N: 90

თარიღი: 2013-06-28

ტიპი: განკარგულება

სფერო: სამართლებრივი აქტები

 

გ ა ნ კ ა რ გ უ ლ ე ბ ა 

,,არასამეწარმეო (არაკომერციული) იურიდიული პირის – „საჭადრაკო კლუბ ნონა“-ს წესდების დამტკიცების შესახებ

 

 

„ადგილობრივი თვითმმართველობის შესახებ” საქართველოს ორგანული კანონის 22-ე მუხლის 1-ლი პუნქტის „ჩ” ქვეპუნქტისა და საქართველოს სამოქალაქო კოდექსის 35-ე მუხლის მე-3 ნაწილის შესაბამისად, თვითმმართველი ქალაქის - ბათუმის საკრე­ბულომ გ ა დ ა წ ყ ვ ი ტ ა :

1. დამტკიცდეს „არასამეწარმეო (არაკომერციული) იურიდიული პირის - „საჭადრაკო კლუბ ნონა“-ს  წესდება, თანახმად დანართისა.

2. განკარგულება ძალაშია ხელმოწერისთანავე.

 

 

 

 

 საკრებულოს თავმჯდომარე                                                                           ირაკლი ჩავლეიშვილი

 

 

 

 

 

 

„ დ ა მ ტ კ ი ც ე ბ უ ლ ი ა ”

თვითმმართველი ქალაქის - ბათუმის საკრებულოს განკარგულება

2013 წლის 28 ივნისი №90

 

 

არასამეწარმეო (არაკომერციული) იურიდიული პირის  - „საჭადრაკო კლუბი ნონა“-ს

წ ე ს დ ე ბ ა

 

 

თავი I. ზოგადი დებულებანი

 

მუხლი 1. სახელწოდება და იურიდიული მისამართი:

1. არასამეწარმეო (არაკომერციული) იურიდიული პირი – „საჭადრაკო კლუბი ნონა“ არის „ადგილობრივი თვითმმართველობის შესახებ“ საქ­ა­რ­თ­ვე­ლოს ორგანული კანონისა და საქართველოს სამოქალაქო კოდექსის საფუძველზე, თვი­თ­მ­მა­რთველი ქალაქი - ბათუმის მიერ შექმნილი არასამეწარმეო (არაკომერციული) იურიდი­უ­ლი პირი. 

2. არასამეწარმეო (არაკომერციული) იურიდიული პირის სახელწოდებაა: არასა­მეწარ­მეო (არაკომერციული) იურიდიული პირი – „საჭადრაკო კლუბი ნონა“ (შემდგომ ტექსტში – „საჭადრაკო კლუბი“).

3. საჭადრაკო კლუბის იურიდიული მისამართია: საქართველო, ქალაქი ბათუმი, ლუკა ასა­თი­ა­ნ­ის  ქ. №25.

4. საჭადრაკო კლუბის ელექტრონული მისამართია: giorgi –1968@mail.ru

 

მუხლი 2. საჭადრაკო კლუბის  სტატუსი:

1. საჭადრაკო კლუბი არის წევრთა მდგომარეობისაგან დამოუკიდებელი იურიდიული პირი და მი­სი მიზანი არ არის სამეწარმეო საქმიანობის განხორციელება.

2. საჭადრაკო კლუბის უფლებაუნარიანობა წარმოიშობა მისი რეგისტრაციის მომენტიდან და წყდ­ება ლიკვიდაციის დასრულების რეგისტრაციის მომენტიდან.

3.  საჭადრაკო კლუბი შექმნილია განუსაზღვრელი ვადით.

4. დასახული მიზნებისა და დაკისრებული ფუნქციების განსახორციელებლად საჭადრაკო კლუბს  აქვს სამეწარმეო საქმიანობის უფლება.

5. საჭადრაკო კლუბი კანონმდებლობით და ამ წესდებით განსაზღვრული მიზნებისა და და­კის­რე­ბული ფუნქციების განსახორციელებლად საკუთარი სახელით იძენს ქონებრივ და პირად არა­ქონებრივ უფლებებს, კისრულობს მოვალეობებს, დებს გარიგებებს, საკუთარი სახელით გამოდის მოსარჩლედ და მოპასუხედ სასამართლოში და არბიტრაჟში, აგრეთვე მესამე პირთან ურთიერთობაში.

6. საჭადრაკო კლუბს აქვს დამოუკიდებელი ბალანსი, ხარჯთაღრიცხვა, საბანკო და სახაზინო ანგარიშები, ბეჭედი, შტამპი, ბლანკი და იურიდიული პირის სხვა რეკვიზიტები.

7. კანონმდებლობითა და ამ წესდებით დადგენილ ფარგლებში  საჭადრაკო კლუბი ანგარიშ­ვალ­დე­ბული და პასუხისმგებელია ქალაქ ბათუმის თვითმმართველობის ორგანოების წინაშე, რო­მელიც ახორციელებს დამფუძნებლის უფლებამოსილებებს.

                                            

  თავი II. საქმიანობის საგანი

 

მუხლი 3. ძირითადი მიზანი და ფუნქციები:

 საჭადრაკო კლუბის მიზანი და ამოცანაა ჭადრაკის, როგორც სპორტული და სააზროვნო მიმართულების პროპაგანდა–პოპულარიზაცია და მისი განვითარების ხელ-შეწყობა.

 

მუხლი 4.  უფლებები და ვალდებულებები:

1. საჭადრაკო კლუბს დაკისრებული ვალდებულებებისა და ამოცანების განსახორ­ციელებლად უფ­ლება აქვს:

ა) აწარმოოს მოლაპარაკებანი და დადოს გარიგებები, აგრეთვე, განახორციელოს სხვა იუ­რიდიული ქმედებები, როგორც სახელმწიფო, ასევე კერძო ორგანიზაციებთან; მათ შორის დაამყაროს ურთიერთობები სხვა ქვეყნების იურიდიულ, თუ ფიზიკურ პირებთან;

ბ) საქართველოს კანონმდებლობით დადგენილი წესით განახორციელოს დამხმარე სა­ხ­ის სამეწარმეო საქმიანობა; ამ საქმიანობიდან მიღებული შემოსავალი მოახმაროს მხოლოდ დაწესებულების მატერიალურ-ტექნიკური ბაზის განმტკიცებას, მუშაკთა სოციალურ დაცვას, შრომის ეკონომიკურ სტიმულირებას, აგრეთვე დაწესებულების წესდებით გათვალისწინე­ბულ სხვა მიზნებისა და ამოცანების განხორციელებას;

გ) დაამყაროს შრომით-სამართლებრივი ურთიერთობები ქალაქ ბათუმის მერიის მიერ განსაზღვრული საშტატო განრიგის შესაბამისად;

დ) შრომით-სამართლებრივ ურთიერთობაში მყოფი პირების თანამდებობრივი სარგო განსაზღვროს ქალაქ ბათუმის მერიის მიერ დამტკიცებული სარგოს ოდენობის შესაბამისად;

ე) განსაზღვროს დაწესებულების ხარჯთაღრიცხვა ქალაქ ბათუმის მერთან შეთანხმებით;

2. საჭადრაკო კლუბი ვალდებულია:

ა) წარმართოს თავისი საქმიანობა საქართველოს სათანადო საკანონმდებლო და კანონ­­ქვე­მდებარე სამართლებრივი აქტებისა და ამ წესდების შესაბამისად;

ბ) წარმართოს შრომითი (მათ შორის სახელშეკრულებო) ურთიერთობანი საქართველოს კანონმდებლობით დადგენილი წესით;

გ) შეასრულოს მოქმედი კანონმდებლობიდან და დადებული ხელშეკრულებებიდან გა­მ­ომდინარე ვალდებულებები.

 

თავი III. მართვა და კომპეტენცია

 

მუხლი 5. საჭადრაკო კლუბის მართვა:

 

1. საჭადრაკო კლუბის მართვა ხორციელდება საქართველოს კანონმდებლობით და ამ წესდების შესაბამისად.

2. საჭადრაკო კლუბს ხელმძღვანელობს დირექტორი, რომელსაც ერთპიროვნულად ეკის­რე­ბა და­წესებულების წარმომადგენლობითი უფლებამოსილება.

3. საჭადრაკო კლუბის დირექტორს თანამდებობაზე ნიშნავს და თანამდებობიდან ათავი­სუფ­­ლე­ბს  თვითმმართველი ქალაქის - ბათუმის საკრებულო.

4. დირექტორისათვის შრომითი ურთიერთობის დრობით შეჩერების დროს დირექტორის მოვალეობის შემსრულებელს ნიშნავს საკრებულოს თავმჯდომარე.

5. საჭადრაკო კლუბის საქმიანობაზე კოორდინაციას ახორციელებს ქ. ბათუმის მერიის განათლების, კულტურის, ტურიზმისა და სპორტის სამსახური.

  

მუხლი 6. დირექტორის უფლებამოსილება:

1. დირექტორი:

ა) საქართველოს კანონმდებლობითა და ამ წესდებით დადგენილი უფლებამოსილების ფა­რგლებში დამოუკიდებლად ხელმძღვანელობს დაწესებულების საქმიანობას, მოქმედებს დაწესებულების სახელით და სპეციალური მინდობილობის გარეშე წარმოადგენს მას მესამე პირთან ურთიერთობაში;

ბ) იურიდიული პირის საქმიანობიდან გამომდინარე საკითხებზე გადაწყვეტილებას ღე­­ბუ­ლობს ერთპიროვნულად, გარდა იმ საკითხებისა, რომელიც საჭიროებს დამფუძ­ნებ­ე­ლ­თან შეთანხმებას;

გ) პერსონალურად პასუხისმგებელია ამ წესდებისა და დაწესებულების საქმიანობის მო­­მ­­წესრიგებელი სამართლებრივი აქტების შესრულებაზე;

დ) პერსონალურად პასუხისმგებელია დაწესებულების საქმიანობის სწორად წარმარ­თ­ვა­ზე, დაწესებულების ქონების, მათ შორის, ფულადი სახსრების მიზნობრივ ხარჯვასა და გამოყენებაზე;

ე) თავისი უფლებამოსილების განხორციელებისას გამოსცემს ბრძანებებს, რომელთა შეს­რულება სავალდებულოა დაწესებულების ყველა თანამშრომლისათვის, ხელს აწერს დაწესებულების საქმიანობასთან დაკავშირებულ ფინანსურ და სხვა დოკუმენტებს;

ვ) უფლებამოსილია დასახული მიზნების მისაღწევად დაამყაროს შრომით-სამარ­თ­ლე­ბ­რი­ვი ურთიერთობები ქალაქ ბათუმის მერიის მიერ განსაზღვრული საშ­ტა­ტო განრიგის შესაბამისად;

ზ) უფლებამოსილია შრომით-სამართლებრივ ურთიერთობაში მყოფი პირების თანამ­დე­ბობრივი სარგოები განსაზღვროს ქალაქ ბათუმის მერიის მიერ დამ­ტკ­ი­ცე­ბული თანამდებობრივი სარგოს ოდენობის შესაბამისად;

თ) საქართველოს შრომის კოდექსის შესაბამისად, თანამდებობაზე ნიშნავს (დებს ხელ­შე­­კ­რულებებს) და თანამდებობიდან ათავისუფლებს დაწესებულების თანამშრომლებს;

ი) ანაწილებს ფუნქციებს დაწესებულების თანამშრომლებს შორის (რაზედაც გამოსცემს ბრძანებას), აძლევს მათ სათანადო მითითებებსა და დავალებებს, კანონ­მდებლობის შესა­ბა­მი­ს­ად ახორციელებს დაწესებულების ზედამხედველობას თანამშრომ­ლების საქმიანობაზე, მა­რ­თავს თათბირებს, პერიოდულად ისმენს ანგარიშს თანამშრომელთა საქმიანობის შედეგების თაობაზე, დაწესებულების სახელით სამოქმედოდ გასცემს მინდობილობას დაწესებულების თანამშრომლებსა და სხვა პირებზე.

კ) კანონმდებლობით დადგენილი წესით უფლებამოსილია დაწესებულების თანამ­შრო­მ­ლების მიმართ გამოიყენოს წახალისებისა და დისციპლინარული პასუხის­მგებლობის ზო­მე­ბი;

ლ) უფლებამოსილია დაწესებულების სახელით გახსნას და დახუროს საბანკო ანგარი­შე­ბი, დადოს შრომითი და სხვა ხელშეკრულებები (შეთანხმებები) ფიზიკურ და იურიდიულ პირებთან, მოქმედი კანონმდებლობის შესაბამისად;

მ) ქალაქ ბათუმის მერთან ათანხმებს დაწესებულების  ხარჯთაღ­რიც­ხვას;

ნ) ადგენს და ქალაქ ბათუმის მერს დასამტკიცებლად წარუდგენს დაწესებულების ბალანსს;

ო) ამტკიცებს დაწესებულების თანამშრომელთა შვებულებაში გასვლის განრიგს;

პ) ატარებს სათანადო ღონისძიებებს დაწესებულების მატერიალურ-ტექნიკური ბაზის სრუ­ლყოფის, თანამშრომელთა და დამსვენებლებისათვის აუცილებელი პირობების შექმნის მიზნით;

ჟ) ქალაქ ბათუმის თვითმმართველობის ორგანოებს არანაკლებ წელიწადში ერთხელ წა­რუდგენს დაწესებულების ანგარიშს გაწეული საქმიანობის შესახებ;

რ) ანგარიშვალდებულია ქალაქ ბათუმის თვითმმართველობის ორგანოების წინაშე;

ს) ქალაქ ბათუმის თვითმმართველობის ორგანოებს წარუდგენს დაწესებულების წეს­დე­­ბაში შესატანი ცვლილებებისა და დამატებების შესახებ პროექტს, წინადადებებს დაწე­სე­ბუ­ლების საქმიანობის სრულყოფის ღონისძიებათა შესახებ;

ტ) ახორციელებს კანონმდებლობით, ამ წესდებით და მათ შესაბამისად მინიჭებულ სხვა უფლებამოსილებებს.

2. დაწესებულების საქმიანობასთან დაკავშირებული მნიშვნელოვანი საკითხების გადა­საწ­ყვეტად, სათანადო წინადადებებისა და რეკომენდაციების მომზადების მიზნით, დირექ­ტორი უფლებამოსილია შექმნას სათათბირო ჯგუფები, კომისიები და უხელმძღვანელოს მას.

 

თავი IV. სტრუქტურა

 

მუხლი 7. საჭადრაკო კლუბის სტრუქტურა:

საჭადრაკო კლუბის სტრუქტურაში შემავალი თანამშრომლების დასახელება, რაოდენობა და თანამდებობრივი სარგოს ოდენობა განისაზღვრება ქ. ბათუმის მერიის მიერ დამტკიცებული საშტატო განრიგით.

 

 

თავი V. ქონება

 

მუხლი 8.  საჭადრაკო კლუბის  ქონება:

1. დასახული მიზნებისა და დაკისრებული ფუნქციების საჭადრაკო კლუბს აქვს საჭირო განცალკევებული ქონება, რომელიც გადაეცემა საქართველოს კანონმ­დებ­ლო­ბით დადგენილი წესით.

2. საჭადრაკო კლუბის ქონებას შეიძლება შეადგენდეს აგრეთვე დაწესებულების ფუნქციო­ნი­რე­ბის განმავლობაში მისი ფინანსური სახსრებით შეძენილი ან/და შექმნილი ქონება.

3. საჭადრაკო კლუბის ქონებასთან დაკავშირებული სხვა საკითხები განისაზღვრება საქართ­ვე­ლ­ოს მოქმედი კანონმდებლობით დადგენილი წესით.

 

მუხლი 9. საქმიანობა, რომელიც საჭიროებს თანხმობას:

საჭადრაკო კლუბს შეუძლია მხოლოდ დამფუძნებლის თანხმობით განახორციელოს შემდეგი ქმე­დებები:

ა) უძრავი ქონების შეძენა;

ბ) გადაცემული ქონების გასხვისება;

გ) გადაცემული ქონების იჯარით გაცემა;

დ) სესხის აღება;

ე) თავდებობა;

ვ) სხვა გადაწყვეტილებები საჭადრაკო კლუბის ქონებასთან დაკავშირებით, რომლებიც სცილ­დე­ბა ჩვეულებრივი საქმიანობის ფარგლებს.

                                                                                          

თავი VI. ფინანსები

 

მუხლი 10. საჭადრაკო კლუბის ფინანსები:

1. საჭადრაკო კლუბის დაფინანსების წყარო შეიძლება იყოს:

ა) თვითმმართველი ქალაქის – ბათუმის ბიუჯეტიდან გამოყოფილი მიზნობრივი სახ­ს­რები;

ბ) ადგილობრივი და საერთაშორისო ორგანიზაციების მიერ გამოყოფილი შემოწირუ­ლობები, გრანტები;

გ) შემოსავლები, რომლებიც მიიღება საჭადრაკო კლუბის მიერ სხვა იურიდიული, თუ ფიზი­კუ­რი პირებისათვის გაწეული მომსახურების შედეგად;

დ) დამხმარე სამეწარმეო საქმიანობიდან მიღებული შემოსავლები;

ე) საქართველოს კანონმდებლობით ნებადართული სხვა შემოსავლები.

2. საჭადრაკო კლუბის ნებისმიერი შემოსავალი უნდა მოხმარდეს მხოლოდ დაწესებუ­ლების მიზ­ნე­ბისა და ამოცანების განხორციელებას. დაწესებულების სახსრების სხვაგვარად გამოყენება და­უშვებელია.

 

თავი VII. საქმიანობის კონტროლი

 

მუხლი 11. საჭადრაკო კლუბის  საქმიანობის კონტროლი:

1. საჭადრაკო კლუბის  საქმიანობის საერთო კონტროლს ახორციელებს ქალაქ ბათუმის თვითმ­მა­რ­თველობის ორგანოები.

2. საჭადრაკო კლუბის საქმიანობის კონტროლი მოიცავს დაწესებულების მიერ განხორციე­ლე­ბუ­ლი საქმიანობის კანონიერების, მიზანშეწონილობის, ეფექტიანობისა და საფინანსო-ეკო­ნო­მი­კუ­რი საქმიანობის ზედამხედველობას.

3. საჭადრაკო კლუბის საქმიანობის შესამოწმებლად, საჭიროების შემთხვევაში, ქალაქ ბათუმის თვითმმართველობის ორგანოები ნიშნავს აუდიტორს.

4. საჭადრაკო კლუბის საქმიანობის კონტროლთან დაკავშირებული სხვა საკითხები განისაზ­ღ­ვ­რე­ბა  მოქმედი კანონმდებლობით დადგენილი წესით.

 

თავი VIII.  რეორგანიზაცია და ლიკვიდაცია

 

მუხლი 12.  საჭადრაკო კლუბის  რეორგანიზაცია და ლიკვიდაცია:

1. საჭადრაკო კლუბის  რეორგანიზაციის შესახებ გადაწყვეტილებას ღებულობს თვითმ­მართ­ველი ქალაქი - ბათუმის საკრებულო.

2. საჭადრაკო კლუბის ლიკვიდაცია ხორციელდება მოქმედი კანონმდებლობის შესაბამისად.