გ ა ნ კ ა რ გ უ ლ ე ბ ა 

თვითმმართველი ქალაქის - ბათუმის კერძო სამართლის  სამეწარმეო და არასამეწარმეო (არაკომერციული) იურიდიული პირების ზოგიერთი საქმიანობის  ქ.  ბათუმის თვითმმართველობის ორგანოებთან შეთანხმების შესახებ

„ადგილობრივი თვითმმართველობის შესახებ“ საქართველოს ორგანული კანონის,  „მეწარმეთა შესახებ“ საქართველოს კანონისა და საქართველოს სამოქალაქო კოდექსის შესაბამისად, თვითმმართველი ქალაქის - ბათუმის საკრებულომ გ ა დ ა წ ყ ვ ი ტ ა :

1. თვითმმართველი ქალაქის - ბათუმის კერძო სამართლის სამეწარმეო და არასამე­წარმეო (არა­კომერ­ციული) იურიდიული პირის (შემდგომში - იურიდიული პირი) საშტა­ტო განრიგის დამტკიცება და ამ იურიდიული პირების ხარჯთაღრიცხვის შეთანხმება განხორციელდეს ქ. ბათუმის საკრებულოს თავმჯდომარის მიერ ქ. ბათუმის მერის წარდგინებით. ასევე ასეთის არსებობის შემთხვევაში, შესაბამისი იურიდიული პირების მოსწავლეთა (აღსა­ზრ­დელ­თა) მისაღები კონტიგენტის ოდენობა, სასწავლო (საგანმანათ­ლებლო) პროგრა­მების დამტკიცება და ფასიანი სწავლების საფასურის ოდენობის განსაზღვრა განხორ­ციელდეს ქ. ბათუმის საკრებულოს თავმჯდომარის მიერ ქ. ბათუმის მერის წარდგინებით.

2. ამ განკარგულების 1-ლი პუნქტით დადგენილი წესი გავრცელდეს აგრეთვე აღნიშნულ დოკუმენტებში ცვლილებების ან/და დამატებების შეტანაზე.

3. ქალაქ ბათუმის თვითმმართველობის ორგანოების (საკრებულო, მერია) მიერ დაფუძნებულმა (მართვაში არსებულმა) კერძო სამართლის სამეწარმეო და არასამეწარმეო (არა­კომერციულმა) იურიდიულმა პირებმა თავიანთ საქმიანობაში უზრუნველყონ ამ გან­კარ­გულებით გათვალისწინებულ მოთხოვნათა სავალდებულო შესრულება.

4. ძალადაკარგულად გამოცხადდეს „თვითმმართველი ქალაქის - ბათუმის კერძო სამართლის არასამეწარმეო (არაკომერციული) იურიდიული პირების ზოგიერთი საქმიანობის ქ.  ბათუმის თვითმმართველობის ორგანოებთან შეთანხმების შესახებ“ თვითმ-მართველი ქალაქის - ბათუმის საკრებულოს 2010 წლის 19 ნოემბრის #142 განკარგულება. 

5. განკარგულება ძალაშია ხელმოწერისთანავე.