N: 17

თარიღი: 2012-12-25

ტიპი: განკარგულება

სფერო: სამართლებრივი აქტები

 

გ ა ნ კ ა რ გ უ ლ ე ბ ა

          

არასამეწარმეო (არაკომერციული) იურიდიული პირის -

„სატრანსპორტო ინფრასტრუქტურის მართვის სააგენტოს“

წესდების დამტკიცების შესახებ

 

„ადგილობრივი თვითმმართველობის შესახებ“ საქართველოს ორგანული კანონისა და საქართველოს სამოქალაქო კოდექსის შესაბამისად, თვითმმართველი ქალაქის - ბათუ­მის საკრებულომ გ ა დ ა წ ყ ვ ი ტ ა :

1. დამტკიცდეს არასამეწარმეო (არაკომერციული) იურიდიული პირის - ,,სატრან­ს­პო­რ­ტო ინფრასტრუქტურის მართვის სააგენტოს“ თანდართული წესდება.

2. განკარგულება ძალაშია ხელმოწერისთანავე.

 

 

 

საკრებულოს თავმჯდომარე                                                                                               გიორგი კირთაძე

 

 

---

 

 

 „ დ ა მ ტ კ ი ც ე ბ უ ლ ი ა “

თვითმმართველი ქალაქის - ბათუმის

საკრებულოს განკარგულება

2012 წლის 31 იანვარი, #17

 

  

არასამეწარმეო (არაკომერციული) იურიდიული პირის –

„სატრანსპორტო ინფრასტრუქტურის მართვის სააგენტოს“

 

წ ე ს დ ე ბ ა

 

თავი I. ზოგადი დებულებანი

 

მუხლი 1. სახელწოდება და იურიდიული მისამართი:

1. არასამეწარმეო (არაკომერციული) იურიდიული პირი – ,,სატრანსპორტო ინფარს­ტ­რუ­ქტურის მართვის სააგენტო“ არის „ადგილობრივი თვითმმართველობის შესახებ“ საქ­ა­რ­თ­ვე­ლოს ორგანული კანონისა და საქართველოს სამოქალაქო კოდექსის საფუძველზე, თვი­თ­მ­მა­რთველი ქალაქი - ბათუმის მიერ შექმნილი არასამეწარმეო (არაკომერციული) იურიდი­უ­ლი პირი. 

2. არასამეწარმეო (არაკომერციული) იურიდიული პირის სახელწოდებაა: არასა­მეწარ­მეო (არაკომერციული) იურიდიული პირი – ,,სატრანსპორტო ინფარსტრუქტურის მართვის სა­აგენტო“ (შემდგომ ტექსტში – სააგენტო).

3. სააგენტოს იურიდიული მისამართია: საქართველო, ქალაქი ბათუმი, ლუკა ასა­თი­ა­ნ­ის ქ. №25.

4. სააგენტოს ელექტრონული მისამართია: transportis.saagento@gmail.com

 

მუხლი 2. სააგენტოს  სტატუსი:

1. სააგენტო არის წევრთა მდგომარეობისაგან დამოუკიდებელი იურიდიული პირი და მი­სი მიზანი არ არის სამეწარმეო საქმიანობის განხორციელება.

2. სააგენტოს უფლებაუნარიანობა წარმოიშობა მისი რეგისტრაციის მომენტიდან და წყდ­ება ლიკვიდაციის დასრულების რეგისტრაციის მომენტიდან.

3.  სააგენტო შექმნილია განუსაზღვრელი ვადით.

4. დასახული მიზნებისა და დაკისრებული ფუნქციების განსახორციელებლად სააგენ­ტ­ოს  აქვს სამეწარმეო საქმიანობის უფლება.

5. სააგენტო კანონმდებლობით და ამ წესდებით განსაზღვრული მიზნებისა და და­კის­რე­ბული ფუნქციების განსახორციელებლად საკუთარი სახელით იძენს ქონებრივ და პირად არა­ქონებრივ უფლებებს, კისრულობს მოვალეობებს, დებს გარიგებებს, საკუთარი სახელით გამოდის მოსარჩლედ და მოპასუხედ სასამართლოში და არბიტრაჟში, აგრეთვე მესამე პირთან ურთიერთობაში.

6. სააგენტოს აქვს დამოუკიდებელი ბალანსი, ხარჯთაღრიცხვა, საბანკო და სახაზინო ანგარიშები, ბეჭედი, შტამპი, ბლანკი და იურიდიული პირის სხვა რეკვიზიტები.

7. კანონმდებლობითა და ამ წესდებით დადგენილ ფარგლებში სააგენტო ანგარიშ­ვალ­დე­ბული და პასუხისმგებელია ქალაქ ბათუმის თვითმმართველობის ორგანოების წინაშე, რო­მელიც ახორციელებს დამფუძნებლის უფლებამოსილებებს.

                                            

 თავი II. საქმიანობის საგანი

 

მუხლი 3. სააგენტოს ძირითადი მიზანი და ფუნქციები:

 სააგენტოს ძირითადი მიზანი და ფუნქციაა:

ა) პარკირების წესის დანერგვა, დაცვა და განვითარება;

ბ) ქუჩებში და საზოგადოებრივ სივრცეებში ავტომანქანების პარკირების ადგილე­ბ­ის განსაზღვრისა და მოწყობის შესახებ (პარკირების ადგილის დახაზვა, საინფორმაციო ნიშ­ნე­ბით აღჭურვა) შესაბამისი წინადადების შემუშავება და დადგენილი წესით უფლებამოსილი ორგა­ნ­ო­სათვის დასამტკიცებლად წარდგენა;

გ) ქვეითად მოსიარულეთა ინტერესების დაცვის ხელშეწყობა;

დ) ფასიანი პარკირების სისტემის დანერგვა, საფასურის ოდენობაზე წინადადების შე­მ­უშავება,  დადგენილი წესით უფლებამოსილი ორგა­ნ­ო­სათვის დასამტკიცებლად წარდგენა და დამტკიცებული საფასურის ამოღების ორგანიზება;

ე) ადგილობრივი მნიშვნელობის საავტომობილო გზებზე მოძრაობის წესების შემუ­შა­ვე­ბა და დადგენილი წესით უფლებამოსილი ორგანოსათვის დასამტკიცებლად წარდგენა;

ვ) ადგილობრივი რეგულარული გადაყვანის მარშრუტის დადგენისას მარშრუტზე მოძ­რა­ვი სატრანსპორტო საშუალების გაჩერების ადგილების მოწესრიგება, შესაბამისი საგზაო ნიშ­ნ­ით ან/და მონიშვნის ხაზით, მგზავრთა მოსაცდელებით აღჭურვა და სხვა ინფრას­ტრუ­ქ­ტუ­რის მოწესრიგება;

ზ)  შუქნიშნების, ვიდეოკამერების და სხვა საგზაო ნიშნების განთავსების გეგმის შემუშ­ა­ვ­ება, ასევე მათი განთავსება;

თ)  შუქნიშნების, ვიდეოკამერების და სხვა საგზაო ნიშნების მოვლა-პატრონობა;

ი) ადგილობრივი მნიშვნელობის საავტომობილო გზებზე მონიშვნის ნიშნების სამუშაო­ე­ბის შესრულება;

კ) ელექტრონული საინფორმაციო დაფების განლაგების დაგეგმარება, განლაგება და მართვა;

ლ) თვითმმართველ ქ. ბათუმის ტერიტორიაზე საგზაო მოძრაობის უსაფრთ­ხო­ების უზ­რუ­ნველყოფის სფეროში ერთიანი პოლიტიკის ფორმირებაში მონაწილეობა;

მ) საგზაო მოძრაობის უსაფრთხოების უზრუნველყოფის „საგზაო მოძრაობის უსა­ფ­რთ­ხ­ოების შესახებ“ საქართველოს კანონით დადგენილი სამართლებრივი საფუ­ძ­ვ­ლის მომ­ზა­დება და დადგენილი წესით უფლებამოსილი ორგანოსათვის დასამტკიცებლად წარდგენა;

ნ) საგზაო მოძრაობის უსაფრთხოების უზრუნველყოფის საკითხებზე სტან­და­რ­­ტების, ტექნიკური ნორმებისა და სხვა ნორმატიული აქტების ერთიანი სისტემის მომზადება;

ო) სხვა ამოცანებისა და მიზნების შესრულება, საკრებულოსა და საკრებულოს თავმჯდო­მარის სხვა გადაწყვეტილებების აღსრულება და მერის სხვა დავალებების შესრულება მოქმედი კანონმდებლობის შესაბამისად.

 

მუხლი 4.  სააგენტოს უფლებები და ვალდებულებები:

1. სააგენტო დაკისრებული ვალდებულებებისა და ამოცანების განსახორ­ციელებლად უფ­ლება აქვს:

ა) აწარმოოს მოლაპარაკებანი და დადოს გარიგებები, აგრეთვე, განახორციელოს სხვა იუ­რიდიული ქმედებები, როგორც სახელმწიფო, ასევე კერძო ორგანიზაციებთან; მათ შორის დაამყაროს ურთიერთობები სხვა ქვეყნების იურიდიულ, თუ ფიზიკურ პირებთან;

ბ) საქართველოს კანონმდებლობით დადგენილი წესით განახორციელოს დამხმარე სა­ხ­ის სამეწარმეო საქმიანობა; ამ საქმიანობიდან მიღებული შემოსავალი მოახმაროს მხოლოდ დაწესებულების მატერიალურ-ტექნიკური ბაზის განმტკიცებას, მუშაკთა სოციალურ დაცვას, შრომის ეკონომიკურ სტიმულირებას, აგრეთვე დაწესებულების წესდებით გათვალისწინე­ბულ სხვა მიზნებისა და ამოცანების განხორციელებას;

გ) დაამყაროს შრომით-სამართლებრივი ურთიერთობები ქალაქ ბათუმის აღმასრულე­ბე­ლი ორგანოს მიერ განსაზღვრული საშტატო განრიგის შესაბამისად;

დ) შრომით-სამართლებრივ ურთიერთობაში მყოფი პირების თანამდებობრივი სარგო განსაზღვროს ქალაქ ბათუმის აღმასრულებელი ორგანოს მიერ დამტკიცებული სარგოს ოდენობის შესაბამისად;

ე) განსაზღვროს დაწესებულების ხარჯთაღრიცხვა ქალაქ ბათუმის აღმასრულებელ ორ­გ­ა­ნოსთან შეთანხმებით;

2. სააგენტო ვალდებულია:

ა) წარმართოს თავისი საქმიანობა საქართველოს სათანადო საკანონმდებლო და კანონ­­ქვე­მდებარე სამართლებრივი აქტებისა და ამ წესდების შესაბამისად;

ბ) წარმართოს შრომითი (მათ შორის სახელშეკრულებო) ურთიერთობანი საქართველოს კანონმდებლობით დადგენილი წესით;

გ) შეასრულოს მოქმედი კანონმდებლობიდან და დადებული ხელშეკრულებებიდან გა­მ­ომდინარე ვალდებულებები.

 

თავი III. სააგენტოს მართვა და კომპეტენცია

 

მუხლი 5. სააგენტოს მართვა:

 

1. სააგენტოს მართვა ხორციელდება საქართველოს კანონმდებლობით და ამ წესდების შესაბამისად.

2. სააგენტოს ხელმძღვანელობს დირექტორი, რომელსაც ერთპიროვნულად ეკის­რე­ბა და­წესებულების წარმომადგენლობითი უფლებამოსილება.

3. სააგენტოს დირექტორს თანამდებობაზე ნიშნავს და თანამდებობიდან ათავი­სუფ­­ლე­ბს  თვითმმართველი ქალაქის - ბათუმის საკრებულო.

4. სააგენტოს დირექტორს ყავს ერთი მოადგილე, რომელსაც თანამდებობაზე ნიშნავს და თანამდებობიდან ათავისუფლებს  დირექტორი.

5. დირექტორის მოადგილე ქ. ბათუმის საკრებულოს თავმჯდომარის ბრძანების საფუძ­ვე­ლზე დროებით ასრულებს დირექტორის მოვალეობას  დირექტორის მიერ თავისი უფ­ლე­ბა­მო­სილების განხორციელების შეუძლებლობის (დროებითი შრომისუუნარობის გამო), ადგი­ლ­ზე არყოფნის, თანამდებობიდან გადადგომის ან/და განთავისუფლებისას ან სხვა საფუძ­ვ­ლის არსებობისას დირექტორისათვის შრომითი ურთიერთობის დროებით შეჩერების დროს.

6. დირექტორის მოადგილის ფუნქციები და ამოცანები განისაზღვრება დირექტორის ბრძანებით.

7. სააგენტოს საქმიანობაზე კოორდინაციას ახორციელებს ქ. ბათუმის მერიის კეთილ­მ­ო­­წყობის სამსახური.

 

მუხლი 6. სააგენტოს დირექტორის უფლებამოსილება:

1. დირექტორი:

ა) საქართველოს კანონმდებლობითა და ამ წესდებით დადგენილი უფლებამოსილების ფა­რგლებში დამოუკიდებლად ხელმძღვანელობს დაწესებულების საქმიანობას, მოქმედებს დაწესებულების სახელით და სპეციალური მინდობილობის გარეშე წარმოადგენს მას მესამე პირთან ურთიერთობაში;

ბ) იურიდიული პირის საქმიანობიდან გამომდინარე საკითხებზე გადაწყვეტილებას ღე­­ბუ­ლობს ერთპიროვნულად, გარდა იმ საკითხებისა, რომელიც საჭიროებს დამფუძ­ნებ­ე­ლ­თან შეთანხმებას;

გ) პერსონალურად პასუხისმგებელია ამ წესდებისა და დაწესებულების საქმიანობის მო­­მ­­წესრიგებელი სამართლებრივი აქტების შესრულებაზე;

დ) პერსონალურად პასუხისმგებელია დაწესებულების საქმიანობის სწორად წარმარ­თ­ვა­ზე, დაწესებულების ქონების, მათ შორის, ფულადი სახსრების მიზნობრივ ხარჯვასა და გამოყენებაზე;

ე) თავისი უფლებამოსილების განხორციელებისას გამოსცემს ბრძანებებს, რომელთა შეს­რულება სავალდებულოა დაწესებულების ყველა თანამშრომლისათვის, ხელს აწერს დაწესებულების საქმიანობასთან დაკავშირებულ ფინანსურ და სხვა დოკუმენტებს;

ვ) უფლებამოსილია დასახული მიზნების მისაღწევად დაამყაროს შრომით-სამარ­თ­ლე­ბ­რი­ვი ურთიერთობები ქალაქ ბათუმის აღმასრულებლი ორგანოს მიერ განსაზღვრული საშ­ტა­ტო განრიგის შესაბამისად;

ზ) უფლებამოსილია შრომით-სამართლებრივ ურთიერთობაში მყოფი პირების თანამ­დე­ბობრივი სარგოები განსაზღვროს ქალაქ ბათუმის აღმასრულებლი ორგანოს მიერ დამ­ტკ­ი­ცე­ბული თანამდებობრივი სარგოს ოდენობის შესაბამისად;

თ) საქართველოს შრომის კოდექსის შესაბამისად, თანამდებობაზე ნიშნავს (დებს ხელ­შე­­კ­რულებებს) და თანამდებობიდან ათავისუფლებს დაწესებულების თანამშრომლებს;

ი) ანაწილებს ფუნქციებს დაწესებულების თანამშრომლებს შორის (რაზედაც გამოსცემს ბრძანებას), აძლევს მათ სათანადო მითითებებსა და დავალებებს, კანონ­მდებლობის შესა­ბა­მი­ს­ად ახორციელებს დაწესებულების ზედამხედველობას თანამშრომ­ლების საქმიანობაზე, მა­რ­თავს თათბირებს, პერიოდულად ისმენს ანგარიშს თანამშრომელთა საქმიანობის შედეგების თაობაზე, დაწესებულების სახელით სამოქმედოდ გასცემს მინდობილობას დაწესებულების თანამშრომლებსა და სხვა პირებზე.

კ) კანონმდებლობით დადგენილი წესით უფლებამოსილია დაწესებულების თანამ­შრო­მ­ლების მიმართ გამოიყენოს წახალისებისა და დისციპლინარული პასუხის­მგებლობის ზო­მე­ბი;

ლ) უფლებამოსილია დაწესებულების სახელით გახსნას და დახუროს საბანკო ანგარი­შე­ბი, დადოს შრომითი და სხვა ხელშეკრულებები (შეთანხმებები) ფიზიკურ და იურიდიულ პირებთან, მოქმედი კანონმდებლობის შესაბამისად;

მ) ქალაქ ბათუმის აღმასრულებელ ორგანოსთან ათანხმებს დაწესებულების  ხარჯთაღ­რიც­ხვას;

ნ) ადგენს და ქალაქ ბათუმის აღმასრულებელ ორგანოს დასამტკიცებლად წარუდგენს დაწესებულების ბალანსს;

ო) ამტკიცებს დაწესებულების თანამშრომელთა შვებულებაში გასვლის განრიგს;

პ) ატარებს სათანადო ღონისძიებებს დაწესებულების მატერიალურ-ტექნიკური ბაზის სრუ­ლყოფის, თანამშრომელთა და დამსვენებლებისათვის აუცილებელი პირობების შექმნის მიზნით;

ჟ) ქალაქ ბათუმის თვითმმართველობის ორგანოებს არანაკლებ წელიწადში ერთხელ წა­რუდგენს დაწესებულების ანგარიშს გაწეული საქმიანობის შესახებ;

რ) ანგარიშვალდებულია ქალაქ ბათუმის თვითმმართველობის ორგანოების წინაშე;

ს) ქალაქ ბათუმის თვითმმართველობის ორგანოებს წარუდგენს დაწესებულების წეს­დე­­ბაში შესატანი ცვლილებებისა და დამატებების შესახებ პროექტს, წინადადებებს დაწე­სე­ბუ­ლების საქმიანობის სრულყოფის ღონისძიებათა შესახებ;

ტ) ახორციელებს კანონმდებლობით, ამ წესდებით და მათ შესაბამისად მინიჭებულ სხვა უფლებამოსილებებს.

  

2. დაწესებულების საქმიანობასთან დაკავშირებული მნიშვნელოვანი საკითხების გადა­საწ­ყვეტად, სათანადო წინადადებებისა და რეკომენდაციების მომზადების მიზნით, დირექ­ტორი უფლებამოსილია შექმნას სათათბირო ჯგუფები, კომისიები და უხელმძღვანელოს მას.

 

თავი IV. სტრუქტურა

 

მუხლი 7. სააგენტოს სტრუქტურა:

1. სააგენტოს შემადგენლობაში სტრუქტურულად შედის დირექტორი, დირექტორის მო­ადგილე, ბუღალტერი, ოფისის მენეჯერი, იურისტი, საინფორმაციო–პროგრამული უზრუ­ნ­ველყოფის ცენტრი, მონიტორინგის განყოფილება, სამეურნეო განყოფილება, დაგეგმვისა და სამუშაოთა წარმოების განყოფილება.

2. სააგენტოს სტრუქტურაში შემავალი თანამშრომლების რაოდენობა (გარდა დირექ­ტო­რისა და დირექტორის მოადგილისა) და თანამდებობრივი სარგოს ოდენობა განისაზღვრება ქ. ბათუმის აღმასრულებელი ორგანოს მიერ დამტკიცებული საშტატო განრიგით.

  

თავი V. ქონება

 

მუხლი 8.  სააგენტოს ქონება:

1. დასახული მიზნებისა და დაკისრებული ფუნქციების განსახორციელებლად სააგენ­ტ­ოს აქვს საჭირო განცალკევებული ქონება, რომელიც გადაეცემა საქართველოს კანონმ­დებ­ლო­ბით დადგენილი წესით.

2. სააგენტოს ქონებას შეიძლება შეადგენდეს აგრეთვე დაწესებულების ფუნქციო­ნი­რე­ბის განმავლობაში მისი ფინანსური სახსრებით შეძენილი ან/და შექმნილი ქონება.

3. სააგენტოს ქონებასთან დაკავშირებული სხვა საკითხები განისაზღვრება საქართ­ვე­ლ­ოს მოქმედი კანონმდებლობით დადგენილი წესით.

 

მუხლი 9. საქმიანობა, რომელიც საჭიროებს თანხმობას:

სააგენტოს შეუძლია მხოლოდ დამფუძნებლის თანხმობით განახორციელოს შემდეგი ქმე­დებები:

ა) უძრავი ქონების შეძენა;

ბ) გადაცემული ქონების გასხვისება;

გ) გადაცემული ქონების იჯარით გაცემა;

დ) სესხის აღება;

ე) თავდებობა;

ვ) სხვა გადაწყვეტილებები სააგენტოს ქონებასთან დაკავშირებით, რომლებიც სცილ­დე­ბა ჩვეულებრივი საქმიანობის ფარგლებს.

                                                                                          

თავი VI. ფინანსები

 

მუხლი 10. სააგენტოს ფინანსები:

1. სააგენტოს დაფინანსების წყარო შეიძლება იყოს:

ა) თვითმმართველი ქალაქის – ბათუმის ბიუჯეტიდან გამოყოფილი მიზნობრივი სახ­ს­რები;

ბ) ადგილობრივი და საერთაშორისო ორგანიზაციების მიერ გამოყოფილი შემოწირუ­ლობები, გრანტები;

გ) შემოსავლები, რომლებიც მიიღება სააგენტოს მიერ სხვა იურიდიული, თუ ფიზი­კუ­რი პირებისათვის გაწეული მომსახურების შედეგად;

დ) დამხმარე სამეწარმეო საქმიანობიდან მიღებული შემოსავლები;

ე) საქართველოს კანონმდებლობით ნებადართული სხვა შემოსავლები.

2. სააგენტოს ნებისმიერი შემოსავალი უნდა მოხმარდეს მხოლოდ დაწესებუ­ლების მიზ­ნე­ბისა და ამოცანების განხორციელებას. დაწესებულების  სახსრების სხვაგვარად გამოყენება და­უშვებელია.

 

თავი VII. საქმიანობის კონტროლი

 

მუხლი 11. სააგენტოს საქმიანობის კონტროლი:

1. სააგენტოს საქმიანობის საერთო კონტროლს ახორციელებს ქალაქ ბათუმის თვითმ­მა­რ­თველობის ორგანოები.

2. სააგენტოს საქმიანობის კონტროლი მოიცავს დაწესებულების მიერ განხორციე­ლე­ბუ­ლი საქმიანობის კანონიერების, მიზანშეწონილობის, ეფექტიანობისა და საფინანსო-ეკო­ნო­მი­კუ­რი საქმიანობის ზედამხედველობას.

3. სააგენტოს საქმიანობის შესამოწმებლად, საჭიროების შემთხვევაში, ქალაქ ბათუმის თვითმმართველობის ორგანოები ნიშნავს აუდიტორს.

4. სააგენტოს საქმიანობის კონტროლთან დაკავშირებული სხვა საკითხები განისაზ­ღ­ვ­რე­ბა  მოქმედი კანონმდებლობით დადგენილი წესით.

 

თავი VIII.  რეორგანიზაცია და ლიკვიდაცია

 

მუხლი 12.  სააგენტოს  რეორგანიზაცია და ლიკვიდაცია:

1. სააგენტოს რეორგანიზაციის შესახებ გადაწყვეტილებას ღებულობს თვითმ­მართ­ველი ქალაქი - ბათუმის საკრებულო.

2. სააგენტოს ლიკვიდაცია ხორციელდება მოქმედი კანონმდებლობის შესაბამისად.