ბ რ ძ ა ნ ე ბ ა  №01/10

ქ. ბათუმის საკრებულოში ელექტრონული დოკუმენტბრუნვის სისტემის დანერგვის შესახებ

„ადგილობ­რივი თვითმმართველობის შესახებ“ საქართველოს ორგანული კა­ნო­­ნის 39-ე მუხლის მე-3 პუნქტის „ო“ ქვეპუნქტის, საქართველოს მთავრობის 2012 წლის 21 თებერვლის #64 დადგენილებისა  და თვითმმართველი ქალაქის - ბა­თუმის საკრებულოს 2010 წლის 30 ივნისის №9 დადგენილებით დამტკიცე­ბუ­ლი თვითმმარ­თველი ქალაქის - ბათუმის საკრებულოს (რეგლამენტის) დებულების შესაბამისად,

 ვ ბ რ ძ ა ნ ე ბ :

1. ქ. ბათუმის საკრებულოში საქმისწარმოება განხორციელდეს ელექტრონული დოკუ-მენტბრუნვის სისტემის გამოყე­ნების საშუალებით შემდეგ დოკუმენტებთან მიმართებაში:

ა) შემოსული და გასული კორესპონდენცია (ოფიციალური წერილები, მოქალაქეთა განცხადებები (გარდა მიწის ნაკვეთზე საკუთრების უფლების აღიარებასთან, სასამართლო და აღსრულების საქმისწარმოებასთან დაკავშირებული დოკუმენტებისა), საპასუხო წერილები და თანდართული დოკუმენტები);

ბ) საკრებულოს თავმჯდომარის ბრძანებები;

გ) საკრებულოს ინდივიდუალურ სამართლებრივი აქტები (განკარგულებები).

2. ელექტრონული დოკუმენტბრუნვის სისტემა გულისხმობს:

ა) ქ. ბათუმის საკრებულოში შემოსული მატერიალური/ელექტრონული კორესპონ-დენციის სკანირებას/ელექტრონულ სისტემაში გაშვებას და მის ელექტრონული დოკუ-მენტბრუნ­­ვის სისტემაში ასახვას ქ. ბათუმის საკრებულოს აპარატის საქმისწარმოების განმახორციელებელი შესაბამისი დანაყოფის მიერ;

ბ) ელექტრონული დოკუმენტბრუნვის სისტემაში ასახული კორესპონდენციის გადაგზავნას უშუალო შემსრულებლამდე ან პირიქით;

გ) ქ. ბათუმის საკრებულოს ორგანოებსა და აპარატის სტრუქტურულ ერთეულებს შორის ელექტრონული დოკუმენტების გაცვლას (გაგზავნას ან/და მიღებას);

დ) სამართლებრივი აქტების/სამართლებრივი აქტების პროექტების ელექტრონულ სისტემაში გაშვებას და მათ ელექტრონული დოკუმენტბრუნვის სისტემაში ასახვას ქ. ბა­თუმის საკრებულოს აპარატის შესაბამისი სტრუქტურული ქვედანაყოფების მიერ.

3. ქ. ბათუმის საკრებულოს აპარატის საქმისწარმოების განმახორციელებელი შესაბამისი დანაყოფები უზრუნველყოფენ ქ. ბათუმის საკრებულოში შემოსული მატერიალური კორესპონდენციის დედნების გარკვეული ნიშნით სისტემატიზაციას, დაარქივებასა და განსაზღვრული ვადით მათ შენახვას.

4. ქ. ბათუმის საკრებულოს და მისი აპარატის  თანამშრომლის მიერ მისთვის გადაცემული სააუთენტიფიკაციო ინფორმაციის საშუალებით ელექტრონული დოკუმენტბრუნვის სისტემაში შექმნილ დოკუმენტს/განხორციელებულ ქმედებას აქვს ისეთივე იურიდიული ძალა, როგორც მატერიალურ დოკუმენტს/მატერიალურ დოკუმენტზე განხორციელებულ ქმე­დე­ბას.

5. ამ ბრძანების 1-ლი პუნქტით გათვალისწინებული ელექტრონული დოკუმენტ­ბრუნვის სისტემა არ ვრცელდება:

ა) ქ. ბათუმის საკრებულოში შემოსულ იმ მატერიალურ დოკუმენტებსა და მათზე თან­დართულ მასალებზე, რომლებიც იმგვარად არის გაერთიანებული (აკინძუ­ლი/შეკ­რული), რომ მათი დაშლა და დანაწევრება დაუშვებელია ან/და გამოიწვევს დოკუმენტის დაზიანებას/განადგურებას ან მათი იურიდიული ძალის დაკარგვას;

ბ) საქართველოს კანონმდებლობით განსაზღვრულ სახელმწიფო საიდუმლოების შემცველი ინფორმაციის მქონე დოკუმენტზე;

გ) სხვა განსაკუთრებულ შემთხვევებზე.

6. იმ შემთხვევაში, როდესაც არ გამოიყენება ამ ბრძანებით გათვალისწინებული ელექტრონული დოკუმენტბრუნვის სისტემა, საქმისწარმოება ხორციელდება ელექტრო-ნული დოკუმენტბრუნვის გარეშე, მატერიალური (ქაღალდური) ვერსიით, კანონმდებ-ლობის შესაბამისად.

7. ამ ბრძანებით გათვალისწინებული ელექტრონული დოკუმენტბრუნვის სისტემის დანერგვის უზრუნველსაყოფად:

ა) ქ. ბათუმის საკრებულოს აპარატის საქმისწარმოების შესაბამისმა განყოფილებებმა განახორციელონ ქ. ბათუმის საკრებულოში შემოსული მატერიალური/ელექტრონული კორესპონდენციის ელექტრონული დოკუმენტბრუნვის სისტემაში ასახვა;

ბ) ქ. ბათუმის საკრებულოს აპარატის საქმისწარმოების შესაბამის განყოფილებებს დაევალოს ელექტრონული დოკუმენტბრუნვის სისტემით გათვალისწინებული დავალებების შესრულებაზე კონტროლი.

8. ამ ბრძანებით გათვალისწინებული ელექტრონული დოკუმენტბრუნვის სისტემის დანერგვის შემდეგ წარმოებულ დოკუმენტებზე გაგრძელდეს არსებული ნუმერაცია საკრებულოს თავმჯდომარის ბრძანებით განსაზღვრული ახალი ინდექსების გათვალისწინებით.

9. ბრძანების შესრულებაზე კონტროლი დაევალოს ქ. ბათუმის საკრებულოს აპარატის უფროსს - ლიანა დიასამიძეს.

10. ბრძანება შეიძლება გასაჩივრდეს ბათუმის საქალაქო სასამართლოში (მის:  ქ. ბა­თუმი, ზუბალაშვილის ქ. #30) მისი კანონმდებლობით დადგენილი წესით გაც­ნობიდან ერთი თვის ვადაში.

11. ბრძანება ძალაშია 2014 წლის 01 მარტიდან.

საკრებულოს თავმჯდომარე                                                                            ირაკლი ჩავლეიშვილი