თვითმმართველი ქალაქის - ბათუმის საკრებულო

დ ა დ გ ე ნ ი ლ ე ბ ა №4

2013 წლის 28 თებერვალი

ქალაქი ბათუმი

თვითმმართველი ქალაქის - ბათუმის ტერიტორიაზე პარკირების

 საერთო ადგილებით და  პარკირების სპეციალური ადგილებით სარგებლობისათვის საფასურის დადგენის შესახებ

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის 1-ლი პუნქტის „ნ“ ქვეპუნქტის, „თვითმმართველი ქალაქის - ბათუმის ტერიტორიაზე ავტომანქანების პარკირების მარეგუ­ლირებელი ნორმების - ავტომანქანების პარკირების ადგილების განსაზღვრისა და ავტომანქანების პარკირების წესების დადგენის შესახებ“ თვითმმართველი ქალაქის - ბათუმის საკრებულოს 2010 წლის 15 ოქტომბრის №25 დადგენილების მე-5 მუხლის და „ნორმატიული აქტების შესახებ“ საქართველოს კანონის 25-ე მუხლის შესაბამისად, თვითმმართველი ქალაქის - ბათუმის საკრებულო ა დ გ ე ნ ს :

1. დადგინდეს თვითმმართველი ქალაქის - ბათუმის ტერიტორიაზე პარკირების საერთო ადგილებით სარგებლობისათვის საფასური დროის შემდეგი მონაკვეთების მიხედვით:

ა)  1 დღე  - 1 (ერთი) ლარი;

ბ)  7 დღე - 5 (ხუთი) ლარი;

გ) 30 დღე - 10 (ათი) ლარი;

დ) 182 დღე - 25 (ოცდახუთი) ლარი;

ე) 365 დღე - 40 (ორმოცი) ლარი.

2. დადგინდეს თვითმმართველი ქალაქის - ბათუმის ტერიტორიაზე ტაქსების პა­­რ­­­კი­რების ადგილებით (პარკირების სპეციალური ადგილები) სარგებლობისათვის საფასური დროის შემდეგი მონაკვეთების მიხედვით:

ა) 10 დღე - 10 (ათი) ლარი;

ბ) 20 დღე - 20 (ოცი) ლარი;

გ) 30 დღე - 30 (ოცდაათი) ლარი.

3. დადგინდეს თვითმმართველი ქალაქის - ბათუმის ტერიტორიაზე პარკომეტრების განთავსების ადგილები, თანახმად დანართისა.

4. დადგინდეს თვითმმართველი ქალაქის - ბათუმის ტერიტორიაზე პარკომეტრებით აღჭურვილი პარკირების საერთო ადგილებით სარგებლობისათვის საფასური დროის შემდეგი მონაკვეთების მიხედვით:

ა)  1 საათამდე პერიოდი  - 50 (ორმოცდაათი) თეთრი;

ბ)  2 საათამდე პერიოდი - 1 (ერთი) ლარი;

გ) ყოველი შემდეგი 01 (ერთი) საათი - 1 (ერთი) ლარი.

5. ზამთრის პერიოდში (15 ოქტომბრიდან 31 მაისის ჩათვლით) 19 საათიდან 09 საათამდე მონაკვეთში პარკომეტრებით აღჭურვილი პარ­კი­რე­ბის საერთო ადგილებით მოსარგებლე პირი თავისუფლდება პარკომეტრებით აღჭურვილი პარკირების საერთო ადგილებით სარგებლობის საფასურის გადახდისაგან. მოცემულ შემთხვევაში პარკომეტრებით აღჭურვილი პარ­კი­რე­ბის საერთო ადგილებით მოსარგებლე პირი არ თავისუფლდება ამ დადგე­ნი­ლე­ბის პირველი პუნქტით პარკირების საერთო ადგილებით სარგებლობის საფასურის გადახდისაგან.

6. ამ დადგენილების პირველი პუნქტის შესაბამისად პარკირების საფასურის გადამხდელი თავისუფლდება დადგენილების მე-4 პუნქტით დადგენილი პარკომეტრებით აღ­ჭურვილი პარკი­რე­ბის საერთო ადგილებით სარგებლობის საფასურის გადახდისაგან. ამ დადგენილების მე-4 პუნქტის შესაბამისად პარკომეტრებით აღ­ჭურვილი პარკი­რე­ბის საფასურის გადამხდელი თავისუფლდება დადგენილების პირველი პუნქტით დადგენილი პარკი­რე­ბის საერთო ადგილებით სარგებლობის საფასურის გადახდისაგან, გარდა დადგენილების მე-5 პუნქტით განსაზღვრული შემთხვევისა.

7. სატვირთო ავტომობილებისა და სპეცტექნიკისათვის თვითმმართველი ქალაქის – ბათუმის ტერიტორიაზე პარკირების ადგილებით (პარკირების სპეციალური ადგილები) სარგებლობისათვის საფასური დადგინდეს დროის შემდეგი მონაკვეთების მიხედვით:

ა)  1 დღე  - 3 (სამი) ლარი;

ბ)  30 დღე - 30 (ოცდაათი) ლარი;

გ) 182 დღე - 150 (ას ორმოცდაათი) ლარი;

დ) 365 დღე - 250 (ორას ორმოცდაათი) ლარი;

8. პარკირების ადგილებით სარგებლობისათვის გადახდილი საფასურის ვადის ამოწურვამდე ამ დადგენილების პირველი, მე-2 და მე-7 პუნქტის შესაბამისად პარკირების საფასურის წინასწარ გადახდის დღედ მიიჩნევა ანგარიშსწორების განხორციელების დღე, ხოლო მისი აქტივაცია (ვადის ათვლა) მოხდება წინა პერიოდის პარკირების საფასურის ვადის ამოწურვის შემდეგ.

9. პარკირების საფასურის გადახ­და განხორციელდეს ოპერატორის მიერ შერჩე­ულ კომერციულ ბანკში ან/და ელექტ­რო­ნული გადახდის საშუალებებით.

10. წინამდებარე დადგენილებით დადგენილი პარკირების საფასურის ამოღებას ახორციელებს ა(ა)იპ - „სატრანსპორტო ინფრასტრუქტურის მართვის სააგენტო“. პარკირების საფასური ირიცხება ა(ა)იპ - „სატრანსპორტო ინფრასტრუქტურის მართვის სააგენტო“-ს  ანგარიშზე და წარმოადგენს მის საკუთრებას.

11. ძალადაკარგულად გამოცხადდეს „თვითმმართველი ქალაქის – ბათუმის ტერიტორიაზე პარკირების საერთო ადგი­ლე­ბით და პარკირების სპეციალური ადგილებით სარგებლობისათვის საფასურის დადგენის შე­სა­ხებ“ თვითმმართველი ქალაქის – ბათუმის საკრებულოს 2011 წლის 21 ივნისის №34 და­დგენილება.

12. პირებს, რომლებსაც წინამდებარე დადგენილების ძალაში შესვლამდე გადახდილი აქვთ პარკირების ადგილებით სარგებლობისათვის საფასური გადახდის დროისათვის დადგენილი ოდენობითა და წესით, წინამდებარე დადგენილების შესაბამისად პარკირების ადგილებით სარგებლობისათვის საფასურის გადახდაზე ვალდებული არიან გადახდილი საფასურის ვადის ამოწურვის შემდეგ.

13. ეს დადგენილება ამოქმედდეს გამოქვეყნებისთანავე.

        საკრებულოს  თავმჯდომარე                                                                           ირაკლი  ჩავლეიშვილი