გ ა ნ კ ა რ გ უ ლ ე ბ ა      

 „არასამეწარმეო (არაკომერციული) იურიდიული პირის - სატრანსპორტო ინფრასტრუქტურის მართვის სააგენტოს“ წესდები დამტკიცების შესახებ თვითმმართველი ქალაქის - ბათუმის საკრებულოს 2012 წლის 31 იანვრის  №17 განკარგულებაში ცვლილების შეტანის თაობაზე

„საქართველოს ზოგადი ადმინისტრაციული კოდექსის“ 63-ე მუხლის შესაბა­მი­სად, თვითმმართველი ქალაქის - ბათუმის საკრებულომ გ ა დ ა წ ყ ვ ი ტ ა :

1. „არასამეწარმეო (არაკომერციული) იურიდიული პირის - სატრანსპორტო ინ­ფ­რა­სტრუქტურის მართვის სააგენტოს“ წესდების დამტკიცების შესახებ“ თვითმ­მ­ა­რ­თ­ველი ქალაქის - ბათუმის საკრებულოს 2012 წლის 31 იანვრის №17 განკა­რ­გულება­­ში შე­ტანილ იქნეს ცვლილება და განკარგულებით დამტ­კი­ცებული „არასამეწარმეო (არა­კომერციული) იურიდიული პირის - სატრანსპორტო ინფრასტრუქტურის მართ­ვის სააგენტოს“ წესდების მე-3 მუხლი ჩამოყალიბდეს შე­მ­დეგი რედაქციით:

„მუხლი 3. სააგენტოს ძირითადი მიზანი და ფუნქციები:

სააგენტოს ძირითადი მიზანი და ფუნქციაა:

ა) პარკირების წესის დანერგვა, დაცვა და განვითარება;

ბ) ქუჩებში და საზოგადოებრივ სივრცეებში ავტომანქანების პარკირების ადგილე­ბ­ის განსაზღვრისა და მოწყობის შესახებ შესაბამისი წინადადების შემუშავება და დადგენი­ლი წესით უფლებამოსილი ორგა­ნ­ო­სათვის დასამტკიცებლად წარდგენა;

გ) პარკირების ადგილების მოწყობა, დახაზვა, საგზაო ნიშნებით აღჭურვა;

დ) ფასიანი პარკირების სისტემის დანერგვა, საფასურის ოდენობაზე წინადადების შე­­მ­უ­შავება, დადგენილი წესით უფლებამოსილი ორგა­ნ­ო­სათვის დასამტკიცებლად წარდგენა და დამტკიცებული საფასურის ამოღების ორგანიზება;

ე) პარკირების ადგილებზე პარკომეტრების მონტაჟი, ექსპლუატაცია, შესაბამისი ნიშ­ნე­ბით აღჭურვა;

ვ) პარკირების მონიტორინგი ქალაქში, დამრღ­ვე­ვებისათვის საჯარიმო ოქმების გამო­წე­რა, დარღვევით მდგომი მანქანების ავტოევაკუა­ტო­რე­ბით სპეციალურ სადგომზე გადაყვანა (მათ შორის სპეცტექნიკის);

ზ) ქვეითად მოსიარულეთა ინტერესების დაცვის ხელშეწყობა;

თ) ადგილობრივი მნიშვნელობის საავტომობილო გზებზე მოძრაობის წესების შემუ­შა­ვე­ბა და დადგენილი წესით უფლებამოსილი ორგანოსათვის დასამტკიცებლად წარდგენა;

ი) შუქნიშნების, ვიდეოკამერების და საგზაო ნიშნების განთავსების გეგმის შემუშ­ა­ვ­ება, ასევე მათი განთავსება, ექსპლუატაცია, მოვლა-პატრონობა და მიმდინარე რემონტი;

კ) ადგილობრივი მნიშვნელობის საავტომობილო გზებზე მონიშვნის ნიშნების სამუ­შაო­ე­ბის შესრულება (გზის სავალი ნაწილების დახაზვა);

ლ) გზის სავალ ნაწილებზე ქვაფენილების (ბრუშატკა), ტროტუარის საფარის (ფილები, ქვაფენილები), ბორდიურების და ბოწკინტების (რკინის, ქვის და ა.შ.) მოვლა-შენახვა და მიმდი­ნარე რემონტი;

მ) ველობილიკების მოწყობა (შეღებვა და მონიშვნა);

ნ) ელექტრონული საინფორმაციო დაფების განლაგების დაგეგმარება, განლაგება და მართვა;

ო) თვითმმართველ ქ. ბათუმის ტერიტორიაზე საგზაო მოძრაობის უსაფრთ­ხო­ების უზრუ­ნველყოფის სფეროში ერთიანი პოლიტიკის ფორმირებაში მონაწილეობა;

პ) საგზაო მოძრაობის უსაფრთხოების უზრუნველყოფის „საგზაო მოძრაობის უსა­ფ­რთ­ხ­ოების შესახებ“ საქართველოს კანონით დადგენილი სამართლებრივი საფუ­ძ­ვ­ლის მომ­ზა­დება და დადგენილი წესით უფლებამოსილი ორგანოსათვის დასამტკიცებლად წარდგენა;

ჟ) საგზაო მოძრაობის უსაფრთხოების უზრუნველყოფის საკითხებზე სტან­და­რ­­ტების, ტექნიკური ნორმებისა და სხვა ნორმატიული აქტების ერთიანი სისტემის მომზადება;

რ) სხვა ამოცანებისა და მიზნების შესრულება (მათ შორის სხვა მცირე მოცულობის კეთილ­მოწყობითი სამუშაოები ქალაქის მასშტაბით), საკრებულოსა და საკრებულოს თავმჯდო­­მარის სხვა გადაწყვეტილებების აღსრულება და მერის სხვა დავალებების შესრულება მოქმედი კანონმდებლობის შესაბამისად.“.

2. განკარგულება ძალაშია ხელმოწერისთანავე.

საკრებულოს თავმჯდომარე                                                                             ირაკლი ჩავლეიშვილი