და სხვა მასალის მე­რიიდან გასვლის ფაქტს, იმ საკითხებთან დაკავშირებით, რომლებიც მიკუთვნებული აქვთ, მერს, მერიას, მერიის სტრუქტურულ ერთეულებს  ან/და მერიის ერთიან სისტემაში მოქმედ სხვა საჯარო მოხელეს, ახორციელებს მერიის წარმო­მადგენლობას სახელმწიფო ორგა­ნოებ­თან, ორგანიზაციებთან და მესამე პირებთან ურთი­ერ­თობისას;

ე.ტ) საკრებულოს სამუშაო გეგმებიდან და სხდომების დღის წესრიგიდან გამომ­დი­ნა­რე, კოორდინაციას უწევს შესაბამის საკითხთა მომზადებას; საკრებულოს განსახილველად წა­რუდგენს მერიის მიერ მომზადებულ საკითხებს, წინადადებებს, დასკვ­ნებ­სა და რეკო­მენ­და­ციებს; კოორდინაციას უწევს საკრებულოს გადაწყვეტილებათა შეს­რუ­ლე­ბას;

ე.უ) განსაზღვრავს საქართველოს ადმინისტრაციულ სამართალდარღვევათა კოდექ­სით გათვალისწინებულ ცალკეულ სამართალდარღვევებზე სამართალდარღვევათა ოქმის შედგენაზე და სამართალდარღვევის საქმის განხილვაზე უფლებამოსილ პირთა წრეს;

ე.ფ) ღებულობს გადაწყვეტილებას საზოგადოებრივი სივრცეების გამოყენებასთან დაკავში­რე­ბით;

ე.ქ) კომისიის შექმნის მიზნით, საკრებულოს წარუდგენს დასახლებათა ტერიტო­რიების გამოყენებისა და განაშე­ნია­ნების საკითხთა კომისიის თავმჯდომარისა და კომისიის წევრების კანდიდატურებს;

ე.ღ) უზრუნველყოფს საქართველოს ორგა­ნული კანონის „ადგილობრივი თვითმმა­რ­თ­­ვე­ლობის კოდექსი“-ს მე-16 და მე-17 მუხლებით გათვალისწინებული მუ­ნი­ცი­პა­ლიტეტის სხვა უფლებამოსილებების განხორ­ცი­ელე­ბას, თუ ასეთი უფლებამოსილების განხორ­ციე­ლე­­ბ­ა ამავე კანონით არ წარმოადგენს უშუალოდ საკრებულოს კომპეტენციას;

ე.ყ) ახორციელებს საქართველოს საკანონმდებლო თუ კანონქვემდებარე აქტებით და საკ­რებულოს სამართლებრივი აქტებით განსაზღვრულ სხვა უფლებამოსილებებს.

4. მერი უფლებამოსილია მუნიციპალიტეტის ადმინისტრაციულ ერთეულში დანიშ­ნოს მერის წარმომადგენელი. მერის წარმომადგენლის უფლებამოსილება განისაზღვრება წი­ნამდებარე დებულებით.

5. მერის თანამდებობობრივი შეუთავსებლობის, უფლებამოსილების შეჩერებისა და შე­წყვეტის, საფუძვლები განისაზღვრება საქართველოს ორგანული კანონის „ადგილობრი­ვი თვითმმართველობის კოდექსის“ შესაბამისად.

 

თავი III. ვიცე-მერი, მოადგილეები და მათი უფლება-მოვალეობები

 

მუხლი 4. ვიცე-მერი და მოადგილე (მოადგილეები)

 

1. მერს ჰყავს ერთი ვიცე-მერი და ორი მოადგილე, რომელთაც საქართველოს ორგა­ნუ­ლი კანონის „ადგილობრივი თვითმმართველობის კოდექსის“ შესაბამისად თანამდებო­ბაზე ნიშნავს და თანამდებობიდან ათავისუფლებს მერი.

2. მერის არყოფნისას ან/და მის მიერ უფლებამოსილების განხორციელების შეუძლებ­ლო­ბისას მერის მოვალეობას ასრულებს ვიცე-მერი.

3. ვიცე-მერი, მერის მოადგილე ფუნქციათა განაწილების შესაბამისად ხელმძღ­ვა­ნე­ლობს მერიის უფლებამოსილებისთვის მიკუთვნებულ დარგს (დარგებს), ორგანიზებას უწევს და აკონ­ტრო­ლებს მუნიციპალიტეტის ადმინისტრაციულ-სამართლებრივი აქტებისა და მერის დავალებების შესრულებას, მერიის დებულების შესაბამისად, თავისი უფლე­ბა­მო­სილების ფარგლებში გამოსცემს ინდივიდუალურ ადმინისტრაციულ-სამართლებრივ აქტებს.

4. ვიცე-მერის, მერის მოადგილ(ეებ)ის უფლებამოსილება განისაზღვრება უფლე­ბამო­სი­ლების დელეგირების თაობაზე მერის სამართლებრივი აქტ(ებ)ით;

5. ვიცე-მერის, მერის მოადგილ(ეებ)ის თანამდებობიდან გათავისუფლების და სამ­სა­ხუ­რებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩე­რე­ბის საფუძ­ვლები განისაზღვრება საქართველოს ორგანული კანონის „ადგილობრივი თვით­მმა­რთვე­ლობის კოდექსის“ შესაბამისად;

6. ვიცე-მერის, მერის მოადგილ(ეებ)ის სამსახურებრივ ზედამხედველობას ახორ­ციე­ლებს მერი;

7. ვიცე-მერი, მერის მოადგილ(ეებ)ი ანგარიშვალდებული არიან მერის წინაშე.

 

თავი IV. მერიის ფუნქციები და  სისტემა

 

მუხლი 5. მერიის ფუნქციები

მერია მის სისტემაში შემავალი სამსახურების მეშვეობით უზრუნ­ველყოფს მერის უფ­ლე­ბამოსილების განხორციელებას, წინამდებარე დებუ­ლებით და სხვა სამარ­თლებრივი აქ­ტე­ბით განსაზღვრული წესით.

 

მუხლი 6. მერიის სისტემა

მერია შედგება მერიის სტრუქტურული ერთეულებისაგან. მერიის ერთიან სისტემაში შე­დის ასევე მერის წარმომადგენლები და წარმომადგენლის თანაშემწეები მუნი­ცი­პა­ლი­ტე­ტის ადმინისტრაციულ ერთეულებში, რომელიც არ შედიან მერიის არცერთი სტრუქ­ტუ­რუ­­ლი ერთეულის შემადგენლობაში.

 

მუხლი 7. მერიის სტრუქტურული ერთეულები

1. მერიის სტრუქტურული ერთეულებია:

ა) ქალაქ ბათუმის მუნიციპალიტეტის მერის ადმინისტრაცია;

ბ) ქალაქ ბათუმის მუნიციპალიტეტის მერიის აპარატი;

გ) ქალაქ ბათუმის მუნიციპალიტეტის მერიის საფინანსო-ეკონომიკური სამსახური;

დ) ქალაქ ბათუმის მუნიციპალიტეტის მერიის კეთილმოწყობის სამსახური;

ე) ქალაქ ბათუმის მუნიციპალიტეტის მერიის ზედამხედველობის სამსახური;

ვ) ქალაქ ბათუმის მუნიციპალიტეტის მერიის არქიტექტურისა და ურბანული და­გეგ­მა­რების სამსახური;

ზ) ქალაქ ბათუმის მუნიციპალიტეტის მერიის ჯანმრთელობისა და სოციალური დაც­ვის სამსახური;

თ) ქალაქ ბათუმის მუნიციპალიტეტის მერიის სახანძრო დაცვისა და საგანგებო სი­ტუა­ციათა სამსახური;

ი) ქალაქ ბათუმის მუნიციპალიტეტის მერიის მობილიზაციის, სამხედრო აღრიცხვისა და გაწვევის სამსახური;

კ) ქალაქ ბათუმის მუნიციპალიტეტის მერიის შიდა აუდიტის სამსახური.

2. მერიის სტრუქტურული ერთეულები შესაბამისი სფეროების მიხედვით აღასრუ­ლე­ბენ მერის გადაწყვეტილებებს და მერის დავალებებს;

3. სტრუქტურული ერთეული თავის გამგებლობაში შემავალი უფლება-მოვალეობების განხორ­ციელებისას ხელმძღვანელობს საქართველოს კონსტიტუციით, საქართველოს ორ­გა­ნული კანონით „ადგილობრივი თვითმმართველობის კოდექსით“ და სხვა სამარ­თლებ­რი­ვი აქტებით;

4. სტრუქტურული ერთეულის გამგებლობას მიკუთვნებული უფლება-მოვალეობები განისაზღვრება სტრუქტურული ერთეულის დებულებით, რომელსაც საკრებულოს დასამ­ტ­კიცებლად წარუდგენს მერი.

5. სტრუქტურული ერთეულის დებულება უნდა შეიცავდეს:

ა) სტრუქტურული ერთეულის სრულ დასახელებას და იურიდიულ მისამართს;

ბ) სტრუქტურული ერთეულის საქმიანობის სფეროს და ამოცანებს;

გ) სტრუქტურული ერთეულის ხელმძღვანელობის ორგანიზებას და ხელმძღვანელთა უფლება-მოვალეობებს;

დ) სტრუქტურული ერთეულის სტრუქტურას და სტრუქტურული ქვედანაყოფების ძირითად ამოცანებს და კომპეტენციას;

ე) სხვა არსებით საკითხებს სტრუქტურული ერთეულის საქმიანობის ორგანიზების შე­სახებ;

6. სტრუქტურული ერთეულის სამსახურებრივ ზედამხედველობას ახორციელებს მერი;

7. სტრუქტურული ერთეულის ხელმძღვანელი ანგარიშვალდებულია მერის წინაშე;

8. სტრუქტურული ერთეულის ხელმძღვანელია ადგილობრივი თვითმმართველობის მოხელე, რომელსაც საქართველოს ორგანული კანონით „ადგილობრივი თვითმმართვე­ლო­ბის კოდექსით“ დადგენილი წესით თანამდებობაზე ნიშ­ნავს და თანამდებობიდან ათავი­სუფ­ლებს მერი.

9. სტრუქტურული ერთეულის ხელმძღვანელი:

ა) წარმართავს სტრუქტურული ერთეულის საქმიანობას და პასუხისმგებელია ამ ერ­თე­ულისთვის დაკისრებული ამოცანებისა და ფუნქციების შესრულებისათვის;

ბ) უნაწილებს ფუნქციებს სტრუქტურული ერთეულის მოსამსახურეებს;

გ) მერს წარუდგენს წინადადებებს სტრუქტურული ერთეულის საკადრო საკითხებ­თან დაკავშირებით; სტრუქტურული ერთეულის მოსამსახურეთა წახალისების, დისციპ­ლინური პასუხისმგებლობის, შვებულების, სამსახურებრივი მივლინების, კვალიფიკაციის ამაღლებისა და სწავლების შესახებ;

დ) განსაზღვრავს სტრუქტურული ერთეულის საქმიანობის ორგანიზებისა და და­გეგმ­ვის წესებს, ფორმებსა და მეთოდებს; სტრუქტურული ერთეულის მოსამსახურეთა თანამდებობრივ მოვალეობებს;

ე) მერს წარუდგენს სტრუქტურული ერთეულის მიერ მომზადებულ საკითხებს, წი­ნა­და­დებებს, დასკვნებსა და რეკომენდაციებს;

ვ) მერს პერიოდულად წარუდგენს ანგარიშს სტრუქტურული ერთეულის მიერ გა­წეუ­ლი სამუშაოს შესახებ;

ზ) მერიის დებულების შესაბამისად, თავისი უფლებამოსილების ფარგლებში გამოს­ცემს ინდივიდუალურ ადმინისტრაციულ-სამართლებრივ აქტებს;

თ) ხელწერით ადასტურებს სტრუქტურული ერთეულიდან ოფიციალური დოკუმენ­ტისა და სხვა მასალის გასვლას; 

 ი) ასრულებს მერის, ასევე ვიცე-მერის და მერის მოადგილ(ეებ)ის გამგებლობის სფე­რო­ში შემავალ საკითხებზე მათ ცალკეულ დავალებებს;

10. სტრუქტურული ერთეულის ხელმძღვანელის თანამდებობიდან გათავისუფლების და სამსახურებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩერების საფუძვლები განისაზღვრება საქართველოს ორგანული კანონით „ადგილობ­რი­ვი თვითმმართველობის კოდექსის“ შესაბამისად.

11. სტრუქტურული ერთეულის ხელმძღვანელს შეიძლება ჰყავდეს მოადგილე (მოად­გი­ლეები), რომელსაც თანამდებობაზე ნიშნავს და თანამდებობიდან ათავისუფლებს მერი „საჯარო სამსახურის შესახებ“ საქართველოს კანონით დადგენილი წესით და რომლის უფ­ლე­ბა-მოვალეობები განისაზღვრება სტრუქტურული ერთეულის დებულებით.

12. სტრუქტურული ერთეულის შიგნით შეიძლება არსებობდეს ცალკე ქვედანაყოფი (განყოფილება და ა.შ.).

13. სტრუქტურული ერთეულის ქვედანაყოფს შეიძლება ჰყავდეს ხელმძღვანელი, რო­მე­ლსაც თანამდებობაზე ნიშნავს და თანამდებობიდან ათავისუფლებს მერი „საჯარო სამ­სა­ხუ­რის შესახებ“ საქართველოს კანონის შესაბამისად და რომლის უფლება-მოვალე­ობები გა­ნი­საზღვრება სტრუქტურული ერთეულის დებულებით.

 

მუხლი 8. მერის წარმომადგენელი ადმინისტრაციულ ერთეულში

1. მერის წარმომადგენელი მუნიციპალიტეტის ადმინისტრაციულ ერთეულში არის ად­გილობრივი თვითმართველობის საჯარო მოხელე, რომელსაც თანამდებობაზე ნიშნავს და თანამდე­ბობიდან ათავისუფლებს მერი „საჯარო სამსახურის შესახებ“ საქართველოს კა­ნო­ნით დადგენილი წესით და რომლის უფლება-მოვალეობები განისაზღვრება წინამ­დე­ბა­რე  დებუ­­­ლებით.

2. მერის წარმომადგენელზე სამსახურებრივ ზედამხედველობას ახორციელებს მერი.

3. მერის წარმომადგენლის თანამდებობიდან გათავისუფლების და სამსახურებრივი ურთიერთობის შეწყვეტის, აგრეთვე, სამსახურებრივი ურთიერთობის შეჩერების საფუძ­ვ­ლე­ბი განისაზღვრება საქართველოს კანონმდებლობით.

4. მერის წარმომადგენელი:

ა) უზრუნველყოფს  ბინათმესაკუთრეთა ამხანაგობებთან მერიის სამსახურების და მე­რიის დაქვემდებარებული ორგანიზაციების ურთერთობას;

ბ)  უზრუნველყოფს მერიის სამსახურების და მერიის დაქვემდებარებული ორგანი­ზა­ციე­ბის მოსახლეობასთან ურთერთობას;

ბ) ორგანიზებას უწევს, მერის, ვიცე-მერისა, მერის მოადგილებისა და სხვა საჯარო მო­ხე­ლეთა მოსახლეობასთან შეხვედრებს თავიანთი სამოქმედო ადმინისტრაციული ერთეუ­ლე­ბის მიხედვით;

გ) ახორციელებს მუნიციპალიტეტის ფუნქციებს მიკუთვნებულ საკითხებთან დაკავ­ში­რებით თავიანთი სამოქმედო ადმინისტრაციულ ერთეულებში არსებული მდგო­მა­რეო­ბის პერიოდულ შესწავლას, კონტროლს და შესაბამის ინფორმაციას აწვდის მერს, ვიცე-მერს, მერის მოადგილეებს, სტრუქტურული ერთეულების ხელმძრვანელებსა და  მერიის დაქ­ვემდებარებულ ორგანიზაციებს;

დ) თავიანთ სამოქმედო ადმინისტრაციულ ერთეულებში მოსახლეობის ინფორ­მი­რე­ბუ­ლობის უზრუნველსაყოფად ღებულობს შესაბამის ინფორმაციებს მერიისა და მერიას დაქ­ვემდებარებული ორგანიზაციებიდან;

ე) თავიანთ სამოქმედო ადმინისტრაციულ ერთეულში  მოქმედი კანონმ­დებლობით დადგენილი წესით ასრულებს მერიის, მერიის სტრუქტურული ერთეულებისა და მერიის დაქვემდებარებული ორგანიზაციების მოთხოვნებს;

ვ)  ასრულებს მერის, ვიცე-მერის, მერის მოადგილეების ცალკეულ დავალებებს;

ზ) ასრულებს მოქმედი კანონმდებლობით გათვალისწინებულ სხვა უფლე­ბამოსი­ლე­ბებს.

 

თავი V. მერის და მერიის თანამდებობის პირთა სამართლებრივი აქტები

 

მუხლი 9. მერის და მერიის თანამდებობის პირთა სამართლებრივი აქტები   

 1. მერის და მერიის თანამდებობის პირთა სამართლებრივი აქტებია:    

ა) მერის ბრძანება;

ბ) ვიცე-მერის ბრძანება, მერის მოადგილის ბრძანება;

გ) მერიის სტრუქტურული ერთეულის ხელმძღვანელის ბრძანება.

2. მერის სამართლებრივ აქტს წარმოადგენს  საქართველოს ორგანული კანონით „ად­გი­ლობრივი თვითმმართველობის კოდექსითა“ და წინამდებარე დებულებით დადგენილი კომ­პეტენციის ფარგლებში გამოცემული მერის ბრძანება (შემდეგში - „აქტი“), რომელიც წარ­მოადგენს ინდივიდუალურ ადმი­ნის­ტრაციულ-სამართლებრივ აქტს;

3. ვიცე-მერის და მერის მოადგილის სამართლებრივ აქტს წარმოადგენს  საქართ­ვე­ლოს ორგანული კანონით „ადგილობრივი თვითმმართველობის კოდექსითა“ და წინამ­დე­ბა­რე დებულებით დადგენილი კომპეტენციის ფარგლებში გამოცემული ბრძანება (შემ­დეგ­ში - „აქტი“), რომელიც წარმოადგენს ინდივიდუალურ ადმი­ნის­ტრაციულ-სამართლებრივ აქტს;

4. მერიის სტრუქტურული ერთეულის ხელმძღვანელის სამართლებრივ აქტს წარ­მოადგენს საქართველოს ორგანული კანონით „ადგილობრივი თვითმმართველობის კო­დექ­სით“, წინამდებარე დებულებითა და შესაბამისი სტრუქტურული ერთეულის დე­ბუ­ლე­ბით დადგენილი კომპეტენციის ფარგლებში გამოცემული ბრძანება (შემდეგში - „აქტი“), რომელიც წარმოადგენს ინდივიდუალურ ადმი­ნის­ტრაციულ-სამართლებრივ აქტს;

5. მერიის თანამდებობის პირთა სამართლებრივი აქტების სარეგის­ტრაციო კოდის, თა­რიღის, რიცხვის მინიჭების, ინდექსის და რეგისტრირების წესები განისაზღვრება შესა­ბამისი სამართლებრივი აქტით.

  

მუხლი 10. მერის და მერიის თანამდებობის პირთა სამართლებრივი აქტების ძალაში შესვლა, გაუქმება, შეჩერება და გასაჩივრება

1. მერის სამართლებრივი აქტის ძალაში შესვლა, გაუქმება, შეჩერება და გასა­ჩივრება:

ა) მერის აქტი შეიძლება საქართველოს კანონმდებლობის დადგენილი წესით შეიც­ვა­­ლოს, გაუქმდეს ან არარა ინდივიდუალურ ადმინისტრაციულ-სამართლებრივ აქტად იქ­ნას აღიარებული მხოლოდ მერის მიერ;

ბ) მერის აქტის მოქმედება შეიძლება საქართველოს კანონმდებლობის დადგენილი წე­სით შეჩერდეს ან გაუქმდეს ასევე სასამართლოს მიერ;

გ) მერის აქტი საჩივრდება სასამართლოში საქართველოს კანონმდებლობით დად­გე­ნი­ლი წესით;

დ) მერის აქტი ძალაში შედის მისი ხელმოწერისთანავე, თუ ამავე აქტით სხვა რამ არ არის დადგენილი.

2. ვიცე-მერის, მერის მოადგილეების და სტრუქტურული ერთეულების ხელმძღ­ვა­ნე­ლე­ბის სამართლებრივი აქტის ძალაში შესვლა, გაუქმება, შეჩერება და გასაჩივრება:

ა) ვიცე-მერის, მერის მოადგილეების და სტრუქტურული ერთეულების ხელმძღ­ვა­ნე­ლე­ბის  სამართლებრივი აქტი საჩივრდება მერთან და შემდგომ − სასამართლოში კანონით დადგენილი წესით.

ბ) ვიცე-მერის, მერის მოადგილეების და სტრუქტურული ერთეულების ხელმძღ­ვა­ნე­ლე­ბის სამართლებრივი აქტი საქართველოს კანონმდებლობით დადგენილი წესით  შეიძ­ლე­ბა შეიცვალოს, შეჩერდეს, გაუქმდეს, არარა ინდივიდუალურ ადმინისტრაციულ-სამარ­თ­ლებრივ აქტად იქნას აღიარებული მისი გამომცემი თანამ­დებობის პირის მიერ.

გ)  ვიცე-მერის, მერის მოადგილეების და სტრუქტურული ერთეულების ხელმძ­ღ­ვა­ნე­ლების სამართლებრივი აქტი საქართველოს კანონმდებლობის დადგენილი წესით შეიძ­ლე­ბა  შეიცვალოს, შეჩერდეს და გაუქმდეს მერის მიერ, ასევე სასამართლოს მიერ;

დ) ვიცე-მერის, მერის მოადგილეების და სტრუქტურული ერთეულების ხელმძ­ღ­ვა­ნე­ლების სამართლებრივი აქტი ძალაში შედის მისი ხელმოწერისთანავე, თუ ამავე აქტით სხვა რამ არ არის დადგენილი.

  

 

 

თავი VI. სამართლებრივი აქტების

და წერილების ბლანკების, აღწერილობა და ფორმა

 

მუხლი 11. სამართლებრივი აქტის, ბლანკის აღწერილობისა და ფორმის დამტკიცების წესი

მერის ბრძანების და წერილების ბლანკის, ვიცე-მერის, მერის მოადგილეების და მე­რიის სტრუქტურული ერთე­ულების ხელმძღვანელების სამარ­თლებრივი აქტის და წერი­ლე­ბის ბლანკის ფორმებსა და აღწერილობას ამტკიცებს მერი.

 

თავი VII. მერიის თანამდებობების პირები და საჯარო მოხელეები

მუხლი 12. მერიის ერთიან სისტემაში არსებული თანამდებობები

1. მერიის ერთიან სისტემაში შეიძლება არსებობდეს შემდეგი თანამდებობები:

ა) მერი;

ბ) ვიცე-მერი;

გ) მერის მოადგილე;

დ) მერის ადმინისტრაცის უფროსი,

ე) მერიის აპარატის უფროსი;

ვ) მერიის სტრუქტურული ერთეულის უფროსი;

ზ) მერიის სტრუქტურული ერთეულის უფროსის მოადგილე;

თ) მერიის სტრუქტურულ ერთეულში შემავალი განყოფილების უფროსი;

ი) მერის მრჩეველი;

კ) მერის, ვიცე-მერის და მერის მოადგილის თანაშემწე;

ლ) მერის წარმომადგენელი;

მ) მერის წარმომადგენლის თანაშემწე;

ნ) მთავარი სპეციალისტი;

ო) წამყვანი სპეციალისტი;

პ) უფროსი სპეციალისტი;

ჟ) სპეციალისტი.

2. შესაძლებელია შესაბამისი სამართლებრივი აქტით მოხდეს მერიის ერთიან სისტე­მაში შემავალი თანამდებობების კატეგორიებად დაყოფა.

 

 

თავი VIII. მერიის ურთიერთობა სხვა ორგანოებთან

მუხლი 13. მერიის ურთიერთობა სხვა ორგანოებთან

 მერია საქართველოს კანონმდებლობით დადგენილი წესით და ფარგლებში ურთი­ერ­თობს სხვა ორგანოებთან.

 

თავი IX. სხვა დებულებები

მუხლი 14. სხვა დებულებები

 1. თვითმმართველი ქალაქის ბათუმის საკრებულოს თავმჯდომრის, რო­გორც თვით­მმა­რთველ ქ. ბათუმის აღმასრულებელი ორგანოს მიერ წინამდებარე დე­ბუ­ლე­ბის ძალაში შესვლამდე გამოცემულ აქტებში ცვლილებების ან/და დამატებების შე­ტა­ნა ან გაუქ­მე­ბა (არა­რა ინდივიდუალურ ადმი­ნი­ს­ტრაციულ-სამართლებრივ აქტად აღი­არება, ბათილად ცნო­ბა ან ძალადაკარგულად გამოცხადება) ხდება ქალაქ ბათუმის მუნიციპალიტეტის მე­რის ად­მი­ნის­ტრაციულ-სამართლებრივი აქტით;

 

2. წინამდებარე დებულებაში ცვლილებების შეტანა ხდება საკრე­ბუ­ლოს დადგენილე­ბით, მოქმედი კანონმდებლობით დადგენილი წესით.