თვითმმართველი ქალაქის - ბათუმის საკრებულო

დ ა დ გ ე ნ ი ლ ე ბ ა №44

2013 წლის 20 დეკემბერი

ქალაქი ბათუმი

„საგზაო მოძრაობის უსაფრთხოების დამატებით ღონისძიებათა გატარების შესახებ“ თვითმმართველი ქალაქის - ბა­თ­უმის საკრებულოს 2011 წლის 15 ივლისის №36 დადგენილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის შესაბამისად, თვით­მ­მართველი ქალაქის - ბათუმის საკრებულო ა დ გ ე ნ ს :

მუხლი 1. „საგზაო მოძრაობის უსაფრთხოების დამატებით ღონისძიებათა გატარების შესახებ“ თვითმმართველი ქალაქის - ბა­თ­უმის საკრებულოს 2011 წლის 15 ივლისის №36 დადგენილებაში (სსმ, 18.07.2011 წ.) შეტანილ იქნას ცვლილება და  დადგენილების 1-ლი  მუხლი ჩამოყალიბდეს შემდეგი რედაქციით:

„მუხლი 1. საავტომობილო გზებზე სატრანსპორტო საშუალების მოძრაობისათვის ნებადართულ სიჩქარედ განისაზღვროს:

1. არა უმეტეს 60 კმ/სთ-ი ქ. ბათუმში მდებარე შემდეგ ქუჩებზე (საავტომობილო გზებზე): თამარ მეფის გამზირი, ოდისეი დიმიტრიადის ქუჩა; შერიფ ხიმშიაშვილის ქუჩა: ლეხ და მარია კაჩინსკის ქუჩა; საავტომობილო გზა (უსახელო ქუჩა) ლეხ და მარია კაჩინსკის ქუჩის (ახალი ბულვარის) გაგრძელებიდან აეროპორტის გზატკეცილთან შეერთებამდე; აეროპორტის გზატკეცილი ანგისის წრიულიდან (ბათუმი – სარფი – ახალციხის გამანაწილებელი გზის მონაკვეთიდან) მდინარე ჭოროხის ხიდამდე; აფსაროსის ქუჩა; ანდრია პირველ-წოდებულის ქუჩა;  პეტრე ბაგრატიონის ქუჩა;  მეგობრობის გამზირი.

2. არა უმეტეს 40 კმ/სთ-ი ქ. ბათუმში მდებარე საავტომობილო გზებზე, გარდა ამ მუხლის პირველი პუნქტით გათვალისწინებული საავტომობილო გზებისა (ქუჩებისა).“.

მუხლი 2. ა(ა)იპ – სატრანსპორტო ინფრასტრუქტურის მართვის სააგენტომ უზრუნველყოს დადგენილების შესრულების მიზნით შესაბამისი ორგანიზაციულ – სამართლებრივი ღონისძიების განხორციელება თავისი კომპეტენციის ფარგლებში.

მუხლი 3. დადგენილების შესახებ ეცნობოს საქართველოს შინაგან საქმეთა სამინისტროს საპატრულო  პოლიციის დეპარტამენტის აჭარის მთავარ სამმართველოს.

მუხლი 4. დადგენილება ძალაშია გამოქვეყნების­თანავე. 

        საკრებულოს  თავმჯდომარე                                                                           ირაკლი  ჩავლეიშვილი