გ ა ნ კ ა რ გ უ ლ ე ბ ა      

 შეზღუდული პასუხისმგებლობის საზოგადოება – „ქ. ბათუმის ტურისტული ობიექტების მართვის სააგენტოს“ დაფუძნების შესახებ

„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ზ“ ქვეპუნქტის, ამავე კანონის 22-ე მუხლის პირველი  პუნქტის  ,,ჩ“ ქვეპუნქტის შესაბამისად, თვითმმართველი ქალაქის - ბათუმის საკრებულომ  გ ა დ ა წ ყ ვ ი ტ ა:

1. დაფუძნდეს შეზღუდული პასუხისმგებლობის საზოგადოება „ქ. ბათუმის ტურის-ტული ობიექტების მართვის სააგენტო’’ საწესდებო კაპიტალში 100%-იანი თვითმმართველი ქალაქის – ბათუმის (წარმოდგენილი თვითმმართველი ქალაქის – ბათუმის საკრებულოს სახით - მის: ქ. ბათუმი, ლ. ასათიანის ქ. №25, საინდენ­ტი­ფი­კა­ციო კოდი 245576005) წილობრივი მონაწილეობით.

2. შეზღუდული პასუხისმგებლობის საზოგადოება „ქ. ბათუმის ტურისტული ობიექტების მართვის სააგენტოს’’ იურიდიულ მისამართად განისაზღვროს: ქ. ბათუმი, ლუკა ასათიანის ქ. №25.

3. შეზღუდული პასუხისმგებლობის საზოგადოება „ქ. ბათუმის ტურისტული ობიექტების მართვის სააგენტოს’’ დირექტორად დაინიშნოს გელა დეკანაძე (დაბადე­ბული 03.08.1974 წ. სამტრედიაში უმაღლესი განათლებით; მცხ: ქ. ბათუმი, ი. ფაღავას ქ. N11 ბ. N 22; პირადობის მოწმობა №ბ 0129998, პირადი №661003005543, გაცემული ბა­თუმის შ.ს.ს მე-2 ქვეგანყოფილების მიერ 06.04.2000 წელს). დირექტორი წარმოად­გენს საზოგადოებას მესამე პირებთან სამართლებრივ ურთიერთობაში. ის მოქმედებს ერთპიროვნულად და მისი წარმომადგენლობითი უფლებამოსილება მესამე პირთან ურთიერთობაში არ არის შეზღუდული. დირექტორს თანამდებობაზე ნიშნავს და თა­ნამ­დებობიდან ათავისუფლებს თვითმმართველი ქალაქის - ბათუმის საკრებულო.

4. საზოგადოების მართვის უმაღლესი ორგანოა თვითმმართველი ქალაქი - ბა­თუ­მი, რომელიც წარმართავს საზოგადოების საქმიანობას და იღებს გადაწყვეტი­ლე­ბებს ყველა საკითხზე, კერძოდ:

ა) საზოგადოების წესდების დამტკიცება, მასში ცვლილებებისა და დამატებების შეტანა;

ბ) საზოგადოების საწესდებო კაპიტალის შეცვლა;

გ) პარტნიორის მიერ წილის გასხვისება მესამე პირებზე;

დ) სამეურნეო პოლიტიკის ზოგადი პრინციპების განსაზღვრა;

ე) ფილიალების შექმნა და ლიკვიდაცია;

ვ) უძრავი ქონების შეძენა, გასხვისება და უფლებრივი დატვირთვა;

ზ) ხელმძღვანელ მუშაკთათვის მოგებისა და საერთო შემოსავალში მონაწილეობისა და პენსიის მიცემის პრინციპების განსაზღვრა;

თ) დირექტორის დანიშვნა და გამოწვევა, მასთან შრომის ხელშეკრულებების დადება და შეწყვეტა, აგრეთვე მისი ანგარიშის დამტკიცება;

ი) წლიური შედეგების დამტკიცება და შედეგების გამოყენება;

კ) დამატებითი შესატანების უკან დაბრუნება;

ლ) პროკურის გაცემა და გაუქმება;

მ) აგრეთვე ის სხვა საკითხები, რომლებზეც პარტნიორი დაადგენს პარტნიორის მიერ გადაწყვეტილების მიღების აუცილებლობას.

5. საზოგადოების პარტნიორის წილის განკარგვის უფლებამოსილი ორგანოა თვითმმართველი ქალაქი - ბათუმი მოქმედი კანონმდებლობით დადგენილი წესით.

6. თვითმმართველი ქალაქის - ბათუმის საკრებულოს აპარატმა (იურიდიული განყოფილების მთავარი სპეციალისტი დავით ჯაიანი, პირადი #61001025509) განა-ხორციელოს მე­წარმეთა და არასამეწარმეო (არაკომერციული) იურიდიულ პირთა რეესტრში შეზ­ღუ­დული პასუხისმგებლობის საზოგადოება „ქ. ბათუმის ტურისტული ობიექტების მა­რ­თვის სააგენტოს“ რეგისტრაცია და მასთან დაკავშირებული სხვა ორგანიზა­ცი­ულ-სამართ-ლებრივი ღონისძიებების განხორციელება.

7. დაევალოს თვითმმართველ ქ. ბათუმის მერიას უზრუნველყოს  შეზღუდული პა­­სუხისმგებლობის საზოგადოება „ქ. ბათუმის ტურისტული ობიექტების მართვის საა­გენტოსათვის’’ სამეწარმეო საქმიანობის განხორციელებისა და მართვისათვის ქ. ბა­თუმის საკუთრებაში არსებული ტურისტული ობიექტების გადაცემისათვის სა­ჭი­რო შესაბამისი ორგანიზაციულ-სამართ­ლებ­რი­ვი ღონისძიებების განხორციელება.

8. დაევალოს თვითმმართველ ქ. ბათუმის მერიას უზრუნველყოს შეზღუდული პასუხისმგებლობის საზოგადოება „ქ. ბათუმის ტურისტული ობიექტების მართვის სააგენტოს’’ დაფინანსებისათვის საჭირო სახსრების თვითმმართველ ქ. ბათუმის 2013 წლის ბიუჯეტში ასახვისათვის საჭირო ორგანიზაციულ-სამართლებრივი ღონისძიე­ბე­ბის განხორ-ციელება და ცვლილებების პროექტის ქ. ბათუმის საკრებულოსათვის წარმოდგენა.

9. დაევალოს შეზღუდული პასუხისმგებლობის საზოგადოება „ქ. ბათუმის ტუ­რის­ტული ობიექტების მართვის სააგენტოს“ დირექტორს წინამდებარე განკარგუ­ლე­ბის ძალაში შესვლიდან ერთი თვის ვადაში დასამტკიცებლად წარმოად­გინოს საზო­გა­დო­ების წესდების პროექტი.

10. განკარგულება ძალაშია ხელმოწერისთანავე.  

საკრებულოს თავმჯდომარე                                                                             ირაკლი ჩავლეიშვილი