გ ა ნ კ ა რ გ უ ლ ე ბ ა       

თვითმმართველი ქალაქის - ბათუმის ტერიტორიაზე ადგილობრივი საქალაქო რეგულარული სამგზავრო გადაყვანის №40 სამარშრუტო ხაზის მოძრაობის სქემის ქობულეთის მუნიციპალიტეტის სოფელ ჩაისუბნის „ქვის ხიდის“ დასახლებამდე გაგრძელების შესახებ

2013 წლის 23 სექტემბრის №01-43/1438 წერილით ქობულეთის მუნიციპალი­ტეტის გამგებლის მოვალეობის შემსრულებელმა გიორგი რომანაძემ ითხოვა შუამდგომლობა ქობულეთის მუნიციპალიტეტის სოფელ ჩაისუბნის მოსახლეობის სახელით №40 სამარშრუტო ხაზის არსებული სქემის, რომელიც დამტკიცებულია თვითმმართველი ქალაქის - ბათუმის საკრებულოს 2012 წლის 30 მარტის №73 განკარგულებით გაგრძელდეს სოფელ ჩაისუბნის „ქვის ხიდის“ დასახლებამდე, რათა გაადვილდეს და გაუმჯობესდეს მგზავრთა მიმოსვლა ორ მუნიციპალიტეტს შორის.

 „ადგილობრივი თვითმმართველობის შესახებ“ საქართველოს ორგანული კანონის შესაბამისად, თვითმმართველი ქალაქის - ბათუმის საკრებულომ გ ა დ ა წ ყ ვ ი ტ ა :

1. გაგრძელდეს თვითმმართველი ქალაქის - ბათუმის ტერიტორიაზე ადგილობრივი საქალაქო რეგულარული სამგზავრო გადაყვანის №40 სამარშრუტო ხაზის მოძრაობის სქემა ქობულეთის მუნიციპალიტეტის სოფელ ჩაისუბნის „ქვის ხიდის“ დასახლებამდე.

2. თვითმმართველი ქალაქის - ბათუმის მერს ჯემალ ანანიძეს მიენიჭოს უფლებამოსი-ლება, რომ თვითმმართველი ქალაქის - ბათუმის სახელით ხელი მოაწეროს თვითმმართველ ქალაქ ბათუმსა და ქობულეთის მუნიციპალიტეტს შორის გასაფორმებელ შეთანხმებას, რომელიც შეეხება №40 სამარშრუტო ხაზის მოძრაობის სქემის ქობულეთის მუნიციპალი-ტეტის სოფელ ჩაისუბნის „ქვის ხიდის“ დასახლებამდე გაგრძელების შესახებ.

3. ამ განკარგულების პირველი პუნქტი ამოქმედდეს თვითმმართველ ქალაქ ბათუმსა და ქობულეთის მუნიციპალიტეტს შორის განკარგულების მე-2 პუნქტით გათვალისწინებული შეთანხმების გაფორმების შემდეგ.

4. განკარგულება ძალაშია ხელმოწერისთანავე.

საკრებულოს თავმჯდომარე                                                                            ირაკლი ჩავლეიშვილი