ქალაქ ბათუმის მუნიციპალიტეტის საკრებულო
|
 
ანონსი
 
 
N: 31
თარიღი: 2013-02-28
ტიპი: განკარგულება
სფერო: სამართლებრივი აქტები

გ ა ნ კ ა რ გ უ ლ ე ბ ა 

 

 

`არასამეწარმეო (არაკომერციული) იურიდიული პირის

„ბათუმის საცხენოსნო კლუბის“ წესდების დამტკიცების შესახებ

 

 

ადგილობრივი თვითმმართველობის შესახებსაქართველოს ორგანული კანონის 22- მუხლის 1-ლი პუნქტის ქვეპუნქტისა და საქართველოს სამოქალაქო კოდექსის 35- მუხლის მე-3 ნაწილის შესაბამისად, თვითმმართველი ქალაქის - ბათუმის  საკრე­ბულომ :

1. დამტკიცდეს არასამეწარმეო (არაკომერციული) იურიდიული პირის - „ბათუმის საცხენოსნო კლუბისწესდება, თანახმად დანართისა.

           2. განკარგულება ძალაშია ხელმოწერისთანავე.

 

 

 

                   საკრებულოს თავმჯდომარე                                                                           ირაკლი ჩავლეიშვილი

 

 

 

 

 

 

„ დ ა მ ტ კ ი ც ე ბ უ ლ ი ა

თვითმმართველი ალაქის - ბათუმის

საკრებულოს განკარგულება

2013 წლის 28 თებერვალი 31

 

 

არასამეწარმეო (არაკომერციული) იურიდიული პირის _

„ბათუმის საცხენოსნო კლუბის

 

თავი I. ზოგადი დებულებანი

 

მუხლი 1. სახელწოდება და იურიდიული მისამართი:

1. არასამეწარმეო (არაკომერციული) იურიდიული პირი – ,,ბათუმის საცხენოსნო კლუბი“ არის „ადგილობრივი თვითმმართველობის შესახებ“ საქ­ა­რ­თ­ვე­ლოს ორგანული კანონისა და საქართველოს სამოქალაქო კოდექსის საფუძველზე, თვი­თ­მ­მა­რთველი ქალაქი - ბათუმის მიერ შექმნილი არასამეწარმეო (არაკომერციული) იურიდი­უ­ლი პირი. 

2. არასამეწარმეო (არაკომერციული) იურიდიული პირის სახელწოდებაა: არასა­მეწარ­მეო (არაკომერციული) იურიდიული პირი – ,,ბათუმის საცხენოსნო კლუბი“ (შემდგომ ტექსტში – კლუბი).

3. კლუბის იურიდიული მისამართია: საქართველო, ქალაქი ბათუმი, ლუკა ასა­თი­ა­ნ­ის         ქ. №25.

4. კლუბის ელექტრონული მისამართია: batumiriding@gmail.com

 

მუხლი 2. კლუბის სტატუსი:

1. კლუბი არის წევრთა მდგომარეობისაგან დამოუკიდებელი იურიდიული პირი და მი­სი მიზანი არ არის სამეწარმეო საქმიანობის განხორციელება.

2. კლუბის უფლებაუნარიანობა წარმოიშობა მისი რეგისტრაციის მომენტიდან და წყდ­ება ლიკვიდაციის დასრულების რეგისტრაციის მომენტიდან.

3.  კლუბი შექმნილია განუსაზღვრელი ვადით.

4. დასახული მიზნებისა და დაკისრებული ფუნქციების განსახორციელებლად კლუბს  აქვს სამეწარმეო საქმიანობის უფლება.

5. კლუბი კანონმდებლობით და ამ წესდებით განსაზღვრული მიზნებისა და და­კის­რე­ბული ფუნქციების განსახორციელებლად საკუთარი სახელით იძენს ქონებრივ და პირად არა­ქონებრივ უფლებებს, კისრულობს მოვალეობებს, დებს გარიგებებს, საკუთარი სახელით გამოდის მოსარჩლედ და მოპასუხედ სასამართლოში და არბიტრაჟში, აგრეთვე მესამე პირთან ურთიერთობაში.

6. კლუბს აქვს დამოუკიდებელი ბალანსი, ხარჯთაღრიცხვა, საბანკო და სახაზინო ანგარიშები, ბეჭედი, შტამპი, ბლანკი და იურიდიული პირის სხვა რეკვიზიტები.

7. კანონმდებლობითა და ამ წესდებით დადგენილ ფარგლებში კლუბი ანგარიშ­ვალ­დე­ბული და პასუხისმგებელია ქალაქ ბათუმის თვითმმართველობის ორგანოების წინაშე, რო­მელიც ახორციელებს დამფუძნებლის უფლებამოსილებებს.

                                  

 თავი II. საქმიანობის საგანი

 

მუხლი 3. კლუბის ძირითადი მიზანი და ფუნქციები:

 კლუბის ძირითადი მიზანი და ფუნქციაა ცხენოსნობის, როგორც სპორტული, გამაჯანსაღებელი და ტურისტული მიმართულების პოპულარიცაზია და მისი განვითარების ხელშეწყობა.

 

მუხლი 4.  კლუბის უფლებები და ვალდებულებები:

1. კლუბი დაკისრებული ვალდებულებებისა და ამოცანების განსახორ­ციელებლად უფ­ლება აქვს:

ა) აწარმოოს მოლაპარაკებანი და დადოს გარიგებები, აგრეთვე, განახორციელოს სხვა იუ­რიდიული ქმედებები, როგორც სახელმწიფო, ასევე კერძო ორგანიზაციებთან; მათ შორის დაამყაროს ურთიერთობები სხვა ქვეყნების იურიდიულ, თუ ფიზიკურ პირებთან;

ბ) საქართველოს კანონმდებლობით დადგენილი წესით განახორციელოს დამხმარე სა­ხ­ის სამეწარმეო საქმიანობა; ამ საქმიანობიდან მიღებული შემოსავალი მოახმაროს მხოლოდ დაწესებულების მატერიალურ-ტექნიკური ბაზის განმტკიცებას, მუშაკთა სოციალურ დაცვას, შრომის ეკონომიკურ სტიმულირებას, აგრეთვე დაწესებულების წესდებით გათვალისწინე­ბულ სხვა მიზნებისა და ამოცანების განხორციელებას;

გ) დაამყაროს შრომით-სამართლებრივი ურთიერთობები ქალაქ ბათუმის აღმასრულე­ბე­ლი ორგანოს მიერ განსაზღვრული საშტატო განრიგის შესაბამისად;

დ) შრომით-სამართლებრივ ურთიერთობაში მყოფი პირების თანამდებობრივი სარგო განსაზღვროს ქალაქ ბათუმის აღმასრულებელი ორგანოს მიერ დამტკიცებული სარგოს ოდენობის შესაბამისად;

ე) განსაზღვროს დაწესებულების ხარჯთაღრიცხვა ქალაქ ბათუმის აღმასრულებელ ორ­გ­ა­ნოსთან შეთანხმებით;

2. კლუბი ვალდებულია:

ა) წარმართოს თავისი საქმიანობა საქართველოს სათანადო საკანონმდებლო და კანონ­­ქვე­მდებარე სამართლებრივი აქტებისა და ამ წესდების შესაბამისად;

ბ) წარმართოს შრომითი (მათ შორის სახელშეკრულებო) ურთიერთობანი საქართველოს კანონმდებლობით დადგენილი წესით;

გ) შეასრულოს მოქმედი კანონმდებლობიდან და დადებული ხელშეკრულებებიდან გა­მ­ომდინარე ვალდებულებები.

 

თავი III. კლუბის მართვა და კომპეტენცია

 

მუხლი 5. კლუბის მართვა:

 

1. კლუბის მართვა ხორციელდება საქართველოს კანონმდებლობით და ამ წესდების შესაბამისად.

2. კლუბს ხელმძღვანელობს დირექტორი, რომელსაც ერთპიროვნულად ეკის­რე­ბა და­წესებულების წარმომადგენლობითი უფლებამოსილება.

3. კლუბის დირექტორს თანამდებობაზე ნიშნავს და თანამდებობიდან ათავი­სუფ­­ლე­ბს  თვითმმართველი ქალაქის - ბათუმის საკრებულო.

4. დირექტორისათვის შრომითი ურთიერთობის დრობით შეჩერების დროს დირექტორის მოვალეობის შემსრულებელს ნიშნავს საკრებულოს თავმჯდომარე.

5. კლუბის საქმიანობაზე კოორდინაციას ახორციელებს ქ. ბათუმის მერიის განათლების, კულტურის, ტურიზმისა და სპორტის სამსახური.

 

მუხლი 6. კლუბის დირექტორის უფლებამოსილება:

1. დირექტორი:

ა) საქართველოს კანონმდებლობითა და ამ წესდებით დადგენილი უფლებამოსილების ფა­რგლებში დამოუკიდებლად ხელმძღვანელობს დაწესებულების საქმიანობას, მოქმედებს დაწესებულების სახელით და სპეციალური მინდობილობის გარეშე წარმოადგენს მას მესამე პირთან ურთიერთობაში;

ბ) იურიდიული პირის საქმიანობიდან გამომდინარე საკითხებზე გადაწყვეტილებას ღე­­ბუ­ლობს ერთპიროვნულად, გარდა იმ საკითხებისა, რომელიც საჭიროებს დამფუძ­ნებ­ე­ლ­თან შეთანხმებას;

გ) პერსონალურად პასუხისმგებელია ამ წესდებისა და დაწესებულების საქმიანობის მო­­მ­­წესრიგებელი სამართლებრივი აქტების შესრულებაზე;

დ) პერსონალურად პასუხისმგებელია დაწესებულების საქმიანობის სწორად წარმარ­თ­ვა­ზე, დაწესებულების ქონების, მათ შორის, ფულადი სახსრების მიზნობრივ ხარჯვასა და გამოყენებაზე;

ე) თავისი უფლებამოსილების განხორციელებისას გამოსცემს ბრძანებებს, რომელთა შეს­რულება სავალდებულოა დაწესებულების ყველა თანამშრომლისათვის, ხელს აწერს დაწესებულების საქმიანობასთან დაკავშირებულ ფინანსურ და სხვა დოკუმენტებს;

ვ) უფლებამოსილია დასახული მიზნების მისაღწევად დაამყაროს შრომით-სამარ­თ­ლე­ბ­რი­ვი ურთიერთობები ქალაქ ბათუმის აღმასრულებლი ორგანოს მიერ განსაზღვრული საშ­ტა­ტო განრიგის შესაბამისად;

ზ) უფლებამოსილია შრომით-სამართლებრივ ურთიერთობაში მყოფი პირების თანამ­დე­ბობრივი სარგოები განსაზღვროს ქალაქ ბათუმის აღმასრულებლი ორგანოს მიერ დამ­ტკ­ი­ცე­ბული თანამდებობრივი სარგოს ოდენობის შესაბამისად;

თ) საქართველოს შრომის კოდექსის შესაბამისად, თანამდებობაზე ნიშნავს (დებს ხელ­შე­­კ­რულებებს) და თანამდებობიდან ათავისუფლებს დაწესებულების თანამშრომლებს;

ი) ანაწილებს ფუნქციებს დაწესებულების თანამშრომლებს შორის (რაზედაც გამოსცემს ბრძანებას), აძლევს მათ სათანადო მითითებებსა და დავალებებს, კანონ­მდებლობის შესა­ბა­მი­ს­ად ახორციელებს დაწესებულების ზედამხედველობას თანამშრომ­ლების საქმიანობაზე, მა­რ­თავს თათბირებს, პერიოდულად ისმენს ანგარიშს თანამშრომელთა საქმიანობის შედეგების თაობაზე, დაწესებულების სახელით სამოქმედოდ გასცემს მინდობილობას დაწესებულების თანამშრომლებსა და სხვა პირებზე.

კ) კანონმდებლობით დადგენილი წესით უფლებამოსილია დაწესებულების თანამ­შრო­მ­ლების მიმართ გამოიყენოს წახალისებისა და დისციპლინარული პასუხის­მგებლობის ზო­მე­ბი;

ლ) უფლებამოსილია დაწესებულების სახელით გახსნას და დახუროს საბანკო ანგარი­შე­ბი, დადოს შრომითი და სხვა ხელშეკრულებები (შეთანხმებები) ფიზიკურ და იურიდიულ პირებთან, მოქმედი კანონმდებლობის შესაბამისად;

მ) ქალაქ ბათუმის აღმასრულებელ ორგანოსთან ათანხმებს დაწესებულების  ხარჯთაღ­რიც­ხვას;

ნ) ადგენს და ქალაქ ბათუმის აღმასრულებელ ორგანოს დასამტკიცებლად წარუდგენს დაწესებულების ბალანსს;

ო) ამტკიცებს დაწესებულების თანამშრომელთა შვებულებაში გასვლის განრიგს;

პ) ატარებს სათანადო ღონისძიებებს დაწესებულების მატერიალურ-ტექნიკური ბაზის სრუ­ლყოფის, თანამშრომელთა და დამსვენებლებისათვის აუცილებელი პირობების შექმნის მიზნით;

ჟ) ქალაქ ბათუმის თვითმმართველობის ორგანოებს არანაკლებ წელიწადში ერთხელ წა­რუდგენს დაწესებულების ანგარიშს გაწეული საქმიანობის შესახებ;

 რ) ანგარიშვალდებულია ქალაქ ბათუმის თვითმმართველობის ორგანოების წინაშე;

ს) ქალაქ ბათუმის თვითმმართველობის ორგანოებს წარუდგენს დაწესებულების წეს­დე­­ბაში შესატანი ცვლილებებისა და დამატებების შესახებ პროექტს, წინადადებებს დაწე­სე­ბუ­ლების საქმიანობის სრულყოფის ღონისძიებათა შესახებ;

ტ) ახორციელებს კანონმდებლობით, ამ წესდებით და მათ შესაბამისად მინიჭებულ სხვა უფლებამოსილებებს.

2. დაწესებულების საქმიანობასთან დაკავშირებული მნიშვნელოვანი საკითხების გადა­საწ­ყვეტად, სათანადო წინადადებებისა და რეკომენდაციების მომზადების მიზნით, დირექ­ტორი უფლებამოსილია შექმნას სათათბირო ჯგუფები, კომისიები და უხელმძღვანელოს მას.

 

თავი IV. სტრუქტურა

მუხლი 7. კლუბის სტრუქტურა:

1. კლუბის შემადგენლობაში სტრუქტურულად შედის დირექტორი, მთავარი მწვრთნელი, იურისტი, ბუღალტერი, უფროსი მეჯინიბე, ინსტრუქტორი, მეჯინიბე, მჭედელი.

2. კლუბის სტრუქტურაში შემავალი თანამშრომლების რაოდენობა და თანამდებობრივი სარგოს ოდენობა განისაზღვრება ქ. ბათუმის აღმასრულებელი ორგანოს მიერ დამტკიცებული საშტატო განრიგით.

 

თავი V. ქონება

მუხლი 8.  კლუბის ქონება:

1. დასახული მიზნებისა და დაკისრებული ფუნქციების კლუბს აქვს საჭირო განცალკევებული ქონება, რომელიც გადაეცემა საქართველოს კანონმ­დებ­ლო­ბით დადგენილი წესით.

2. კლუბის ქონებას შეიძლება შეადგენდეს აგრეთვე დაწესებულების ფუნქციო­ნი­რე­ბის განმავლობაში მისი ფინანსური სახსრებით შეძენილი ან/და შექმნილი ქონება.

3. კლუბის ქონებასთან დაკავშირებული სხვა საკითხები განისაზღვრება საქართ­ვე­ლ­ოს მოქმედი კანონმდებლობით დადგენილი წესით.

 

მუხლი 9. საქმიანობა, რომელიც საჭიროებს თანხმობას:

კლუბს შეუძლია მხოლოდ დამფუძნებლის თანხმობით განახორციელოს შემდეგი ქმე­დებები:

ა) უძრავი ქონების შეძენა;

ბ) გადაცემული ქონების გასხვისება;

გ) გადაცემული ქონების იჯარით გაცემა;

დ) სესხის აღება;

ე) თავდებობა;

ვ) სხვა გადაწყვეტილებები კლუბის ქონებასთან დაკავშირებით, რომლებიც სცილ­დე­ბა ჩვეულებრივი საქმიანობის ფარგლებს.

                                                                        

 თავი VI. ფინანსები

 

მუხლი 10. კლუბის ფინანსები:

1. კლუბის დაფინანსების წყარო შეიძლება იყოს:

ა) თვითმმართველი ქალაქის – ბათუმის ბიუჯეტიდან გამოყოფილი მიზნობრივი სახ­ს­რები;

ბ) ადგილობრივი და საერთაშორისო ორგანიზაციების მიერ გამოყოფილი შემოწირუ­ლობები, გრანტები;

გ) შემოსავლები, რომლებიც მიიღება კლუბის მიერ სხვა იურიდიული, თუ ფიზი­კუ­რი პირებისათვის გაწეული მომსახურების შედეგად;

დ) დამხმარე სამეწარმეო საქმიანობიდან მიღებული შემოსავლები;

ე) საქართველოს კანონმდებლობით ნებადართული სხვა შემოსავლები.

2. კლუბის ნებისმიერი შემოსავალი უნდა მოხმარდეს მხოლოდ დაწესებუ­ლების მიზ­ნე­ბისა და ამოცანების განხორციელებას. დაწესებულების  სახსრების სხვაგვარად გამოყენება და­უშვებელია.

 

თავი VII. საქმიანობის კონტროლი

 

მუხლი 11. კლუბის საქმიანობის კონტროლი:

1. კლუბის საქმიანობის საერთო კონტროლს ახორციელებს ქალაქ ბათუმის თვითმ­მა­რ­თველობის ორგანოები.

2. კლუბის  საქმიანობის კონტროლი მოიცავს დაწესებულების მიერ განხორციე­ლე­ბუ­ლი საქმიანობის კანონიერების, მიზანშეწონილობის, ეფექტიანობისა და საფინანსო-ეკო­ნო­მი­კუ­რი საქმიანობის ზედამხედველობას.

3. კლუბის საქმიანობის შესამოწმებლად, საჭიროების შემთხვევაში, ქალაქ ბათუმის თვითმმართველობის ორგანოები ნიშნავს აუდიტორს.

4. კლუბის საქმიანობის კონტროლთან დაკავშირებული სხვა საკითხები განისაზ­ღ­ვ­რე­ბა  მოქმედი კანონმდებლობით დადგენილი წესით.

 

თავი VIII.  რეორგანიზაცია და ლიკვიდაცია

 

მუხლი 12.  კლუბის რეორგანიზაცია და ლიკვიდაცია:

1. კლუბის რეორგანიზაციის შესახებ გადაწყვეტილებას ღებულობს თვითმ­მართ­ველი ქალაქი - ბათუმის საკრებულო.

2. კლუბის ლიკვიდაცია ხორციელდება მოქმედი კანონმდებლობის შესაბამისად.

 
 
 
ვიდეო
 

 

 

ამინდი
 
ბმულები