გ ა ნ კ ა რ გ უ ლ ე ბ ა

2014 წლის მუნიციპალური პროგრამის - „სოციალური უზრუნველყოფა“  დამტკიცების შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის 1-ლი პუნქტის „ლ“ ქვეპუნქტის შესაბამისად, თვითმმართველი ქალაქის - ბათუმის საკრებულომ გ ა დ ა წ ყ ვ ი ტ ა : 

1. დამტკიცდეს 2014 წლის მუნიციპალური პროგრამა „სოციალური უზრუნველყოფა“  (პროგრამული კოდი 06 02) თანდართული ქვეპროგრამებით, მათ შორის:

ა) ქვეპროგრამა „სოციალურად დაუცველი ფენის უფასო კვებით უზრუნველყოფა“ (პროგრამული კოდი 06 02 01);

ბ) ქვეპროგრამა „I ჯგუფის უსინათლო შეზღუდული შესაძლებლობის მქონე პირების შეღავათებით უზრუნველყოფა“ (პროგრამული კოდი 06 02 02);

გ) ქვეპროგრამა „ვეტერანებისა, მათთან გათანაბრებული პირების, ომში დაღუპულთა ოჯახების წევრების და მარჩენალდაკარგულთა შეღავათებით უზრუნველყოფა“ (პროგრამული კოდი 06 02 04);

დ) ქვეპროგრამა „უპოვართა და მზრუნველობამოკლებულ მოხუცთა  მოვლა-პატრონობა“ (პროგრამული კოდი 06 02 05);

ე) ქვეპროგრამა „სოციალურად დაუცველი და მრავალშვილიანი ოჯახების, მარტოხელა დედების სოციალური დახმარება“ (პროგრამული კოდი 06 02 06);

ვ) ქვეპროგრამა „ერთჯერადი მატერიალური დახმარება ყოველ მესამე და მომდევნო ახალშობილზე“ (პროგრამული კოდი 06 02 07);

ზ) ქვეპროგრამა „მრავალშვილიანი და უდედმამო ბავშვების ოჯახებისათვის მატერიალური დახმარება“ (პროგრამული კოდი 06 02 08);

თ) ქვეპროგრამა „პროფესიული სწავლება“ (პროგრამული კოდი 06 02 09);

ი) ქვეპროგრამა „საქალაქო ტრანსპორტით სარგებლობაზე შეღავათებით უზრუნველყოფა“ (პროგრამული კოდი 06 02 10);

კ) ქვეპროგრამა „გაზიფიკაციის საკომპენსაციო თანხით უზრუნველყოფა“ (პროგრამული კოდი 06 02 11);

ლ) ქვეპროგრამა „ერთჯერადი მატერიალური დახმარება სოციალურად დაუცველი ოჯახების ყოველ პირველ და მეორე ახალშობილზე“ (პროგრამული კოდი 06 02 17);

2. „ადგილობრივი თვითმმართველობის შესახებ“ საქართველოს ორგანული კანონის  39-ე მუხლისა და „საქართველოს საბიუჯეტო კოდექსის“ 69-ე მუხლის შესაბამისად ნება დაერთოს თვითმმართველი ქალაქის - ბათუმის მერს თვითმმართველი  ქალაქის  - ბათუმის  საკრებულოს თავმჯდომარის  თანხმობით მოახდინოს ცალკეული პროგრამის/ქვეპროგრამის ბიუჯეტში თანხების გადანაწილება პროგრამის/ქვეპროგრამის წლიური ბიუჯეტით დამტკი-ცებული გადასახდელების 5%-ის ფარგლებში.

3. განკარგულება ამოქმედდეს 2014 წლის 1 იანვრიდან.

საკრებულოს თავმჯდომარე                                                                            ირაკლი ჩავლეიშვილი