გ ა ნ კ ა რ გ უ ლ ე ბ ა 

„თვითმმართველი ქალაქის - ბათუმის ტერიტორიაზე ფიზიკური და კერძო სამართლის იურიდიული პირების მიერ თვითნებურად დაკავებულ მიწის ნაკვეთებზე საკუთრების უფლების აღიარების უფლებამოსილების განმახორციელებელი მუდმივმოქმედი კომისიის შექმნის შესახებ“ თვითმმართველი ქალაქის - ბათუმის საკრებულოს 2010 წლის 30 ივლისის №52 განკარგულებაში ცვლილების შეტანის თაობაზე

„საქართველოს ზოგადი ადმინისტრაციული კოდექსის” 63-ე მუხლის შესაბამისად, თვითმმართველი ქალაქის - ბათუმის საკრებულომ გ ა დ ა წ ყ ვ ი ტ ა :

1. თვითმმართველი ქალაქის - ბათუმის ტერიტორიაზე ფიზიკური და კერძო სამართლის იურიდიული პირების მიერ თვითნებურად დაკავებულ მიწის ნაკვეთებზე საკუთრების უფლების აღიარების უფლებამოსილების განმახორციელებელი მუდმივ­მოქმედი კომისიის წევრის უფლებამოსილება შეუწყდეს ქ. ბათუმის მერიის ადმინისტრაციის იურიდიული განყოფილების მთავარი სპეციალისტს - იურისტს ნინო სურგულაძეს, ქ. ბათუმის მერიის ზედამხედველობის სამსახურის უფროსის მოადგილეს - ირაკლი ტუღუშს; ქ. ბათუმის მერიის ზედამხედველობის სამსახურის სამშენებლო საქმი­ანო­ბაზე სახელმწიფო ზედამხედველობის განყოფილების მთავარ სპეციალისტს - გიორგი რუხაძესა და ქ. ბათუმის მერიის ზედამხედველობის სამსახურის სამშენებლო საქმიანო­ბაზე სახელმწიფო ზედამხედველობის განყოფილების მთავარ სპეციალისტს - მარადი დიასამიძეს. შესაბამისად „თვითმმართველი ქალაქის - ბათუმის ტერიტორიაზე ფიზიკური და კერძო სამართლის იურიდიული პირების მიერ თვითნებურად დაკავებულ მიწის ნაკვეთებზე საკუთრების უფლების აღიარების უფლებამოსილების განმახორციელებელი მუდმივ­მოქმედი კომისიის შექმნის შესახებ“ თვითმმართველი ქალაქის - ბათუმის საკრებულოს 2010 წლის 30 ივლისის №52 განკარგულებაში შეტანილ იქნეს ცვლილება და განკარგულების პირველი პუნქტის „ზ“, „ლ“, „მ“ და „ნ“ ქვეპუნქტები ამოღებულ იქნეს.

2. განკარგულება ძალაშია ხელმოწერისთანავე.

საკრებულოს თავმჯდომარე                                                                         ირაკლი ჩავლეიშვილი