N: 14

თარიღი: 2014-01-31

ტიპი: განკარგულება

სფერო: სამართლებრივი აქტები

 გ ა ნ კ ა რ გ უ ლ ე ბ ა    

 

არასამეწარმეო (არაკომერციული) იურიდიული პირის –„ქ. ბა­თუმის მუნიციპალური სასადილოს“ წესდების დამტკიცების შესახებ

 

„ადგილობრივი თვითმმართველობის შესახებ“ საქართველოს ორგანული კანონისა და საქართველოს სამოქალაქო კოდექსის შესაბამისად, თვითმმართველი ქალაქის - ბათუ­მის საკრებულომ გ ა დ ა წ ყ ვ ი ტ ა :

1. დამტკიცდეს არასამეწარმეო (არაკომერციული) იურიდიული პირის –  „ქ. ბათუმის მუნიციპალური სასადილოს“ თანდართული წესდება.

 

2. განკარგულება ძალაშია 2014 წლის 1 თებერვლიდან.

  

 

 

საკრებულოს თავმჯდომარე                                                         ირაკლი ჩავლეიშვილი

 

 

 

 

 

 

 

 

 

„ დ ა მ ტ კ ი ც ე ბ უ ლ ი ა ”

თვითმმართველი ქალაქის - ბათუმის

საკრებულოს განკარგულება

2014 წლის 31 იანვარი, #14

 

 

არასამეწარმეო (არაკომერციული) იურიდიული პირის – „ქ. ბათუმის მუნიციპალური სასადილო“-ს

წ ე ს დ ე ბ ა

 

 

თავი I. ზოგადი დებულებანი

 

მუხლი 1. სახელწოდება და იურიდიული მისამართი:

 

1. არასამეწარმეო (არაკომერციული) იურიდიული პირი – „ქ. ბათუმის მუნიციპალური სასადილო“  არის „ადგილობრივი თვითმმართველობის შესახებ“ სა­ქ­ა­რ­თ­ვე­ლოს ორგანული კა­ნონისა და საქართველოს სამოქალაქო კოდექსის საფუძველზე, თვი­თ­მ­მა­რთველი ქალაქი - ბათუმის მიერ შექმნილი არასამეწარმეო (არაკომერციული) იუ­რი­დი­უ­ლი პირი. 

2. არასამეწარმეო (არაკომერციული) იურიდიული პირის სახელწოდებაა: არასა­მეწარ­­მეო (არაკომერციული) იურიდიული პირი – „ქ. ბათუმის მუნიციპალური სასადილო“ (შემ­დგომ ტექსტ­ში – „მუნიციპალური სასადილო“ ).

3. „მუნიციპალური სასადილო“-ს იურიდიული მისამართია: საქართველო, ქალაქი ბა­თუ­მი, ლუკა ასათიანის ქ. №25.

4. „მუნიციპალური სასადილო“-ს ელექტრონული მისამართია:

municipalurisasadilo@gmail.com.

 

მუხლი 2. „მუნიციპალური სასადილო“-ს სტატუსი:

 

1. „მუნიციპალური სასადილო“ არის წევრთა მდგომარეობისაგან დამოუკიდებელი იური­­დიული პირი და მი­სი მიზანი არ არის სამეწარმეო საქმიანობის განხორ­ციე­ლე­ბა.

2. „მუნიციპალური სასადილო“-ს უფლებაუნარიანობა წარმოიშობა მისი რეგისტრაციის მო­მენტიდან და წყდ­ება ლიკვიდაციის დასრულების რეგისტრაციის მომენტიდან.

3.  „მუნიციპალური სასადილო“ შექმნილია განუსაზღვრელი ვადით.

4. დასახული მიზნებისა და დაკისრებული ფუნქციების განსახორციელებლად „მუნიციპალურ სასადილო“-ს  აქვს სამეწარმეო საქმიანობის უფლება.

5. „მუნიციპალური სასადილო“ კანონმდებლობით და ამ წესდებით განსაზღვრული მიზნე­ბისა და და­კის­რე­ბული ფუნქციების განსახორციელებლად საკუთარი სახელით იძენს ქონებრივ და პირად არა­ქონებრივ უფლებებს, კისრულობს მოვალეობებს, დებს გარიგებებს, საკუთარი სახელით გა­მოდის მოსარჩლედ და მოპასუხედ სასამართ­ლო­ში და არბიტრაჟში, აგრეთვე მესამე პირ­თან ურთიერთობაში.

6. „მუნიციპალურ სასადილო“-ს აქვს დამოუკიდებელი ბალანსი, ხარჯთაღრიცხვა, სა­ბან­კო და სახაზინო ანგარიშები, ბეჭედი, შტამპი, ბლანკი და იურიდიული პირის სხვა რეკ­ვიზიტები.

7. კანონმდებლობითა და ამ წესდებით დადგენილ ფარგლებში „მუნიციპალური სასადილო“ ანგარიშ­ვალ­დე­ბული და პასუხისმგებელია ქალაქ ბათუმის თვითმმართ­ვე­ლო­ბის ორგანოების წინაშე, რო­­მელიც ახორციელებს დამფუძნებლის უფ­ლე­ბა­მო­სი­ლე­ბებს.

                                             

თავი II. საქმიანობის საგანი

 

მუხლი 3. „მუნიციპალური სასადილო“-ს  ძირითადი მიზანი და ფუნქციები:

 

„მუნიციპალური სასადილო“-ს ძირითადი მიზანი და ფუნქციაა:

ა) განახორციელოს სოციალურად დაუცველი ფენის ერთჯერადი უფასო კვებით უზრუნ­ველყოფა;

ბ) უზრუნველყოს პროგრამით მოსარგებლე, 0-დან 57 000-მდე სარეიტინგო ქულის მქონე ოჯახების ერთიანი ბაზის შექმნა;

გ) ენერგეტიკული ღირებულების ბალანსის დაცვით უზრუნველყოს სეზონის მიხე­დ­ვით შესაბამისი მენიუს შექმნა;

დ)  სოციალურად დაუცველი ფენის ერთჯერადი უფასო კვებით უზრუნველყოფის მიზ­ნით შესაბამისი წესების დადგენა და სხვა ორგანიზაციულ-სამართლებრივი საკითხების გადაწყვეტა;

ე) საზოგადოების ინფორმირება არსებული მდგომარეობის, მუნიციპალური სასა­დი­ლოს საქ­მია­ნობის ძირითადი მიმართულებისა და სამომავლო გეგმების თაობაზე;

ვ) „მუნიციპალური სასადილო“-ს სფეროს ფუნქციონირებისა და განვითარებასთან დაკავ­ში­რებული ინ­ფო­რ­მაციების მოპოვება, შესწავლა, დამუშავება, ანალიზი და მიწოდება ქალაქის მერისათვის ინფორმაციების, დასკვნების, რეკომენდაციებისა და პროექტების სახით;

ზ) მოქმედი კანონმდებლობით, წინამდებარე წესდებით და თვითმმართ­ველი ქალაქ ბა­თუმის საკრებულოს სამართლებრივი აქტების შესაბამისად სხვა ღო­ნის­ძიებების განხორ­ციე­ლება.

 

მუხლი 4. „მუნიციპალური სასადილო“-ს უფლებები და ვალდებულებები:

 

1. „მუნიციპალური სასადილო“-ს დაკისრებული ვალდებულებებისა და ამოცანების განსა­ხორ­­ციელებლად უფ­ლება აქვს:

ა) აწარმოოს მოლაპარაკებანი და დადოს გარიგებები, აგრეთვე, განახორციელოს სხვა იუ­რიდიული ქმედებები, როგორც სახელმწიფო, ასევე კერძო ორგანიზაციებთან; მათ შორის დაამყაროს ურთიერთობები სხვა ქვეყნების იურიდიულ, თუ ფიზიკურ პირებთან;

ბ) საქართველოს კანონმდებლობით დადგენილი წესით განახორციელოს დამხმარე სა­ხ­ის სამეწარმეო საქმიანობა; ამ საქმიანობიდან მიღებული შემოსავალი მოახმაროს მხოლოდ დაწესე­ბულების მატერიალურ-ტექნიკური ბაზის განმტკიცებას, მუ­შაკთა სოციალურ დაცვას, შრომის ეკონომიკურ სტიმულირებას, აგრეთვე დაწესე­ბუ­ლების წესდებით გათვალისწინე­ბულ სხვა მიზნებისა და ამოცანების განხორ­ციე­ლე­ბას;

გ) დაამყაროს შრომით-სამართლებრივი ურთიერთობები ქ. ბათუმის მერის მიერ გან­სა­ზ­ღვრული საშტატო განრიგის შესაბამისად;

დ) შრომით-სამართლებრივ ურთიერთობაში მყოფი პირების თანამდებობრივი სარგო განსაზღვროს ქ. ბათუმის მერის მიერ დამტ­კი­ცე­ბუ­ლი სარგოს ოდენობის შესაბამისად;

ე) განსაზღვროს დაწესებულების ხარჯთაღრიცხვა ქ. ბათუმის მერთან შეთანხმებით;

ვ) საერთაშორისო პრაქტიკაში აპრობირებული, ეფექტიანი, სამართლებრივი, ეკო­ნო­მი­კუ­რი და ორგანიზაციული მექანიზმის შესახებ შეიმუშაოს წინადადებები მის კომპენტენ­ცია­ში შემავალი სფეროების განვითარებისა და სრულყოფისათვის;

ზ) თავის კომპენტენციას მიკუთვნებულ საკითხთან დაკავშირებით კანონმდებლობით დადგენილი წესით მიიღოს საჭირო ინფორმაცია სხვადასხვა დაწესებულებიდან, აგრეთვე ფიზიკური და იურიდიული პირებისაგან;

თ) დაქვემდებარებულ სფეროში გამოვლენილი ან შესაძლო დარღვევების თაობაზე სა­თა­ნადო წინადადებების და დასკვნების მომზადება და შესაბამისი კომპენტენციის მქონე ინს­ტა­ნციაში წარდგენა;

ი)  გამართოს თათბირები, სემინარები, კონფერენციები, სიმპოზიუმები მის კომპეტენ­ცია­ში შემავალ საკითხზე;

კ) თავისი მიზნებიდან გამომდინარე განახორციელოს სხვა ქმედებები, რაც პირდაპირ, ან არაპირდაპირ ემსახურება მის მიზნებსა და ინტერესებს. მიიღოს გადაწყვეტილებები, რო­მე­ლიც არ ეწინააღმდეგება მოქმედ კანონმდებლობას.

2. „მუნიციპალური სასადილო“ ვალდებულია:

ა) წარმართოს თავისი საქმიანობა საქართველოს საკანონმდებლო და კანონ­­ქვე­მდებარე სამართლებრივი აქტებისა და ამ წესდების შესაბამისად;

ბ) წარმართოს შრომითი (მათ შორის სახელშეკრულებო) ურთიერთობები სა­ქართ­ვე­ლოს კანონმდებლობით დადგენილი წესით;

გ) შეასრულოს მოქმედი კანონმდებლობიდან და დადებული ხელშეკ­რუ­ლე­ბე­ბი­­დან გა­მომდინარე ვალდებულებები.

დ) პასუხი აგოს მასზე გადაცემული ქონების შენახვასა და დაცვაზე;

ე) მოცემული წესდებით განსაზღვრული უფლებების ფარგლებში შეასრულოს ქ. ბათუ­მის მერის და ქ. ბათუმის საკრებულოს სამართლებრივი აქტები;

ვ) მიიღოს მოქალაქეთა და იურიდიულ პირთა განცხადებები და შუამდგომლობები, განიხილოს და პასუხი გასცეს კომპეტენციის ფარგლებში;

ზ) თავისი ფუნქციების განხორციელებისას შეასრულოს მოქმედი კანონმდებლობით, შესაბამისი სამართლებრივი აქტებითა და ამ წესდებით განსაზღვრული მოთხოვნები.

 

  

თავი III. „მუნიციპალური სასადილო“-ს  მართვა და კომპეტენცია

 

მუხლი 5. „მუნიციპალური სასადილო“-ს მართვა:

 

1. „მუნიციპალური სასადილო“-ს მართვა ხორციელდება საქართველოს კანონმ­დებ­ლო­ბით და ამ წესდების შესაბამისად.

2. „მუნიციპალური სასადილო“-ს ხელმძღვანელობს დირექტორი, რომელსაც ერთპი­როვ­ნუ­­­ლად ეკის­რე­ბა და­წესებულების წარმომადგენლობითი უფლე­ბამოსი­ლება.

3. „მუნიციპალური სასადილო“-ს დირექტორს თანამდებობაზე ნიშნავს და თანამ­დე­ბო­ბი­დან ათავი­სუფ­­ლე­ბს  თვითმმართველი ქალაქის - ბათუმის საკრებულო.

4. „მუნიციპალური სასადილო“-ს დირექტორს ჰყავს ერთი მოადგილე, რომელსაც თანამ­დე­ბობაზე ნიშნავს და თანამდებობიდან ათავისუფლებს  დირექტორი.

5. დირექტორის მოადგილე ასრულებს დირექტორის მოვალეობას დირექტორის მიერ თავისი უფ­ლე­ბა­მო­სილების განხორციელების შეუძლებლობის (დროებითი შრომი­სუუ­ნარობის გამო), ადგი­ლ­ზე არყოფნის, თანამდებობიდან გადადგომის ან/და გან­თავისუფლებისას ან სხვა საფუძ­ვ­ლის არსებობისას დირექტორისათვის შრომითი ურ­თიერ­თობის დროებით შეჩერების დროს, ხოლო დირექტორის მოადგილის არ ყოფნის შემთხვევაში დირექტორის მოავალეობის შესრულება საკრებულოს თავმჯდომარის ბრძანებით შეიძლება დაეკისროს სხვა თანამშრომელს.

6. დირექტორის მოადგილის ფუნქციები და ამოცანები განისაზღვრება დირექ­ტორის ბრძანებით.

7. „მუნიციპალური სასადილო“-ს საქმიანობაზე კოორდინაციას ახორციელებს ქ. ბათუმის მერიის ჯანმრთელობისა და სოციალური დაცვის სამსახური.

  

მუხლი 6. „მუნიციპალური სასადილო“-ს დირექტორის უფლებამოსილება:

 

1. დირექტორი:

ა) საქართველოს კანონმდებლობითა და ამ წესდებით დადგენილი უფლე­ბამო­სი­ლების ფა­რგლებში დამოუკიდებლად ხელმძღვანელობს დაწესებულების საქმია­ნო­­ბას, მოქმედებს დაწესე­ბუ­ლების სახელით და სპეციალური მინდობილობის გა­რე­შე წარმოადგენს მას მესამე პირთან ურთიერთობაში;

ბ) იურიდიული პირის საქმიანობიდან გამომდინარე საკითხებზე გადაწყვე­ტი­ლე­ბას ღე­­ბუ­ლობს ერთპიროვნულად, გარდა იმ საკითხებისა, რომელიც საჭიროებს დამ­ფუძ­ნებ­ე­ლ­თან შეთანხმებას;

გ) პერსონალურად პასუხისმგებელია ამ წესდებისა და დაწესებულების საქმია­ნო­ბის მო­­მ­­წესრიგებელი სამართლებრივი აქტების შესრულებაზე;

დ) პერსონალურად პასუხისმგებელია დაწესებულების საქმიანობის სწორად წარ­მარ­თ­ვა­ზე, დაწესებულების ქონების, მათ შორის, ფულადი სახსრების მიზნობრივ ხარჯვასა და გამოყენებაზე;

ე) თავისი უფლებამოსილების განხორციელებისას გამოსცემს ბრძანებებს, რო­მელ­­თა შეს­რულება სავალდებულოა დაწესებულების ყველა თანამშრომლისათვის, ხელს აწერს დაწესებუ­ლების საქმიანობასთან დაკავშირებულ ფინანსურ და სხვა დო­კუ­მენ­ტებს;

ვ) უფლებამოსილია დასახული მიზნების მისაღწევად დაამყაროს შრომით-სა­მარ­თ­­ლე­ბ­რი­ვი ურთიერთობები ქ. ბათუმის მერის მიერ გან­საზღვ­რული სა­შტა­ტო განრიგის შესაბა­მი­სად;

ზ) უფლებამოსილია შრომით-სამართლებრივ ურთიერთობაში მყოფი პირების თა­ნამ­დე­ბობრივი სარგოები განსაზღვროს ქ. ბათუმის მერის მიერ დამ­ტკ­ი­ცე­ბული თანამდე­ბობ­რი­ვი სარგოს ოდენობის შესაბამისად;

თ) საქართველოს შრომის კოდექსის შესაბამისად, თანამდებობაზე ნიშნავს (დებს ხელ­შე­­კ­რულებებს) და თანამდებობიდან ათავისუფლებს დაწესებულების თა­ნამშ­­რომლებს;

ი) ანაწილებს ფუნქციებს დაწესებულების თანამშრომლებს შორის (რაზედაც გამოსცემს ბრძანებას), აძლევს მათ სათანადო მითითებებსა და დავალებებს, კანონ­მდებ­ლობის შესა­ბა­მი­ს­ად ახორციელებს დაწესებულების ზედამხედველობას თანამშ­რომ­­­ლების საქმიანობაზე, მა­რ­თავს თათბირებს, პერიოდულად ისმენს ანგარიშს თა­ნამშ­რომელთა საქმიანობის შედეგების თაობაზე, დაწესებულების სახელით სამოქ­მე­დოდ გასცემს მინდობილობას დაწესებულების თანამშრომ­ლებსა და სხვა პირებზე.

კ) კანონმდებლობით დადგენილი წესით უფლებამოსილია დაწესებულების თანამ­შ­რო­მ­ლების მიმართ გამოიყენოს წახალისებისა და დისციპლინარული პასუ­ხის­­მგებლობის ზო­მე­ბი;

ლ) უფლებამოსილია დაწესებულების სახელით გახსნას და დახუროს საბანკო ანგარი­შე­ბი, დადოს შრომითი და სხვა ხელშეკრულებები (შეთანხმებები) ფიზიკურ და იურიდიულ პირებ­თან, მოქმედი კანონმდებლობის შესაბამისად;

მ) ქ. ბათუმის მერთან ათანხმებს დაწესებულების ხარჯთაღ­რიც­ხვას;

ნ) ადგენს და ქალაქ ბათუმის აღმასრულებელ ორგანოს წარუდგენს დაწესებულების ბალანს;

ო) ამტკიცებს დაწესებულების თანამშრომელთა შვებულებაში გასვლის განრიგს;

პ) ატარებს სათანადო ღონისძიებებს დაწესებულების მატერიალურ-ტექნიკური ბა­ზის სრუ­ლყოფის, თანამშრომელთა და დამსვენებლებისათვის აუცილებელი პი­რო­ბების შექმნის მიზნით;

ჟ) ქალაქ ბათუმის თვითმმართველობის ორგანოებს არანაკლებ წელიწადში ერთ­ხელ წა­რუდგენს დაწესებულების ანგარიშს გაწეული საქმიანობის შესახებ;

რ) ანგარიშვალდებულია ქალაქ ბათუმის თვითმმართველობის ორგანოების წი­ნაშე;

ს) ქალაქ ბათუმის თვითმმართველობის ორგანოებს წარუდგენს დაწესე­ბუ­ლე­ბის წეს­დე­­ბაში შესატანი ცვლილებებისა და დამატებების შესახებ პროექტს, წინა­და­დე­ბებს დაწე­სე­ბუ­ლების საქმიანობის სრულყოფის ღონისძიებათა შესახებ;

ტ) ახორციელებს კანონმდებლობით, ამ წესდებით და მათ შესაბამისად მინი­ჭე­ბულ სხვა უფლებამოსილებებს.

2. დაწესებულების საქმიანობასთან დაკავშირებული მნიშვნელოვანი საკით­ხე­ბის გადა­საწ­ყვეტად, სათანადო წინადადებებისა და რეკომენდაციების მომზადების მიზნით, დირექ­ტორი უფლებამოსილია შექმნას სათათბირო ჯგუფები, კომისიები და უხელმძღვანელოს მას.

  

თავი IV. სტრუქტურა

 

მუხლი 7. „მუნიციპალური სასადილო“-ს  სტრუქტურა:

 

1. „მუნიციპალური სასადილო“-ს შემადგენლობაში სტრუქტურულად შედის ადმინის­ტრაცია, და სხვა სტრუქტურული ერთეულები. „მუნიციპალური სასადილო“-ს სტრუქტურული ერთეულები განისაზღვრება  ქ. ბათუმის მერის მიერ დამ­ტ­კი­ცე­ბუ­ლი საშტატო განრიგით. სტრუქტურული ერთეულების დებულებას და ფუუნქცია მოვალეობებს ამტკიცებს დირექტორი.

2. „მუნიციპალური სასადილო“-ს  სტრუქტურაში შემავალი თანამშრომლების რაოდენობა (გარ­და დირექ­ტო­­რისა და დირექტორის მოადგილისა) და თანამდებობრივი სარგოს ოდე­­­ნობა განისაზ­ღ­ვ­რე­ბა ქ. ბათუმის მერის მიერ დამ­ტ­კი­ცე­ბუ­ლი საშტატო განრიგით.

 

თავი V. ქონება

 

მუხლი 8. „მუნიციპალური სასადილო“-ს ქონება:

 

1. დასახული მიზნებისა და დაკისრებული ფუნქციების განსახორციელებლად „მუნიციპა­ლურ სასადილო“-ს აქვს საჭირო განცალკევებული ქონება, რომელიც გადაეცემა სა­ქართ­­­ველოს კანონმ­დებ­ლო­ბით დადგენილი წესით.

2. „მუნიციპალური სასადილო“-ს  ქონებას შეიძლება შეადგენდეს აგრეთვე დაწე­სე­ბუ­ლე­ბის ფუნქციო­ნი­რე­­ბის განმავლობაში მისი ფინანსური სახსრებით შეძენილი ან/და შექმ­­­ნილი ქონება.

3. „მუნიციპალური სასადილო“-ს ქონებასთან დაკავშირებული სხვა საკითხები განი­საზღვრება საქართ­ვე­ლ­ოს მოქმედი კანონმდებლობით დადგენილი წესით.

  

მუხლი 9. საქმიანობა, რომელიც საჭიროებს თანხმობას:

 

„მუნიციპალური სასადილო“-ს შეუძლია მხოლოდ დამფუძნებლის თანხმობით განა­ხორ­ციე­ლოს შემდეგი ქმე­დებები:

ა) უძრავი ქონების შეძენა;

ბ) გადაცემული ქონების გასხვისება;

გ) გადაცემული ქონების იჯარით გაცემა;

დ) სესხის აღება;

ე) თავდებობა;

ვ) სხვა გადაწყვეტილებები „მუნიციპალური სასადილო“-ს ქონებასთან დაკავშირებით, რომლებიც სცილ­დე­ბა ჩვეულებრივი საქმიანობის ფარგლებს.

                                                             

თავი VI. ფინანსები

 

მუხლი 10. „მუნიციპალური სასადილო“-ს ფინანსები:

 

1. „მუნიციპალური სასადილო“-ს დაფინანსების წყარო შეიძლება იყოს:

ა) თვითმმართველი ქალაქის – ბათუმის ბიუჯეტიდან გამოყოფილი მიზნობ­რი­ვი სახ­ს­რები;

ბ) ადგილობრივი და საერთაშორისო ორგანიზაციების მიერ გამოყოფილი შემო­წი­­რუ­­ლობები, გრანტები;

გ) შემოსავლები, რომლებიც მიიღება „მუნიციპალური სასადილო“-ს  მიერ სხვა იური­დიუ­ლი, თუ ფიზი­კუ­რი პირებისათვის გაწეული მომსახურების შედეგად;

დ) დამხმარე სამეწარმეო საქმიანობიდან მიღებული შემოსავლები;

ე) საქართველოს კანონმდებლობით ნებადართული სხვა შემოსავლები.

2. „მუნიციპალური სასადილო“-ს ნებისმიერი შემოსავალი უნდა მოხმარდეს მხოლოდ და­­­­წე­სებუ­ლების მიზ­­ნე­ბისა და ამოცანების განხორციელებას. დაწესებულების სახს­რე­­ბის სხვაგ­ვარად გამო­ყე­ნე­ბა და­უშვებელია.

 

 

თავი VII. საქმიანობის კონტროლი

 

მუხლი 11. „მუნიციპალური სასადილო“-ს საქმიანობის კონტროლი:

 

1. „მუნიციპალური სასადილო“-ს საქმიანობის საერთო კონტროლს ახორციელებს ქალაქ ბა­თუმის თვითმ­მა­რ­თველობის ორგანოები.

2. „მუნიციპალური სასადილო“-ს საქმიანობის კონტროლი მოიცავს დაწესებულების მიერ გან­­ხორციე­ლე­ბუ­ლი საქმიანობის კანონიერების, მიზანშეწონილობის, ეფექ­ტია­ნო­ბისა და საფინანსო-ეკო­ნო­მი­კუ­რი საქმიანობის ზედამხედველობას.

3. „მუნიციპალური სასადილო“-ს საქმიანობის შესამოწმებლად, საჭიროების შემთ­ხ­ვე­ვაში, ქა­ლაქ ბათუმის თვითმმართველობის ორგანოები ნიშნავს აუდიტორს.

4. „მუნიციპალური სასადილო“-ს საქმიანობის კონტროლთან დაკავშირებული სხვა სა­კით­­ხები განისაზ­ღ­ვ­რე­ბა  მოქმედი კანონმდებლობით დადგენილი წესით.

 

 

თავი VIII.  რეორგანიზაცია და ლიკვიდაცია

 

მუხლი 12. „მუნიციპალური სასადილო“-ს რეორგანიზაცია და ლიკვიდაცია:

 

1. „მუნიციპალური სასადილო“-ს რეორგანიზაციის შესახებ გადაწყვეტილებას ღე­ბუ­ლობს თვითმ­მართ­ველი ქალაქი - ბათუმის საკრებულო.

2. „მუნიციპალური სასადილო“-ს ლიკვიდაცია ხორციელდება მოქმედი კანონმდებლობის შე­საბამისად.